అన్నపూర్ణా స్తోత్రం Annapurna stotram Telugu

అన్నపూర్ణా స్తోత్రం

శ్రీబ్రహ్మభైరవ ఉవాచ -

సాధనాని చ సర్వాణి శ్రుతాని తవ సువ్రత ।

ఇదానీం వద దేవేశ స్తోత్రాణి కవచాని చ ॥ ౧॥

శ్రీశివ ఉవాచ -

కథయామి తవ స్నేహాత్ స్తోత్రాణి కవచాని చ ।

అన్నపూర్ణాప్రీతిదాని సావధానోఽవధారయ ॥ ౨॥

హ్రీంకారం ప్రథమం నమో భగవతి స్వాహావసానాం ధ్రువం

మన్త్రం సప్తదశాక్షరం జపతి తే మాహేశ్వరి ప్రోక్షితమ్ ।

ధ్యాయేఽమ్బే తరుణారుణం తవ వపుర్నిత్యాన్నపూర్ణే శివే

గేహే తస్య విరాజతే సరభసం దివ్యాన్నరాశిర్ధ్రువమ్ ॥ ౩॥

హ్రీంకారముర్తిం కమనీయవక్త్రాం చన్ద్రాఙ్కరేఖాన్వితభాలభాగామ్ ।

ఈశాన్కాన్తాం ప్రణమామి నిత్యాం లక్ష్మీవిలాసాస్పదపాదపీఠామ్ ॥ ౪॥

నమోఽస్తు తుభ్యం గిరిరాజకన్యే నమోఽస్తు కామాన్తకవల్లభాయై ।

నమోఽస్తు పఙ్కే రుహలోచనాయై నమః శివాయై శశిభూషణాయై ॥ ౫॥

వామే కరేఽమృతమయం కలశఞ్చ దక్షే

స్వర్ణాఙ్కితాం నను పల్లాన్నమయీఞ్చ దర్వీమ్ ।

చిత్రాం సువర్ణవసనాం గిరిశస్య కాన్తాం

సత్పద్మపత్రనయనాం మనసాహమీడే ॥ ౬॥

వామే మాణిక్యపాత్రం మధురసభరితం బిభ్రతీం పాణిపద్మే

దివ్యైరత్నైః ప్రపూర్ణాం మణిమయవలయే దక్షిణే రత్నదర్వీమ్ ।

రక్తాఙ్గీ పీనతుఙ్గస్తనభరవిలసంస్తారహారాం త్రినేత్రాం

వన్దే పూర్ణేన్దుబిమ్బప్రతినిధివదనామమ్బికామన్నపూర్ణామ్ ॥ ౭॥

భగవతి భవరోగాత్ పీడితం దుష్కృతోత్థాత్

సుతదుహితృకలత్రోపద్రవేణానుజాతమ్ ।

విలసదమృతదృష్ట్యా వీక్ష్య విభ్రాన్తచిత్తమ్

సకలభువనమాతస్త్రాహి మామన్నపూర్ణే ॥ ౮॥

మాహేశ్వరీమాశ్రితకల్పవల్లీమహం భవచ్ఛేదకరీం భవానీమ్ ।

క్షుధార్తజాయాతనయాభ్యుపేతస్త్వామన్నపూర్ణాం శరణం ప్రపద్యే ॥ ౯॥

దారిద్ర్యదావానలదహ్యమానం నమోఽన్నపూర్ణే గిరిరాజకన్యే ।

కృపామ్బువర్షైరభిషిఞ్చ త్వం మాం త్వత్పాదపద్మార్పితచిత్తవృత్తిమ్ ॥ ౧౦॥

ఇత్యన్నపూర్ణాస్తవరత్నమేతచ్ఛ్లోకాష్టకం యః పఠతీహ భక్త్యా ।

తస్మై దదాత్యన్నసమృద్ధిరాశిం శ్రియఞ్చ విద్యాఞ్చ పరత్ర ముక్తిమ్ ॥ ౧౧॥

ఇత్యన్నదాకల్పే షోడశపటలే అన్నపూర్ణాస్తోత్రం సమాప్తమ్

All copyrights reserved 2012 digital media act