ఆదిత్య స్తోత్రం (భవిష్య పురాణం) aditya stotram Telugu
ఆదిత్య స్తోత్రం (భవిష్య పురాణం)
శ్రీగణేశాయ నమః ।
నవగ్రహాణాం సర్వేషాం సూర్యాదీనాం పృథక్ పృథక్ ।
పీడా చ దుఃసహా రాజఞ్జాయతే సతతం నృణామ్ ॥ ౧॥
పీడానాశాయ రాజేన్ద్ర నామాని శృణు భాస్వతః ।
సూర్యాదీనాం చ సర్వేషాం పీడా నశ్యతి శృణ్వతః ॥ ౨॥
ఆదిత్య సవితా సూర్యః పూషార్కః శీఘ్రగో రవిః ।
భగస్త్వష్టాఽర్యమా హంసో హేలిస్తేజో నిధిర్హరిః ॥ ౩॥
దిననాథో దినకరః సప్తసప్తిః ప్రభాకరః ।
విభావసుర్వేదకర్తా వేదాఙ్గో వేదవాహనః ॥ ౪॥
హరిదశ్వః కాలవక్త్రః కర్మసాక్షీ జగత్పతిః ।
పద్మినీబోధకో భానుర్భాస్కరః కరుణాకరః ॥ ౫॥
ద్వాదశాత్మా విశ్వకర్మా లోహితాఙ్గస్తమోనుదః ।
జగన్నాథోఽరవిన్దాక్షః కాలాత్మా కశ్యపాత్మజః ॥ ౬॥
భూతాశ్రయో గ్రహపతిః సర్వలోకనమస్కృతః ।
సఙ్కాశో భాస్వానదితినన్దనః ॥ ౭॥
ధ్వాన్తేభసింహః సర్వాత్మా లోకనేత్రో వికర్తనః ।
మార్తణ్డో మిహిరః సూరస్తపనో లోకతాపనః ॥ ౮॥
జగత్కర్తా జగత్సాక్షీ శనైశ్చరపితా జయః ।
సహస్రరశ్మిస్తరణిర్భగవాన్భక్తవత్సలః ॥ ౯॥
వివస్వానాదిదేవశ్చ దేవదేవో దివాకరః ।
ధన్వన్తరిర్వ్యాధిహర్తా దద్రుకుష్ఠవినాశనః ॥ ౧౦॥
చరాచరాత్మా మైత్రేయోఽమితో విష్ణుర్వికర్తనః ।
కోకశోకాపహర్తా చ కమలాకర ఆత్మభూః ॥ ౧౧॥
నారాయణో మహాదేవో రుద్రః పురుష ఈశ్వరః ।
జీవాత్మా పరమాత్మా చ సూక్ష్మాత్మా సర్వతోముఖః ॥ ౧౨॥
ఇన్ద్రోఽనలో యమశ్చైవ నైరృతో వరుణోఽనిలః ।
శ్రీద ఈశాన ఇన్దుశ్చ భౌమః సౌమ్యో గురుః కవిః ॥ ౧౩॥
శౌరిర్విధున్తుదః కేతుః కాలః కాలాత్మకో విభుః ।
సర్వదేవమయో దేవః కృష్ణః కాయప్రదాయకః ॥ ౧౪॥
య ఏతైర్నామభిర్మర్త్యో భక్త్యా స్తౌతి దివాకరమ్ ।
సర్వపాపవినిర్ముక్తః సవర్రోగవివర్జితః ॥ ౧౫॥
పుత్రవాన్ ధనవాన్ శ్రీమాఞ్జాయతే స న సంశయః ।
రవివారే పఠేద్యస్తు నామాన్యేతాని భాస్వతః ॥ ౧౬॥
పీడాశాన్తిర్భవేత్తస్య గ్రహాణాం చ విశేషతః ।
సద్యః సుఖమవాప్నోతి చాయుర్దీర్ఘం చ నీరుజమ్ ॥ ౧౭॥
ఇతి శ్రీభవిష్యపురాణే ఆదిత్యస్తోత్రం సమ్పూర్ణమ్
All copyrights reserved 2012 digital media act
Comments
Post a Comment