బగలాముఖీ (పీతామ్బరీ) ధ్యానమ్ bagalamukhi dyanam
బగలాముఖీ (పీతామ్బరీ) ధ్యానమ్
మధ్యే సుధాబ్ధిమణిమణ్డపరత్నవేదీ-
సింహాసనోపరి గతాం పరివీతవర్ణామ్ ।
పీతామ్బరాభరణమాల్యవిభూషితాఙ్గీం
దేవీం నమామి ధృతముద్గరవైరిజిహ్వామ్ ॥ ౧॥
జిహ్వాగ్రమాదాయ కరేణ దేవీం వామేన శత్రూన్పరిపీడయన్తీమ్ ।
గదాభిఘాతేన చ దక్షిణేన పీతామ్బరాఢ్యాం ద్విభుజాం నమామి ॥ ౨॥
సౌవర్ణాసనసంస్థితాం త్రినయనాం పీతాంశుకోల్లాసినీం
హేమాభాఙ్గరుచిం శశాఙ్కముకుటాం సచ్చమ్పకస్రగ్యుతామ్ ।
హస్తైర్ముద్గరపాశవజ్రరశనాః సమ్బిభ్రతీం భూషణైః
వ్యాప్తాఙ్గీం బగలాముఖీం త్రిజగతాం సంస్తమ్భినీం చిన్తయే ॥ ౩॥
ఇతి బగలాముఖీ అథవా పీతామ్బరీ ధ్యానమ్
All copyrights reserved 2012 digital media act
Comments
Post a Comment