శ్రీ ప్రత్యంగిరా సర్వార్థ సాధక కవచం Sri Pratyangira sarvardha sadhaka kavacham

శ్రీ ప్రత్యంగిరా సర్వార్థ సాధక కవచం

శ్రీ చిన్తామణి గణపతయే నమః |
శ్రీ శివాయ గురవేనమః
శ్రీ మాత్రే నమః

దేవ్యువాచ |

భగవన్ సర్వధర్మజ్ఞ సర్వశాస్త్రార్థపారగ |
దేవ్యాః ప్రత్యంగిరాయశ్చ కవచం యత్ప్రకాశితమ్ ||1||

సర్వార్థసాధనం నామ కథయస్వ మయి ప్రభో |

భైరవ ఉవాచ |

శృణు దేవి ప్రవక్ష్యామి కవచం పరమాద్భుతమ్ || 2||

సర్వార్థసాధనం నామ త్రైలోక్యే చా అతిదుర్లభమ్ |
సర్వసిద్ధిమయం దేవి సర్వైశ్వర్యప్రదాయకమ్ || 3 ||

పఠనాచ్ఛ్వ్రణాన్మర్తత్య స్త్రైలోక్యైశ్వర్యభాగ్భవేత్|
సర్వార్థసాధకస్యా అస్య కవచస్య ఋషిః శివః || 4 ||

ఛన్దో విరాట్ పరాశక్తి జగద్ధాత్రీ చ దేవతా |
ధర్మార్థకామమోక్షేషు వినియోగః ప్రకీర్తితః || 5 ||

వినియోగః
ఓం శ్రీసర్వార్థసాధకకవచస్య శివ ఋషిః |
విరాట్ ఛన్దః | శ్రీమత్ ప్రత్యంగిరా దేవతా | ఐం బీజమ్ | హ్రీం శక్తిః |
శ్రీం కీలకం శ్రీ సదాశివదేవతా ప్రీత్యర్లే పాఠే వినియోగః ||

ఓం ప్రణవం మే శిరః పాతు వాగ్భవం చ లలాటకమ్ |
హ్రీం పాతు దక్షనేత్రం మే లక్ష్మీర్వామ సురేశ్వరీ || 1 ||

ప్రత్యంగిరా దక్షకర్ణ వామే కామేశ్వరీ తథా |
లక్ష్మీః ప్రాణం సదా పాతు వదనం పాతు కేశవః || 2 ||

గౌరీ తు రసనాం పాతు కణ్ఠాం పాతు మహేశ్వరః |
స్కన్దదేశం రతిః పాతు భుజౌ తు మకరధ్వజః || 3 ||

శంఖనిధిః కరౌ పాతు వక్షః పద్మనిధిస్తథా |
బ్రాహ్మీ మధ్యం సదా పాతు నాభిం పాతు మహేశ్వరీ ||4 ||

కౌమారీ పృష్ఠదేశం తు గుహ్యం రక్షతు వైష్ణవీ |
వారాహీ చ కటిమ్పాతు చైన్ద్రీ పాతు పదద్వయమ్ |5||

భార్యాం రక్షతు చాముణ్డా లక్ష్మీ రక్షతు పుత్రకాన్ |
ఇన్ద్రః పూర్వే సదా పాతు ఆగ్నేయ్యాం అగ్నిదేవతా || 6||

యామ్యే యమః సదా పాతు నైరృత్యాం నిరృతిస్తథా |
పశ్చిమే వరుణః పాతు వాయవ్యాం వాయుదేవతా || 7||
సౌమ్యాం సోమః సదా పాతు చైశాన్యామీశ్వరో విభుః |
ఊర్ధ్వం ప్రజాపతిః పాతు హ్యధశ్చా అనన్తదేవతా || 6 ||
రాజద్వారే శ్మశానే తు అరణ్యే ప్రాన్తరే తథా |
జలే స్థలే చాన్తరిక్షే శత్రూణాం నిగ్రహే తథా || 6 ||

ఏతాభిః సహితా దేవీ చతుర్బీజా మహేశ్వరీ |
ప్రత్యంగిరా మహాశక్తిః సర్వత్ర మాం సదావతు || 10 ||

ఫలశ్రుతిః |

ఇతి తే కథితం దేవి సారాత్సారం పరాత్పరమ్ |
సర్వార్థసాధనం నామ కవచం పరమాద్భుతమ్ || 1 ||

అస్యా పి పఠనాత్సద్యః కుబేరోపి ధనేశ్వరః |
ఇన్ద్రాద్యాః సకలా దేవాః ధారణాత్పఠనాద్యతః || 2 ||

సర్వసిద్ధీశ్వరో సన్తః సర్వైశ్వర్యమవాప్నుయుః |
ప్రీతిమన్యే న్యతః కృత్వా కమలా నిశ్చలా గృహే || 3 ||

వాణీ చ నివసేద్వక్త్రే సత్యం సత్యం న సంశయః |
యో ధారయతి పుణ్యాత్మా సర్వార్థసాధనాభిధమ్ |4||

కవచం పరమం పుణ్యం సోపి పుణ్యవతాం వరః |
సర్వైశ్వర్యయుతో భూత్వా త్రైలోక్య విజయీ భవేత్ |5|

పురుషో దక్షిణే బాహౌ నారీ వామభుజే తథా |
బహుపుత్రవతీ భూయాద్వన్ద్యాపి లభతే సుతమ్ |6|

బ్రహ్మాస్త్రాదీని శస్త్రాణి నైవ కృన్తన్తి, తత్తనుమ్ |
ఏతత్కవచమజ్ఞాత్వా యో జపేత్పరమేశ్వరీమ్ || 7 ||

దారిద్ర్యం పరమం ప్రాప్య  సోచిరాన్మృత్యుమాప్నుయాత్ |8|

ఇతి శ్రీ రుద్రయామల తన్త్రే పంచాంగ ఖండే ప్రత్యంగిరాయాః సర్వార్థసాధనం నామకం కవచం పరిపూర్ణమ్ ||




All copyrights reserved 2012 digital media act