అన్నపూర్ణా అష్టోత్తర శతనామ స్తోత్రం Annapurna ashtottara Shatanama stotram Telugu
అన్నపూర్ణా అష్టోత్తర శతనామ స్తోత్రం
శ్రీగణేశాయ నమః
శ్రీఅన్నపూర్ణావిశ్వనాథాభ్యాం నమః
అస్య శ్రీఅన్నపూర్ణాష్టోత్తరశతనామస్తోత్రమన్త్రస్య
భగవాన్ శ్రీబ్రహ్మా ఋషిః ।
అనుష్టుప్ఛన్దః । శ్రీఅన్నపూర్ణేశ్వరీ దేవతా ।
స్వధా బీజమ్ । స్వాహా శక్తిః । ఓం కీలకమ్ ।
మమ సర్వాభీష్టప్రసాదసిద్ధయర్థే పాఠే వినియోగః ।
ఓం అన్నపూర్ణా శివా దేవీ భీమా పుష్టిస్సరస్వతీ ।
సర్వజ్ఞా పార్వతీ దుర్గా శర్వాణీ శివవల్లభా ॥ ౧॥
వేదవేద్యా మహావిద్యా విద్యాదాత్రీ విశారదా ।
కుమారీ త్రిపురా బాలా లక్ష్మీశ్శ్రీర్భయహారిణీ ॥ ౨॥
భవానీ విష్ణుజననీ బ్రహ్మాదిజననీ తథా ।
గణేశజననీ శక్తిః కుమారజననీ శుభా ॥ ౩॥
భోగప్రదా భగవతీ భత్తాభీష్టప్రదాయినీ ।
భవరోగహరా భవ్యా శుభ్రా పరమమఙ్గలా ॥ ౪॥
భవాన్నీ చఞ్చలా గౌరీ చారుచన్ద్రకలాధరా ।
విశాలాక్షీ విశ్వమాతా విశ్వవన్ద్యా విలాసినీ ॥ ౫॥
ఆర్యా కల్యాణనిలయా రుద్రాణీ కమలాసనా ।
శుభప్రదా శుభావర్తా వృత్తపీనపయోధరా ॥ ౬॥
అమ్బా సంహారమథనీ మృడానీ సర్వమఙ్గలా ।
విష్ణుసంసేవితా సిద్ధా బ్రహ్మాణీ సురసేవితా ॥ ౭॥
పరమానన్దదా శాన్తిః పరమానన్దరూపిణీ ।
పరమానన్దజననీ పరానన్దప్రదాయినీ ॥ ౮॥
పరోపకారనిరతా పరమా భక్తవత్సలా ।
పూర్ణచన్ద్రాభవదనా పూర్ణచన్ద్రనిభాంశుకా ॥ ౯॥
శుభలక్షణసమ్పన్నా శుభానన్దగుణార్ణవా ।
శుభసౌభాగ్యనిలయా శుభదా చ రతిప్రియా ॥ ౧౦॥
చణ్డికా చణ్డమథనీ చణ్డదర్పనివారిణీ ।
మార్తాణ్డనయనా సాధ్వీ చన్ద్రాగ్నినయనా సతీ ॥ ౧౧॥
పుణ్డరీకహరా పూర్ణా పుణ్యదా పుణ్యరూపిణీ ।
మాయాతీతా శ్రేష్ఠమాయా శ్రేష్ఠధర్మాత్మవన్దితా ॥ ౧౨॥
అసృష్టిస్సఙ్గరహితా సృష్టిహేతుః కపర్దినీ ।
వృషారూఢా శూలహస్తా స్థితిసంహారకారిణీ ॥ ౧౩॥
మన్దస్మితా స్కన్దమాతా శుద్ధచిత్తా మునిస్తుతా ।
మహాభగవతీ దక్షా దక్షాధ్వరవినాశినీ ॥ ౧౪॥
సర్వార్థదాత్రీ సావిత్రీ సదాశివకుటుమ్బినీ ।
నిత్యసున్దరసర్వాఙ్గీ సఞ్చిదానన్దలక్షణా ॥ ౧౫॥
నామ్నామష్టోత్తరశతమ్బాయాః పుణ్యకారణమ్ ।
సర్వసౌభాగ్యసిద్ధ్యర్థం జపనీయం ప్రయత్నతః ॥ ౧౬॥
ఏతాని దివ్యనామాని శ్రుత్వా ధ్యాత్వా నిరన్తరమ్ ।
స్తుత్వా దేవీఞ్చ సతతం సర్వాన్కామానవాప్నుయాత్ ॥ ౧౭॥
All copyrights reserved 2012 digital media act
Comments
Post a Comment