శ్రీ హనుమాన్ స్తవ రాజః (పరాశర సంహిత) sri hanuman stava rajaha
శ్రీ హనుమాన్ స్తవ రాజః (పరాశర సంహిత)
శ్రీపరాశరః ।
అన్యత్స్తోత్రం ప్రవక్ష్యామి శృణు మైత్రేయ యోగిరాట్ ।
స్త్వరాజమితి ఖ్యాతం త్రిషు లోకేషు దుర్లభమ్ ॥
శమ్భునా చోపదిష్టం చ పార్వత్యై హితకామ్యయా ।
సర్వకామప్రదం నృణాం భుక్తిముక్తిఫలప్రదమ్ ॥
అస్య శ్రీహనుమత్ స్తవరాజస్తోత్రమన్త్రస్య వశిష్ఠ భగవాన్ ఋషిః ।
అనుష్టుప్ఛన్దః । శ్రీహనుమాన్ దేవతా । హ్రాం బీజమ్ । హ్రీం శక్తిః ।
హ్రూం కీలకమ్ । మమ శ్రీహనుమత్ప్రసాదసిధ్యర్థే జపే వినియోగః ॥
అథ ఋష్యాదిన్యాసః ।
శ్రీవశిష్ఠభగవాన్ ఋషయే నమః శిరసి ।
అనుష్టుప్ఛన్దసే నమః ముఖే ।
శ్రీహనుమాన్ దేవతాయై నమః హృది ।
హ్రాం బీజాయ నమః గుహ్యే ।
హ్రీం శక్తయే నమః పాదయోః ।
హ్రూం కీలకాయ నమః నాభౌ ।
మమ శ్రీహనుమత్ప్రసాదసిధ్యర్థే ఇతి వినియోగాయ నమః సర్వాఙ్గే ॥
ఇతి ఋష్యాదిన్యాసః ॥
అథ కరన్యాసః ।
ఓం అఞ్జనీసుతాయ అఙ్గుష్ఠాభ్యాం నమః ।
ఓం రుద్రమూర్తయే తర్జనీభ్యాం నమః ।
ఓం వాయుపుత్రాయ మధ్యమాభ్యాం నమః ।
ఓం అగ్నిగర్భాయ అనామికాభ్యాం నమః ।
ఓం రామదూతాయ కనిష్ఠికాభ్యాం నమః ।
ఓం పఞ్చముఖహనుమతే కరతలకరపృష్ఠాభ్యాం నమః ।
ఇతి కరన్యాసః ।
అథ షడఙ్గన్యాసః ।
ఓం అఞ్జనీసుతాయ హృదయాయ నమః ।
ఓం రుద్రమూర్తయే శిరసే స్వాహా ।
ఓం వాయుపుత్రాయ శిఖాయై వషట్ ।
ఓం అగ్నిగర్భాయ కవచాయ హుమ్ ।
ఓం రామదూతాయ నేత్రత్రయాయ వౌషట్ ।
ఓం పఞ్చముఖహనుమతే అస్త్రాయ ఫట్ ।
ఇతి షడఙ్గన్యాసః ॥
అథ ధ్యానమ్ ।
ఉద్యన్మార్తాణ్డకోటిప్రకటరుచికరం చారు వీరాసనస్థం
మౌఞ్జీయజ్ఞోపవీతాభరణమురుశిఖాశోభితం కుణ్డలాఙ్గమ్ ।
భక్తానామిష్టదం తం ప్రణుత మునిజనం వేదనాదప్రమోదం
ధ్యాయేద్దేవం విధేయం ప్లవగకులపతిం గోష్పదీభూతవార్ధిమ్ ॥
ఇతి ధ్యానమ్ ॥
శ్రీహనుమాన్మహావీరో వీరభద్రవరోత్తమః ।
వీరశ్శక్తిమతాం శ్రేష్ఠో వీరేశ్వరవరప్రదః ॥ ౧॥
యశస్కరః ప్రతాపాఢయో సర్వమఙ్గల సిద్ధిదః ।
సానన్దమూర్తిర్గహనో గమ్భీరస్సురపూజితః ॥ ౨॥
దివ్యకుణ్డలభూషాయ దివ్యాలఙ్కారశోభినే ।
పీతామ్బరధరప్రాజ్ఞ నమస్తే బ్రహ్మచారిణే ॥ ౩॥
కౌపీనవసనాక్రాన్త దివ్యయజ్ఞోపవీతినే ।
కుమారాయ ప్రసన్నాయ నమస్తే మౌఞ్జీధారిణే ॥ ౪॥
సుభద్రశ్శుభదాతా చ సుభగో రామసేవకః ।
యశఃప్రదో మహాతేజా బలాఢ్యో వాయునన్దనః ॥ ౫॥
జితేన్ద్రియో మహాబాహుర్వజ్రదేహో నఖాయుధః ।
సురాధ్యక్షో మహాధుర్యః పావనః పవనాత్మజః ॥ ౬॥
బన్ధమోక్షకరశ్శీఘ్రపర్వతోత్పాటనస్తథా ।
దారిద్ర్యభఞ్జనశ్శ్రేష్ఠస్సుఖభోగప్రదాయకః ॥ ౭॥
వాయుజాతో మహాతేజాః సూర్యకోటిసమప్రభః ।
సుప్రభా దీప్తిమద్భూత దివ్యతేజస్వినే నమః ॥ ౮॥
అభయఙ్కరముద్రాయ అపమృత్యువినాశినే ।
సఙ్గ్రామే జయదాత్రే చ అవిఘ్నాయ నమోనమః ॥ ౯॥
తత్త్వజ్ఞానామృతానన్దబ్రహ్మజ్ఞో జ్ఞానపారగః ।
మేఘనాదప్రమోహాయ హనుమద్బ్రహ్మణే నమః ॥ ౧౦॥
రుచ్యాఢ్యదీప్తబాలార్కదివ్యరూపశుశోభితః ।
ప్రసన్నవదన శ్రేష్ఠ హనుమన్ తే నమో నమః ॥ ౧౧॥
దుష్టగ్రహవినాశశ్చ దైత్యదానవభఞ్జనః ।
శాకిన్యాదిభూతహన్త్రే నమోఽస్తు శ్రీహనూమతే ॥ ౧౨॥ శాకిన్యాదిషు భూతఘ్నో
మహాధైర్య మహాశౌర్య మహావీర్య మహాబల ।
అమేయవిక్రమాయైవ హనుమన్ వై నమోఽస్తుతే ॥ ౧౩॥
దశగ్రీవకృతాన్తాయ రక్షఃకులవినాశినే ।
బ్రహ్మచర్యవ్రతస్థాయ మహావీరాయ తే నమః ॥ ౧౪॥
భైరవాయ మహోగ్రాయ భీమవిక్రమణాయ చ ।
సర్వజ్వరవినాశాయ కాలరూపాయ తే నమః ॥ ౧౫॥
సుభద్రద సువర్ణాఙ్గ సుమఙ్గల శుభఙ్కర ।
మహావిక్రమ సత్వాఢ్య దిఙమణ్డలసుశోభిత ॥ ౧౬॥
పవిత్రాయ కపీన్ద్రాయ నమస్తే పాపహారిణే ।
సువిద్యరామదూతాయ కపివీరాయ తే నమః ॥ ౧౭॥
తేజస్వీ శత్రుహావీరః వాయుజస్సమ్ప్రభావనః ।
సున్దరో బలవాన్ శాన్తః ఆఞ్జనేయ నమోఽస్తు తే ॥ ౧౮॥
రామానన్ద జయకర జానకీశ్వాసద ప్రభో ।
విష్ణుభక్త మహాప్రాజ్ఞ పిఙ్గాక్ష విజయప్రద ॥ ౧౯॥
రాజ్యప్రదస్సుమాఙ్గల్యః సుభగో బుద్ధివర్ధనః ।
సర్వసమ్పత్తిదాత్రే చ దివ్యతేజస్వినే నమః ॥ ౨౦॥
కల్యాణకీర్తయే జయమఙ్గలాయ జగత్తృతీయం ధవలీకృతాయ ।
తేజస్వినే దీప్తదివాకరాయ నమోఽస్తు దీప్తాయ హరీశ్వరాయ ॥ ౨౧॥
మహాప్రతాపాయ వివర్ధనాయ మనోజవాయాద్భూతవర్ధనాయ ।
ప్రౌఢప్రతాపారుణలోచనాయ నమోఽఞ్జనానన్ద కపీశ్వరాయ ॥ ౨౨॥
కాలాగ్నిదైత్యసంహర్తా సర్వశత్రువినాశనః ।
అచలోద్ధారకశ్చైవ సర్వమఙ్గలకీర్తిదః ॥ ౨౩॥
బలోత్కటో మహాభీమః భైరవోఽమితవిక్రమః ।
తేజోనిధిః కపిశ్రేష్ఠః సర్వారిష్టార్తిదుఃఖహా ॥ ౨౪॥
ఉదధిక్రమణశ్చైవ లఙ్కాపురవిదాహకః ।
సుభుజో ద్విభూజో రుద్రః పూర్ణప్రజ్ఞోఽనిలాత్మజః ॥ ౨౫॥
రాజవశ్యకరశ్చైవ జనవశ్యం తథైవ చ ।
సర్వవశ్యం సభావశ్యం నమస్తే మారుతాత్మజ ॥ ౨౬॥
మహాపరాక్రమాక్రాన్తః యక్షరాక్షసమర్దనః ।
సౌమిత్రిప్రాణదాతా చ సీతాశోకవినాశనః ॥ ౨౭॥
రక్షోఘ్నోఽఞ్జనాసూనుశ్చ కేసరీప్రియనన్దన ।
సర్వార్థదాయకో వీరః మల్లవైరివినాశనః ॥ ౨౮॥
సుముఖాయ సురేశాయ శుభదాయ శుభాత్మనే ।
ప్రభావాయ సుభావాయ నమస్తేఽమితతేజసే ॥ ౨౯॥
వాయుజో వాయుపుత్రశ్వ కపీన్ద్రః పవనాత్మజః ।
వీరశ్రేష్ఠ మహావీర శివభద్ర నమోఽస్తుతే ॥ ౨౯॥
భక్తప్రియాయ వీరాయ వీరభద్రాయ తే నమః ।
స్వభక్తజనపాలాయ భక్తోద్యానవిహారిణే ॥ ౩౦॥
దివ్యమాలాసుభూషాయ దివ్యగన్ధానులేపినే ।
శ్రీప్రసన్నప్రసన్నాయ సర్వసిద్ధిప్రదోభవ ॥ ౩౧॥
వాతాత్మజమిదం స్తోత్రం పవిత్రం యః పఠేన్నరః । వాతసూనోరిదం
అచలాం శ్రియమాప్నోతి పుత్రపౌత్రాదివృద్ధిదమ్ ॥ ౩౨॥
ధనధాన్యసమృద్ధిం చ ఆరోగ్యం పుష్టివర్ధనమ్ ।
బన్ధమోక్షకరం శీఘ్రం లభతే వాఞ్ఛితం ఫలమ్ ॥ ౩౩॥
రాజ్యదం రాజసన్మానం సఙ్గ్రామే జయవర్ధనమ్ ।
సుప్రసన్నో హనుమాన్మే యశఃశ్రీ జయకారకః ॥ ౩౪॥
॥ ఇతి శ్రీపరాశరసంహితాయై పరాశరమైత్రేయసంవాదే
హనుమత్స్తవరాజః సమ్పూర్ణః ॥
All copyrights reserved 2012 digital media act
All copyrights reserved 2012 digital media act
Comments
Post a Comment