భగళాముఖీ కవచం (విశ్వసారోద్దార తంత్రే) bagalamukhi kavacham
భగళాముఖీ కవచం (విశ్వసారోద్దార తంత్రే)
కైలాసాచలమ్ధ్యగమ్పురవహం శాన్తన్త్రినేత్రం శివం వామస్థా
కవచమ్ప్రణమ్య గిరిజా భూతిప్రదమ్పృచ్ఛతి ॥
దేవీ శ్రీబగలాముఖీ రిపుకులారణ్యాగ్నిరూపా చ యా
తస్యాశ్చాపవిముక్తమన్త్రసహితమ్ప్రీత్యాఽధునా బ్రూహి మామ్ ॥ ౧॥
శ్రీశఙ్కర ఉవాచ-
దేవీ శ్రీభవవల్లభే శృణు మహామన్త్రఁ విభూతిప్రదన్దేవ్యా
వర్మయుతం సమస్తసుఖదం సామ్రాజ్యదముక్తిదమ్ ।
తారం రుద్రవధూఁ విరఞ్చిమహిలావిష్ణుప్రియాకామయుక్కాన్తే
శ్రీబగలాననే మమ రిపున్నాశాయ యుగ్మన్త్వితి ॥ ౨॥
ఐశ్వర్యాణి పదఞ్చ దేహి యుగలం శీఘ్రమనోవాఞ్ఛితఙ్కార్యం
సాధయ యుగ్మయుక్ఛివవధూవహ్నిప్రియాన్తో మనుః ।
కంసారేస్తనయఞ్చ బీజమపరా శక్తిశ్చ వాణీ తథా కీలం శ్రీమతి
భైరవర్ష్షిసహితఞ్ఛన్దో విరాట్సంయుతమ్ ॥ ౩॥
స్వేష్టార్థస్య పరస్య వేత్తి నితరాఙ్కార్యస్య సమ్ప్రాప్తయే
నానాసాధ్యమహాగదస్య నియతన్నాశాయ వీర్యాప్తయే ।
ధ్యాత్వా శ్రీబగలాననామనువరఞ్జప్త్వా సహస్రాఖ్యకన్దీగ్ర్ధైః
షట్కయుతైశ్చ రుద్రమహితాబీజైర్వినశ్యాఙ్గకే ॥
ధ్యానమ్ ।
సౌవర్ణాసనసంస్థితాం త్రినయనాం పీతాంశుకోలాసినీం
హేమాభాఙ్గరుచిం శశాఙ్కముకుటాం స్రక్చమ్పకస్రగ్యుతామ్ ।
హస్తైర్మద్గరపాశబద్ధరసనాం
సమ్బిభ్రతీం భూషణవ్యాప్తాఙ్గీం బగలాముఖీం త్రిజగతాం
సంస్తమ్భినీఞ్చిన్తయే ॥
ఓం అస్య శ్రీబగలాముఖీబ్రహ్మాస్త్రమన్త్రకవచస్య
భైరవ ఋషిః విరాట్ఛన్దః శ్రీబగలాముఖీ దేవతా క్లీమ్బీజం ఐంశక్తిః
శ్రీఙ్కీలకం మమ పరస్య చ మనోభిలషితేష్టకార్యసిద్ధయే వినియోగః ॥
శిరసి భైరవఋషయేనమః,
ముఖే విరాట్ఛన్దసే నమః,
హృది బగలాముఖీదేవతాయైనమః,
గుహ్యే క్లీమ్బీజాయనమః,
పాదయోః ఐంశక్తయేనమః,
సర్వాఙ్గే శ్రీఙ్కీలకాయనమః,
ఓం హ్రాం అఙ్గుష్ఠాభ్యాన్నమః,
ఓం హ్రీం తర్జనీభ్యాన్నమః,
ఓం హ్రూం మధ్యమాభ్యాన్నమః,
ఓం హ్రైం అనామికాభ్యాన్నమః,
ఓం హ్రౌం కనిష్ఠికాభ్యాన్నమః,
ఓం హ్రః కరతలకరపృష్ఠాభ్యాన్నమః,
ఓం హ్రాఁ హృదయాయనమః,
ఓం హ్రీం శిరసే స్వాహా,
ఓం హ్రూం శిఖాయైవషట్,
ఓం హ్రైం కవచాయహుమ్,
ఓం హ్రౌం నేత్రత్రయాయవౌషట్,
ఓం హ్రః అస్త్రాయ ఫట్ ॥
మన్త్రోద్ధారః
ఓం హ్రాఁ ఐం శ్రీం క్లీం శ్రీబగలాననే మమ రిపూన్నాశయ ౨,
మమైశ్వర్యాణి దేహి ౨,
శీఘ్రమనోవాఞ్ఛితకార్యం సాధయః ౨,
హ్రీంస్వాహా ॥
శిరో మే పాతు ఓం హ్రీం ఐం శ్రీం క్లీం పాతు లలాటకమ్ ।
సమ్బోధనపదమ్పాతు నేత్రే శ్రీబగలాననే ॥ ౧॥
శ్రుతౌ మమ రిపుమ్పాతు నాసికాన్నాశయ ద్వయమ్ ।
పాతు గణ్డౌ సదా మామైశ్వర్యాణ్యన్తన్తు మస్తకమ్ ॥ ౨॥
దేహి ద్వన్ద్వం సదా జిహ్వామ్పాతు శీఘ్రఁ వచో మమ ।
కణ్ఠదేశం స నః పాతు వాఞ్ఛితమ్బాహుమూలకమ్ ॥ ౩॥
కార్యం సాధయ ద్వన్ద్వన్తు కరౌ పాతు సదా మమ ।
మాయాయుక్తా తథా స్వాహా హృదయమ్పాతు సర్వదా ॥ ౪॥
అష్టాధికచత్వారింశదణ్డాఢ్యా బగలాముఖీ ।
రక్షాఙ్కరోతు సర్వత్ర గృహేఽరణ్యే సదా మమ ॥ ౫॥
బ్రహ్మాస్త్రాఖ్యో మనుః పాతు సర్వాఙ్గే సర్వసన్ధిషు ।
మన్త్రరాజః సదా రక్షాఙ్కరోతు మమ సర్వదా ॥ ౬॥
ఓం హ్రీం పాతు నాభిదేశమే కటిమే బగలావతు ।
ముఖీ వర్ణద్వయమ్పాతు లిఙ్గమే ముష్కయుగ్మకమ్ ॥ ౭॥
జానునీ సర్వదుష్టానామ్పాతు మే వర్ణపఞ్చకమ్ ।
వాచముఖన్తథా పాదం షడ్వర్ణా పరమేశ్వరీ ॥ ౮॥
జఙ్ఘాయుగ్మే సదా పాతు బగలా రిపుమోహినీ ।
స్తమ్భయేతి పదమ్పృష్ఠమ్పాతువర్ణత్రయమమ ॥ ౯॥
జిహ్వాఁ వర్ణద్వయమ్పాతు గుల్ఫౌ మే కీలయేతి చ ।
పాదోద్ర్ధ్వం సర్వదా పాతు బుద్ధిం పాదతలే మమ ॥ ౧౦॥
వినాశయ పదమ్పాతు పాదాఙ్గుల్యోర్న్నఖాని మే ।
హ్రీం బీజం సర్వదా పాతు బుద్ధీన్ద్రియవచాంసి మే ॥ ౧౧॥
సర్వాఙ్గమ్ప్రణవః పాతు స్వాహా రోమాణి మేఽవతు ।
బ్రాహ్మీ పూర్వదలే పాతు చాగ్నేయాం విష్ణువల్లభా ॥ ౧౨॥
మాహేశీ దక్షిణే పాతు చాముణ్డా రాక్షసేఽవతు ।
కౌమారీ పశ్చిమే పాతు వాయవ్యే చాపరాజితా ॥ ౧౩॥
వారాహీ చోత్తరే పాతు నారసింహీ శివేఽవతు ।
ఊర్ద్ధ్వమ్పాతు మహాలక్ష్మీః పాతాలే శారదాఽవతు ॥ ౧౪॥
ఇత్యష్టౌ శక్తయః పాన్తు సాయుధాశ్చ సవాహనాః ।
రాజద్వారే మహాదుర్గే పాతు మాఙ్గణనాయకః ॥ ౧౫॥
శ్మశానే జలమధ్యే చ భైరవశ్చ సదాఽవతు ।
ద్విభుజా రక్తవసనాః సర్వాభరణభూషితాః ॥ ౧౬॥
యోగిన్యః సర్వదా పాతు మహారణ్యే సదా మమ ।
ఇతి తే కథితన్దేవి కవచమ్పరమాద్భుతమ్ ॥ ౧౭॥
శ్రీవిశ్వవిజయన్నామ కీర్తిశ్రీవిజయప్రదమ్ ।
అపుత్రో లభతే పుత్రన్ధీరం శూరం శతాయుషమ్ ॥ ౧౮॥
నిర్ద్ధనో ధనమాప్నోతి కవచస్యాస్య పాఠతః ।
జపిత్వా మన్త్రరాజన్తు ధ్యాత్వా శ్రీబగలాముఖీమ్ ॥ ౧౯॥
పఠేదిదం హి కవచన్నిశాయాన్నియమాత్తు యః ।
యద్యత్కామయతే కామం సాధ్యాసాధ్యే మహీతలే ॥ ౨౦॥
తత్తత్కామమవాప్నోతి సప్తరాత్రేణ శఙ్కరీ ।
గురున్ధ్యాత్వా సురామ్పీత్వా రాత్రౌ శక్తిసమన్వితః ॥ ౨౧॥
కవచణ్ యః పఠేద్దేవి తస్యాఽసాధ్యన్న కిఞ్చన ।
యన్ధ్యాత్వా ప్రజపేన్మన్త్రసహస్రఙ్కవచమ్పఠేత్ ॥ ౨౨॥
త్రిరాత్రేణ వశయాతి మృత్యున్తన్నాత్ర సంశయః ।
లిఖిత్వా ప్రతిమాం శత్రోస్సతాలేన హరిద్రయా ॥ ౨౩॥
లిఖిత్వా హృది తన్నామ తన్ధ్యాత్వా ప్రజపేన్మనుమ్ ।
ఏకవింశదినం యావత్ప్రత్యహఞ్చ సహస్రకమ్ ॥ ౨౪॥
జప్త్వా పఠేత్తు కవచఞ్చతుర్వింశతివారకమ్ ।
సంస్తమ్భఞ్జాయతే శత్రోర్న్నాత్ర కార్యా విచారణా ॥ ౨౫॥
వివాదే విజయన్తస్య సఙ్గ్రామే జయమాప్నుయాత్ ।
శ్మశానే చ భయన్నాస్తి కవచస్య ప్రభావతః ॥ ౨౬॥
నవనీతఞ్చాభిమన్త్ర్య స్త్రీణాన్దద్యాన్మహేశ్వరి ।
వన్ధ్యాయాఞ్జాయతే పుత్రో విద్యాబలసమన్వితః ॥ ౨౭॥
శ్మశానాఙ్గారమాదాయ భౌమే రాత్రౌ శనావథ ।
పాదోదకేన స్పృష్ట్వా చ లిఖేలౌహశలాకయా ॥ ౨౮॥
భూమౌ శత్రోః స్వరూపఞ్చ హృది నామ సమాలిఖేత్ ।
హస్తన్తద్ధృదయే దత్వా కవచన్తిథివారకమ్ ॥ ౨౯॥
ధ్యాత్వా జపేన్మన్త్రరాజన్నవరాత్రమ్ప్రయత్నతః ।
మ్రియతే జ్వరదాహేన దశమేఽహ్ని న సంశయః ॥ ౩౦॥
భూర్జపత్రేష్విదం స్తోత్రమష్టగన్ధేన సఁలిఖేత్ ।
ధారయేద్దక్షిణే బాహౌ నారీ వామభుజే తథా ॥ ౩౧॥
సఙ్గ్రామే జయమాప్నోతి నారీ పుత్రవతీ భవేత్ ।
బ్రహ్మాస్త్రాదీని శస్త్రాణి నైవ కృన్తన్తి తఞ్జనమ్ ॥ ౩౨॥
సమ్పూజ్య కవచన్నిత్యమ్పూజాయాః ఫలమాలభేత్ ।
బృహస్పతిసమో వాపి విభవే ధనదోపమః ॥ ౩౩॥
కామతుల్యశ్చ నారీణాం శత్రూణాఞ్చ యమోపమః ।
కవితాలహరీ తస్య భవేద్గఙ్గాప్రవాహవత్ ॥ ౩౪॥
గద్యపద్యమయీ వాణీ భవేద్దేవీప్రసాదతః ।
ఏకాదశశతం యావత్పురశ్చరణముచ్యతే ॥ ౩౫॥
పురశ్చర్యావిహీనన్తు న చేదమ్ఫలదాయకమ్ ।
న దేయమ్పరశిష్యేభ్యో దుష్టేభ్యశ్చ విశేషతః ॥ ౩౬॥
దేయం శిష్యాయ భక్తాయ పఞ్చత్వఞ్చాఽన్యథాప్నుయాత్ ।
ఇదఙ్కవచమజ్ఞాత్వా భజేద్యో బగలాముఖీమ్ ॥
శతకోటి జపిత్వా తు తస్య సిద్ధిర్న్న జాయతే ॥ ౩౭॥
దారాఢ్యో మనుజోస్య లక్షజపతః ప్రాప్నోతి సిద్ధిమ్పరాం విద్యాం
శ్రీవిజయన్తథా సునియతన్ధారఞ్చ వీరం వరమ్ ॥
బ్రహ్మాస్త్రాఖ్యమనుం విలిఖ్య నితరామ్భూర్జేష్టగన్ధేన వై ధృత్వా రాజపురం
వ్రజన్తి ఖలు యే దాసోఽస్తి తేషాన్నృపః ॥ ౩౮॥
ఇతి విశ్వసారోద్ధారతన్త్రే పార్వతీశ్వరసంవాదే బగలాముఖీకవచం
సమ్పూర్ణమ్ ॥
All copyrights reserved 2012 digital media act
Comments
Post a Comment