అన్నపూర్ణా స్తోత్రం Annapurna stotram Telugu
అన్నపూర్ణా స్తోత్రం
మన్దార-కల్ప-హరిచన్దన-పారిజాత-
మధ్యే శశాఙ్క-మణిమణ్డిత-వేదిసంస్థే ।
అర్ధేన్దు-మౌలి-సులలాట-షడర్ధనేత్రే
భిక్షాం ప్రదేహి గిరిజే! క్షుధితాయ మహ్యమ్ ॥ ౧॥
కేయూర-హార-కటాఙ్గద -కర్ణపూరే
కాఞ్చీ కలాప-మణికాన్త-లసద్దుకూలే ।
దుగ్ధా-ఽన్నపాత్ర-వర-కాఞ్చన-దర్విహస్తే
భిక్షాం ప్రదేహి గిరిజే! క్షుధితాయ మహ్యమ్ ॥ ౨॥
ఆలీ-కదమ్బ-పరిసేవిత-పార్శ్వభాగే
శక్రాదిభి-ముకులితాఞ్జలిభిః పురస్తాత్ ।
దేవి! త్వదీయ-చరణౌ శరణం ప్రపద్యే
భిక్షాం ప్రదేహి గిరిజే! క్షుధితాయ మహ్యమ్ ॥ ౩॥
గన్ధర్వ-దేవ-ఋషినారద-కౌశికాఽత్రి
వ్యాసా-ఽమ్వరీష -కలశోద్భవ -కశ్యపాద్యాః ।
భక్త్యా స్తువన్తి నిగమాఽఽగమ-సూక్తమన్త్రై-
ర్భిక్షాం ప్రదేహి గిరిజే! క్షుధితాయ మహ్యమ్ ॥ ౪॥
లీలావచాంసి తవ దేవి! ఋగాదివేదాః
సృష్ట్యాది-కర్మరచనా భవదీయ-చేష్టా ।
త్వత్తేజసా జగదిదం ప్రతిభాతి నిత్యం
భిక్షాం ప్రదేహి గిరిజే! క్షుధితాయ మహ్యమ్ ॥ ౫॥
శబ్దాత్మికే శశికలాభరణార్ధదేహే
శమ్భోరురస్థల -నికేతన -నిత్యవాసే ।
దారిద్ర్యదుఃఖ-భయహారిణి కా త్వదన్యా
భిక్షాం ప్రదేహి గిరిజే! క్షుధితాయ మహ్యమ్ ॥ ౬॥
సన్ధ్యాత్రయే సకల-భూసుర-సేవ్యమానే
స్వాహా స్వధామి పితృదేవగణార్తిహన్త్రీ ।
జాయాః సుతాః పరిజనాతిథయోఽన్నకామాః
భిక్షాం ప్రదేహి గిరిజే! క్షుధితాయ మహ్యమ్ ॥ ౭॥
సద్భక్తకల్పలతికే భువనైకవన్ద్యే
భూతేశ -హృత్కమలమగ్న -కుచాగ్రభృఙ్గే
కారుణ్యపూర్ణనయనే కిముపేక్షసే మాం
భిక్షాం ప్రదేహి గిరిజే! క్షుధితాయ మహ్యమ్ ॥ ౮॥
అమ్బ! త్వదీయ -చరణామ్బుజసంశ్రయేణ
వ్రహ్మాదయోఽప్యవికలాం శ్రియమాశ్రయన్తే ।
తస్మాదహం తవ నతోఽస్మి పదారవిన్దం
భిక్షాం ప్రదేహి గిరిజే! క్షుధితాయ మహ్యమ్ ॥ ౯॥
ఏకాగ్రమూలనిలయస్య మహేశ్వరస్య
ప్రాణేశ్వరీ ప్రణత-భక్తజనాయ శీఘ్రమ్ ।
కామాక్షి-రక్షిత-జగత్-త్రితయేఽన్నపూర్ణే!
భిక్షాం ప్రదేహి గిరిజే! క్షుధితాయ మహ్యమ్ ॥ ౧౦॥
భక్త్యా పఠన్తి గిరిజా-దశకం ప్రభాతే
మోక్షార్థినో బహుజనాః ప్రథితోఽన్నకామాః ।
ప్రీతా మహేశవనితా హిమశైలకన్యా
తేషాం దదాతి సుతరాం మనసేప్సితాని ॥
All copyrights reserved 2012 digital media act
Comments
Post a Comment