Jjjguujjj

ఏకాక్షర కృష్ణ మంత్రం ఓం పూర్ణజ్ఞానాత్మనే హృదయాయ నమః ఓం పూణైశ్వర్యాత్మనే శిరసే స్వాహా ఓం పూర్ణపరమాత్మనే శిఖాయై వషట్ ఓం పూర్ణానందాత్మనే కవచాయ హుం ఓం పూర్ణతేజాత్మనే నేత్రాభ్యాం వౌషట్ ఓం పూర్ణశక్త్యాత్మనే అస్త్రాయ ఫట్ ఇతి దిగ్బంధః ఏకాక్షర శ్రీకృష్ణమహామంత్రస్య - బ్రహ్మా ఋషిః - నిచృత్ గాయత్రీ ఛందః - శ్రీకృష్ణో దేవతా - శ్రీకృష్ణప్రీత్యర్థే జపే వినియోగః ధ్యానం ధ్యాయేద్ధరిం మణినిభం జగదేకవంద్యం  సౌందర్యసారమరిశంఖవరాభయాని దోర్భిర్దధానమజితం సరసం సభైష్మీ- సత్యాసమేతమఖిలప్రదమిందిరేశం మూలమంత్రం ఓం - క్లీం - ఓం ఇతి ఏకాక్షరకృష్ణమంత్రం సంపూర్ణం All copyrights reserved 2012 digital media act

ఉడిపి శ్రీకృష్ణ సుప్రభాతం  ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ ఉత్తిష్ఠ కమలాకాంత త్రైలోక్యం మంగలం కురు నారాయణాఖిల శరణ్య రథాంగ పాణే ప్రాణాయమాన విజయాగణిత ప్రభావ గీర్వాణవైరి కదలీవన వారణేంద్ర మధ్వేశ కృష్ణ భగవన్ తవ సుప్రభాతం 1 ఉత్తిష్ఠ దీన పతితార్తజనానుకంపిన్ ఉత్తిష్ఠ విశ్వ రచనా చతురైక శిల్పిన్ ఉత్తిష్ఠ వైష్ణవ మతోద్భవ ధామవాసిన్ మధ్వేశ కృష్ణ భగవన్ తవ సుప్రభాతం 2 ఉత్తిష్ఠ పాతయ కృపామసృణాన్ కటాక్షాన్ ఉత్తిష్ఠ దర్శయ సుమంగల విగ్రహంతే ఉత్తిష్ఠ పాలయ జనాన్ శరణం ప్రపన్నాన్ మధ్వేశ కృష్ణ భగవన్ తవ సుప్రభాతం 3 ఉత్తిష్ఠ యాదవ ముకుంద హరే మురారే ఉత్తిష్ఠ కౌరవకులాంతక విశ్వబంధో ఉత్తిష్ఠ యోగిజన మానస రాజహంస మధ్వేశ కృష్ణ భగవన్ తవ సుప్రభాతం 4 ఉత్తిష్ఠ పద్మనిలయాప్రియ పద్మనాభ పద్మోద్భవస్య జనకాచ్యుత పద్మనేత్ర ఉత్తిష్ఠ పద్మసఖ మండల మధ్యవర్తిన్ మధ్వేశ కృష్ణ భగవన్ తవ సుప్రభాతం 5 మధ్వాఖ్యయా రజతపీఠపురేవతీర్ణః త్వత్కార్య సాధనపటుః పవమాన దేవః మూర్తేశ్చకార తవ లోకగురోః ప్రతిష్ఠాం మధ్వేశ కృష్ణ భగవన్ తవ సుప్రభాతం 6 సన్యాస యోగనిరతాశ్రవణాదిభిస్త్వాం భక్తేర్గుణైర్నవభిరాత్మ నివేదనాంతైః అష్టౌయజంతి యతినో జగతామధీశ మధ్వేశ కృష్ణ...

ఆనంద స్తోత్రం (రూపగోస్వామి విరచితం) శ్రీకృష్ణః పరమానందో గోవిందో నందనందనః . తమాలశ్యామలరుచిః శిఖండకృతశేఖరః పీతకౌశేయవసనో మధురస్మితశోభితః కందర్పకోటిలావణ్యో వృందారణ్యమహోత్సవః 2 వైజయంతీస్ఫురద్వక్షాః కక్షాత్తలగుడోత్తమః కుంజాపితరతిర్గుంజాపుంజమంజులకంఠకః 3 కర్ణికారాఢ్యకర్ణశ్రీధృతిస్వర్ణాభవర్ణకః మురలీవాదనపటుర్వల్లవీకులవల్లభః 4 గాంధర్వాప్తిమహాపర్వా రాధారాధనపేశలః  ఇతి శ్రీకృష్ణచంద్రస్య నామ వింశతిసంజ్ఞితం 5 ఆనందాఖ్యం మహాస్తోత్రం యః పఠేచ్ఛృణుయాచ్చ యః స పరం సౌఖ్యమాసాద్య కృష్ణప్రేమసమన్వితః 6 సర్వలోకప్రియో భూత్వా సద్గుణావలిభూషితః వ్రజరాజకుమారస్య సన్నికర్షమవాప్నుయాత్ 7 ఇతి శ్రీరూపగోస్వామివిరచితస్తవమాలాయాం శ్రీమహానందాఖ్యస్తోత్రం సమాప్తం All copyrights reserved 2012 digital media act

ఆనంద చంద్రికా స్తోత్రం శ్రీశ్రీరాధాకృష్ణాభ్యాం నమః ధ్యానం అంగశ్యామలిమచ్ఛటాభిరభితో మందీకృతేందీవరం      జాడ్యం జాగుడరోచిషాం విదధతం పట్టాంబరస్య శ్రియా వృందారణ్యవిలాసినం హృది లసద్దామాభిరామోదరం      రాధాస్కంధనివేశితోజ్జ్వలభుజం ధ్యాయేమ దామోదరం అథ శ్రీరాధికాయా ఆనందచంద్రికాస్తోత్రం శ్రీరాధికాయై నమః రాధాదామోదరప్రేష్ఠా రాధికా వార్షభానవీ సమస్తవల్లవీవృందధమ్మిల్లోత్తంసమల్లికా 1 కృష్ణప్రియావలీముఖ్యా గాంధర్వా లలితాసఖీ విశాఖాసఖ్యసుఖినీ హరిహృద్భృంగమంజరీ 2 ఇమాం వృందావనేశ్వర్యా దశనామమనోరమాం ఆనందచంద్రికాం నామ యో రహస్యాం స్తుతిం పఠేత్ 3 స క్లేశరహితో భూత్వా భూరిసౌభాగ్యభూషితః త్వరితం కరుణాపాత్రం రాధామాధవయోర్భవేత్ 4 ఇతి శ్రీరూపగోస్వామివిరచితస్తవమాలాయాం ఆనందచంద్రికాస్తోత్రం సమాప్తం All copyrights reserved 2012 digital media act

అష్టపది (దేవకీనందనజీ కృతం) జయతి నిజఘోషభువి గోపమణిభూషణం యువతికలధౌతరతిజటితమవిదూషణం  ధ్రువపదం వికచశరదంబురుహరుచిరముఖతోఽనిశం జిఘ్రతాదమలమధుమదశాలినీ భృశం 1 తరలదలసాపాంగవిభ్రమభ్రామితం నిఃస్థిరీభవితుమిచ్ఛతు హృదితకామితం 2 మధురమృదుహాసకలితాధరచ్యుతరసం పిబతు రసనాఽపి ముహురుదితరతిలాలసం 3 అమృతమయశిశిరవచనేషు నవసూత్సుకం శ్రవణపుటయుగలమనుభవతు చిరసూత్సుకం 4 విపులవక్షస్థలే స్పర్శరసపూరితం తుంగకుచకలశయుగమస్తు మదనేరితం 5 మృదితతమకాయదేవద్రుమాలంబితా హర్షమతిశయితముపయాతు తనులతా 6 పుష్పరసపుష్టపరపుష్టభృంగీమయే వసతిరపి భవతు మమ నిభృతకుంజాలయే 7 గీతమిదమేవమురుభావగర్భితపదం రోచయతు కృష్ణమిహ సరససంపదం 8 ఇతి శ్రీదేవకీనందనజీకృతాఽష్టపదీ సమాప్తా All copyrights reserved 2012 digital media act