భగళాముఖీ హృదయం (సిద్దేశ్వర తంత్రే) bagalamukhi hridayam
భగళాముఖీ హృదయం (సిద్దేశ్వర తంత్రే)
అథ హృదయమ్ ।
ఓం అస్య శ్రీబగలాముఖీహృదయస్య నారద ఋషిః ।
అనుష్టుప్ ఛన్దః । శ్రీబగలాముఖీ దేవతా ।
హ్లీం బీజమ్ । క్లీం శక్తిః । ఐం కీలకమ్ ।
శ్రీబగలాముఖీప్రసాదసిద్ధ్యర్థే శ్రీబగలాముఖీహృదయమ్
జపే వినియోగః ॥
ఋష్యాదిన్యాసః ।
ఓం నారదఋషయే నమః శిరసి ।
ఓం అనుష్టుప్ ఛన్దసే నమః ముఖే ।
ఓం శ్రీబగలాముఖీ దేవతాయై నమః హృదయే ।
ఓం హ్లీం బీజాయ నమః గుహ్యే ।
ఓం క్లీం శక్తయేనమః పాదయోః ।
ఓం ఐం కీలకాయ నమః సర్వాఙ్గే ।
ఇతి ఋష్యాదిన్యాసః ॥
అథ కరన్యాసః ।
ఓం హ్లీం అఙ్గుష్ఠాభ్యాం నమః ।
ఓం క్లీం తర్జనీభ్యాం నమః ।
ఓం ఐం మధ్యమాభ్యాం నమః ।
ఓం హ్లీం అనామికాభ్యాం నమః ।
ఓం క్లీం కనిష్ఠికాభ్యాం నమః ।
ఓం ఐం కరతలకరపృష్ఠాభ్యాం నమః ।
ఇతి కరన్యాసః ॥
అథ హృదయాదిషడఙ్గన్యాసః ।
ఓం హ్లీం హృదయాయ నమః ।
ఓం క్లీం శిరసే స్వాహా ।
ఓం ఐం శిఖాయై వషట్ ।
ఓం హ్లీం కవచాయ హుమ్ ।
ఓం క్లీం నేత్రత్రయాయ వౌషట్ ।
ఓం ఐం అస్త్రాయ ఫట్ ।
ఇతి హృదయాదిషడఙ్గన్యాసః ।
ఓం హ్లీం క్లీం ఐం ఇతి దిగ్బన్ధః ॥
పీతామ్బరాం పీతమాల్యాం పీతాభరణభూషితామ్ ।
పీతకఞ్జపదద్వన్ద్వాం బగలాం చిన్తయేఽనిశమ్ ॥ చిన్తతేఽనిశమ్
ఇతి ధ్యాత్వా సమ్పూజ్య ॥
పీతశఙ్ఖగదాహస్తే పీతచన్దనచర్చితే ।
బగలే మే వరం దేహి శత్రుసఙ్ఘవిదారిణీ ॥
ఇతి సమ్ప్రార్త్థ్య ॥
ఓం హ్లీం క్లీం ఐం బగలాముఖ్యై గదాధారిణ్యై ప్రేతాసనాధ్యాసిన్యై స్వాహా ॥
ఇతి మన్త్రం జపిత్వా పునః పూర్వవద్ధృదయాది షడఙ్గన్యాసఙ్కృత్వా
స్తోత్రమ్పఠేత్ ॥
ఇస మన్త్రకా జప ౧౧ ౨౧ ౫౧ యా ౧౦౮ బార కరేం ఔర పునః న్యాస కరేం ।
అథ కరన్యాసః ।
ఓం హ్లీం అఙ్గుష్ఠాభ్యాం నమః ।
ఓం క్లీం తర్జనీభ్యాం నమః ।
ఓం ఐం మధ్యమాభ్యాం నమః ।
ఓం హ్లీం అనామికాభ్యాం నమః ।
ఓం క్లీం కనిష్ఠికాభ్యాం నమః ।
ఓం ఐం కరతల కరపృష్ఠాభ్యాం నమః ।
ఇతి కరన్యాసః ॥
అథ హృదయాదిషడఙ్గన్యాసః ।
ఓం హ్లీం హృదయాయ నమః ।
ఓం క్లీం శిరసే స్వాహా ।
ఓం ఐం శిఖాయై వషట్ ।
ఓం హ్లీం కవచాయ హుమ్ ।
ఓం క్లీం నేత్రత్రయాయ వౌషట్ ।
ఓం ఐం అస్త్రాయ ఫట్ ।
ఇతి హృదయాదిషడఙ్గన్యాసః ।
ఓం హ్లీం క్లీం ఐం ఇతి దిగ్బన్ధః ॥
తద్యథా ॥
బన్దేఽహం బగలాం దేవీం పీతభూషణభూషితామ్ ।
తేజోరూపమయీం దేవీం పీతతేజస్స్వరూపిణీమ్ ॥ ౧॥
గదాభ్రమణాభిన్నాభ్రాం భ్రుకుటీభీషణాననామ్ ।
భీషయన్తీం భీమశత్రూన్ భజే భక్తస్య భవ్యదామ్ ॥ ౨॥
పూర్ణచన్ద్రసమానాస్యాం పీతగన్ధానులేపనామ్ ।
పీతామ్బరపరీధానాం పవిత్రామాశ్రయామ్యహమ్ ॥ ౩॥
పాలయన్తీమనుపలం ప్రసమీక్ష్యావనీతలే ।
పీతాచారరతాం భక్తాం స్తామ్భవానీం భజామ్యహమ్ ॥ ౪॥
పీతపద్మపదద్వన్ద్వాం చమ్పకారణ్యరూపిణీమ్ ।
పీతావతంసాం పరమాం వన్దే పద్మజవన్దితామ్ ॥ ౫॥
లసచ్చారుసిఞ్జత్సుమఞ్జీరపాదాం చలత్స్వర్ణకర్ణావతంసాఞ్చితాస్యామ్ ।
వలత్పీతచన్ద్రాననాం చన్ద్రవన్ద్యాం భజే పద్మజాదీడ్యసత్పాదపద్మామ్ ॥ ౬॥
సుపీతాభయామాలయా పూతమన్త్రం పరం తే జపన్తో జయం సల్లభన్తే ।
రణే రాగరోషాప్లుతానాం రిపూణాం వివాదే బలాద్వైరకృద్ధాతమాతః ॥ ౭॥
భరత్పీతభాస్వత్ప్రభాహస్కరాభాం గదాగఞ్జితామిత్రగర్వాం గరిష్ఠామ్ ।
గరీయో గుణాగారగాత్రాం గుణాఢ్యాం గణేశాదిగమ్యాం శ్రయే నిర్గుణాఢ్యామ్ ॥ ౮॥
జనా యే జపన్త్యుగ్రబీజం జగత్సు పరం ప్రత్యహం తే స్మరన్తః స్వరూపమ్ ।
భవేద్వాదినాం వాఙ్ముఖస్తమ్భ ఆద్యే జయో జాయతే జల్పతామాశు తేషామ్ ॥ ౯॥
తవ ధ్యాననిష్ఠా ప్రతిష్ఠాత్మప్రజ్ఞావతాం పాదపద్మార్చనే ప్రేమయుక్తాః ।
ప్రసన్నా నృపాః ప్రాకృతాః పణ్డితా వా పురాణాదికా దాసతుల్యా భవన్తి ॥ ౧౦॥
నమామస్తే మాతః కనకకమనీయాఙ్ఘ్రిజలజం
బలద్విద్యుద్వర్ణాం ఘనతిమిరవిధ్వంసకరణమ్ ।
భవాబ్ధౌ మగ్నాత్మోత్తరణకరణం సర్వశరణం
ప్రపన్నానాం మాతర్జగతి బగలే దుఃఖదమనమ్ ॥ ౧౧॥
జ్వలజ్జ్యోత్స్నారత్నాకరమణివిషక్తాఙ్కభవనం
స్మరామస్తే ధామ స్మరహరహరీన్ద్రేన్దుప్రముఖైః ।
అహోరాత్రం ప్రాతః ప్రణయనవనీయం సువిశదం
పరం పీతాకారం పరిచితమణిద్వీపవసనమ్ ॥ ౧౨॥
వదామస్తే మాతః శ్రుతిసుఖకరం నామ లలితం
లసన్మాత్రావర్ణం జగతి బగలేతి ప్రచరితమ్ ।
చలన్తస్తిష్ఠన్తో వయముపవిశన్తోఽపి శయనే
భజామో యచ్ఛ్రేయో దివి దురవలభ్యం దివిషదామ్ ॥ ౧౩॥
పదార్చాయాం ప్రీతిః ప్రతిదినమపూర్వా ప్రభవతు
యథా తే ప్రాసన్న్యం ప్రతిపలమపేక్ష్యం ప్రణమతామ్ ।
అనల్పం తన్మాతర్భవతి భృతభక్త్యా భవతు నో
దిశాతః సద్భక్తిం భువి భగవతాం భూరి భవదామ్ ॥ ౧౪॥
మమ సకలరిపూణాం వాఙ్ముఖే స్తమ్భయాశు
భగవతి రిపుజిహ్వాం కీలయ ప్రస్థతుల్యామ్ ।
వ్యవసితఖలబుద్ధిం నాశయాశు ప్రగల్భాం
మమ కురు బహుకార్యం సత్కృపేఽమ్బ ప్రసీద ॥ ౧౫॥
వ్రజతు మమ రిపూణాం సద్మని ప్రేతసంస్థా
కరధృతగదయా తాన్ ఘాతయిత్వాశు రోషాత్ ।
సధనవసనధాన్యం సద్మ తేషాం ప్రదహ్య
పునరపి బగలా స్వస్థానమాయాతు శీఘ్రమ్ ॥ ౧౬॥
కరధృతరిపు జిహ్వాపీడన వ్యగ్రహస్తాం
పునరపి గదయా తాంస్తాడయన్తీం సుతన్త్రామ్ ।
ప్రణతసురగణానాం పాలికాం పీతవస్త్రాం
బహుబలబగలాన్తాం పీతవస్త్రాం నమామః ॥ ౧౭॥
హృదయవచనకాయైః కుర్వతాం భక్తిపుఞ్జం
ప్రకటిత కరుణార్ద్రాం ప్రీణతీజల్పతీతి ।
ధనమథ బహుధాన్యం పుత్రపౌత్రాదివృద్ధిః
సకలమపి కిమేభ్యో దేయమేవం త్వవశ్యమ్ ॥ ౧౮॥
తవ చరణసరోజం సర్వదా సేవ్యమానం
ద్రుహిణహరిహరాద్యైర్దేవవృన్దైః శరణ్యమ్ ।
మృదులమపి శరణం తే శర్మదం సూరిసేవ్యం
వయమిహ కరవామో మాతరేతద్ విధేయమ్ ॥ ౧౯॥
బగలాహృదయస్తోత్రమిదం భక్తిసమన్వితః ।
పఠేద్ యో బగలా తస్య ప్రసన్నా పాఠతో భవేత్ ॥ ౨౦॥
పీతాధ్యానపరో భక్తో యః శృణోత్యవికల్పతః ।
నిష్కల్మషో భవేన్మర్త్త్యో మృతో మోక్షమవాప్నుయాత్ ॥ ౨౧॥
ఆశ్వినస్య సితే పక్షే మహాష్టమ్యాం దివానిశమ్ ।
యస్త్విదం పఠతే ప్రేమ్ణా బగలాప్రీతిమేతి సః ॥ ౨౨॥
దేవ్యాలయే పఠన్ మర్త్త్యో బగలాం ధ్యాయతీశ్వరీమ్ ।
పీతవస్త్రావృతో యస్తు తస్య నశ్యన్తి శత్రవః ॥ ౨౩॥
పీతాచారరతో నిత్యం పీతభూషాం విచిన్తయన్ ।
బగలాయాః పఠేన్నిత్యం హృదయస్తోత్రముత్తమమ్ ॥ ౨౪॥
న కిఞ్చిద్ దుర్ల్లభం తస్య దృశ్యతే జగతీతలే ।
శత్రవో గ్లానిమాయాన్తి తస్య దర్శనమాత్రతః ॥ ౨౫॥
ఇతి సిద్ధేశ్వరతన్త్రే ఉత్తరఖణ్డే బగలాపటలే
శ్రీబగలాహృదయస్తోత్రం సమాప్తమ్ ॥
All copyrights reserved 2012 digital media act
Comments
Post a Comment