నీల సరస్వతీ స్తోత్రం (బృహన్నీల తంత్రే) Neela saraswathi stotram

నీల సరస్వతీ స్తోత్రం (బృహన్నీల తంత్రే)

 

శ్రీ గణేశాయ నమః ॥

ఘోరరూపే మహారావే సర్వశత్రు క్షయఙ్కరీ
భక్తేభ్యో వరదే దేవి త్రాహి మాం శరణాగతమ్ ॥ ౧॥

సురాఽసురార్చితే దేవి సిద్ధగన్ధర్వసేవితే ।
జాడ్యపాపహరే దేవి త్రాహి మాం శరణాగతమ్ ॥ ౨॥

జటాజూటసమాయుక్తే లోలజిహ్వానుకారిణీ ।
ద్రుతబుద్ధికరే దేవి త్రాహి మాం శరణాగతమ్ ॥ ౩॥

సౌమ్యరూపే ఘోరరూపే చణ్డరూపే నమోఽస్తు తే । 
సృష్టిరూపే నమస్తుభ్యం త్రాహి మాం శరణాగతమ్ ॥ ౪॥ 
  
జడానాం జడతాం హమ్సి భక్తానాం భక్తవత్సలే । 
మూఢతాం హర మే దేవి త్రాహి మాం శరణాగతమ్ ॥ ౫॥

హ్రూం హ్రూంకారమయే దేవి బలిహోమప్రియే నమః ।
ఉగ్రతారే నమస్తుభ్యం త్రాహి మాం శరణాగతమ్ ॥ ౬॥

బుద్ధిం దేహి యశో దేహి కవిత్వం దేహి దేహి మే ।
కుబుద్ధిం హర మే దేవి త్రాహి మాం శరణాగతమ్ ॥ ౭॥ 

మూఢత్వం ఇన్ద్రాదిదేవ సద్వృన్దవన్దితే కరుణామయీ ।  
వృన్ద తారే తారాధినాథాస్యే త్రాహి మాం శరణాగతమ్ ॥ ౮॥

     ॥ అథ ఫలశ్రుతిః ॥

అష్టమ్యాం చ చతుర్దశ్యాం నవమ్యాం యః పఠేన్నరః । చైకచేతసః
షణ్మాసైః సిద్ధిమాప్నోతి నాఽత్ర కార్యా విచారణా ॥ ౧॥

మోక్షార్థీ లభతే మోక్షం ధనార్థీ ధనమాప్నుయాత్ ।
విద్యార్థీ లభతే విద్యాం తర్కవ్యాకరణాదికామ్ ॥ ౨॥

ఇదం స్తోత్రం పఠేద్యస్తు సతతం శ్రద్ధయాన్వితః । సధనం లభతే నరః ।
తస్య శత్రుః క్షయం యాతి మహాప్రజ్ఞా చ జాయతే ॥ ౩॥

పీడాయాం వాపి సఙ్గ్రామే జప్యే దానే తథా భయే ।
య ఇదం పఠతి స్తోత్రం శుభం తస్య న సంశయః ॥ ౪॥

స్తోత్రేణానేన దేవేశి స్తుత్వా దేవీం సురేశ్వరీమ్ ।
సర్వకామమవాప్నోతి సర్వవిద్యానిధిర్భవేత్ ॥ ౫॥ సర్వాన్ కామానవాప్నోతి
ఇతి తే కథితం దివ్యం స్తోత్రం సారస్వతప్రదమ్ ।
అస్మాత్పరతరం నాస్తి స్తోత్రం తన్త్రే మహేశ్వరీ ॥ ౬॥

  ॥ ఇతి బృహన్నిలతన్త్రే ద్వితీయపటలే తారిణీనీలసరస్వతీస్తోత్రం సమాప్తమ్



All copyrights reserved 2012 digital media act