ఆదిత్యహృదయస్తోత్రమ్ (పద్మపురాణం) Aditya Hrudaya stotram Telugu

 ఆదిత్యహృదయస్తోత్రమ్ (పద్మపురాణం)

 అథ శ్రీపద్మపురాణోక్త నిరోగకారీ ఆదిత్యహృదయప్రయోగః 

ఆదిత్యః ప్రథమం నామ ద్వితీయం తు దివాకరః ।
తృతీయం భాస్కరః ప్రోక్తం చతుర్థం చ ప్రభాకరః ॥

పఞ్చమం చ సహస్రాంశు షష్ఠం చైవ త్రిలోచనః ।
సప్తమం హరిదశ్వం చ అష్టమం తు అహర్పతిః ॥

నవమం దినకరః ప్రోక్తం దశమం ద్వాదశాత్మకః ।
ఏకాదశం త్రిమూర్తిశ్చ ద్వాదశం సూర్య ఏవ తు ॥

॥ ఫలశ్రుతి ॥

ద్వాదశాదిత్యనామాని ప్రాతఃకాలే పఠేన్నరః ।
దుఃస్వప్నో నశ్యతే తస్య సర్వదుఃఖం చ నశ్యతి ॥

దద్రుకుష్టహరం చైవ దారిద్ర్యం హరతే ధ్రువమ్ ।
సర్వతీర్థకరం చైవ సర్వకామఫలప్రదమ్ ॥

యః పఠేత్ ప్రాతరుత్థాయ భక్త్యా స్తోత్రమిదం నరః ।
సౌఖ్యమాయుస్తథారోగ్యం లభతే మోక్షమేవ చ ॥

॥ సూర్యస్య ద్వాదశనామ నమస్కారమ్ ॥

౧. ఓం ఆదిత్యాయ నమః । ౨. ఓం దివాకరాయ నమః ।
౩. ఓం భాస్కరాయ నమః । ౪. ఓం ప్రభాకరాయ నమః ।
౫. ఓం సహస్రాంశవే నమః । ౬. ఓం త్రిలోచనాయ నమః ।
౭. ఓం హరిదశ్వాయ నమః । ౮. ఓం విభావసవే నమః ।
౯. ఓం దినకరాయ నమః । ౧౦. ఓం ద్వాదశాత్మకాయ నమః ।
౧౧. ఓం త్రిమూర్తయే నమః । ౧౨. ఓం సూర్యాయ నమః ॥

॥ వినియోగః ॥

ఓం అస్య శ్రీఆదిత్యహృదయస్తోత్రమన్త్రస్య శ్రీకృష్ణ ఋషిః,
అనుష్టుప్ఛన్దః, శ్రీసూర్యనారాయణో దేవతా, హరితహయరథం దివాకరం
ఘృణిరితి బీజం, నమో భగవతే జితవైశ్వానర జాతవేదసే
నమః ఇతి శక్తిః, అంశుమానితి కీలకం, అగ్ని కర్మ ఇతి మన్త్రః,
మమ సర్వరోగనివారణాయ శ్రీసూర్యనారాయణప్రీత్యర్థే జపే వినియోగః ।
॥ స్తవః ॥

అర్కం తు మూర్ధ్ని విన్యస్య లలాటే తు రవిం న్యసేత్ ।
విన్యసేత్ కరయోః సూర్యం కర్ణయోశ్చ దివాకరమ్ ॥

నాసికాయాం న్యసేత్ భానుం ముఖే వై భాస్కరం న్యసేత్ ।
పర్జన్యమోష్ఠయోశ్చైవ తీక్ష్ణం జిహ్వాన్తరే న్యసేత్ ॥

సువర్ణరేతసం కణ్ఠే స్కన్ధయోస్తిగ్మతేజసమ్ ।
బాహ్వోస్తు పూషణం చైవ మిత్రం వై పృష్ఠతో న్యసేత్ ॥

వరుణం దక్షిణే హస్తే త్వష్టారం వామతః కరే ।
హస్తావుష్ణకరః పాతు హృదయం పాతు భానుమాన్ ॥

స్తనభారం మహాతేజా ఆదిత్యముదరే న్యసేత్ ।
పృష్ఠే త్వర్ఘమణం విద్యాదాదిత్యం నాభిమణ్డలే ॥

కట్యాం తు విన్యసేద్ధంసం రుద్రమూర్వో విన్యసేత్ ।
జాన్హోస్తు గోపతిం న్యస్య సవితారం తు జఙ్ఘయోః ॥

పాదయోస్తు వివస్వన్తం గుల్ఫయోశ్చ ప్రభాకరమ్ ।
సర్వాఙ్గేషు సహస్రాంశు దిగ్విదిక్షు భగం న్యసేత్ ॥

బాహ్యతస్తు తమోఘ్నంసం భగమభ్యన్తరే న్యసేత్ ।
ఏష ఆదిత్యవిన్యాసో దేవానామపి దుర్లభః ॥

॥ న్యాసమ్ ॥

మూర్ధ్ని అర్కాయ నమః । లలాటే రవయే నమః ।
కరయోః సూర్యాయ నమః । కర్ణయోః దివాకరాయ నమః ।
నాసికాయాం భానవే నమః । ముఖే భాస్కరాయ నమః ।
ఓష్ఠయోః పర్జన్యాయ నమః । జిహ్వాయాం తీక్ష్ణాయ నమః ।
కణ్ఠే సువర్ణరేతసే నమః । స్కన్ధయోః తిగ్మతేజసే నమః ।
బాహ్వోః పూషణాయ నమః । పృష్ఠే మిత్రాయ నమః ।
దక్షహస్తే వరుణాయ నమః । వామహస్తే త్వష్టారం నమః ।
హస్తౌ ఉష్ణకరాయ నమః । హృదయే భానుమతే నమః ।
స్తనయోః మహాతేజసే నమః । ఉదరే ఆదిత్యాయ నమః ।
పృష్ఠే అర్ఘమణాయ నమః । నాభౌ విద్యాదాదిత్యాయ నమః ।
కట్యాం హంసాయ నమః । ఊర్వోః రుద్రాయ నమః ।
జాన్హోః గోపతయే నమః । జఙ్ఘయోః సవిత్రే నమః ।
పాదయోః వివస్వతే నమః । గుల్ఫయోః ప్రభాకరాయ నమః ।
సర్వాఙ్గే సహస్రాంశవే నమః । దిగ్విదిక్షు భగాయ నమః ।
బాహ్యే తమోఘ్నంసాయ నమః । అభ్యన్తరే భగాయ నమః ।

॥ ధ్యానమ్ ॥ 
భాస్వద్రత్నాఢ్యమౌలిః స్ఫురదధరరుచారఞ్జితశ్చారుకేశో
భాస్వాన్ యో దివ్యతేజాః కరకమలయుతః స్వర్ణవర్ణః ప్రభాభిః ।
విశ్వాకాశావకాశో గ్రహగ్రహణ సహితో భాతి యశ్చోదయాద్రౌ
సర్వానన్దప్రదాతా హరిహరనమితః పాతు మాం విశ్వచక్షుః ॥

॥ అర్ఘ్యమ్ ॥

ఏహి సూర్య సహస్రాంశో తేజోరాశిః జగత్పతే ।
అనుకమ్పయ మాం భక్త్యా గృహాణార్ఘ్యం దివాకర ॥

॥ మన్త్రమ్ ॥

ఓం ఘృణిః సూర్య ఆదిత్య । 

॥ సూర్యస్తుతిః ॥

అగ్నిమీళే నమస్తుభ్యమీషత్తూర్యస్వరూపిణే ।
అగ్న్యాయాహి వీతయే త్వం నమస్తే జ్యోతిషాం పతే ॥

శన్నో దేవో నమస్తుభ్యం జగచ్చక్షుర్నమోఽస్తు తే ।
ధవలామ్భోరుహణం డాకినీం శ్యామలప్రభామ్ ॥

విశ్వదీప నమస్తుభ్యం నమస్తే జగదాత్మనే ।
పద్మాసనః పద్మకరః పద్మగర్భసమద్యుతిః ॥

సప్తాశ్వరథసంయుక్తో ద్విభుజో భాస్కరో రవిః ।
ఆదిత్యస్య నమస్కారం యే కుర్వన్తి దినే దినే ॥

జన్మాన్తరసహస్రేషు దారిద్ర్యం నోపజాయతే ।
నమో ధర్మవిపాకాయ నమః సుకృతసాక్షిణే ॥

నమః ప్రత్యక్షదేవాయ భాస్కరాయ నమో నమః ।
ఉదయగిరిముపేతం భాస్కరం పద్మహస్తం ।
సకలభువనరత్నం రత్నరత్నాభిధేయమ్ ॥

తిమిరకరిమృగేన్ద్రం బోధకం పద్మినీనాం ।
సురవరమభివన్దే సున్దరం విశ్వరూపమ్ ॥

అన్యథా శరణం నాస్తి త్వమేవ శరణం మమ ।
తస్మాత్ కారుణ్యభావేన రక్షస్వ పరమేశ్వర ॥

 ఇతి శ్రీపద్మపురాణే శ్రీకృష్ణార్జునేసంవాదే ఆదిత్యహృదయస్తోత్రమ్ 


All copyrights reserved 2012 digital media act