భగళా పంజర స్తోత్రం అథవా పీతాంబరి పంజర స్తోత్రం bagalamukhi panjara stotram
భగళా పంజర స్తోత్రం అథవా పీతాంబరి పంజర స్తోత్రం
సూత ఉవాచ -
సహస్రాదిత్యసఙ్కాశం శివం సామ్బం సనాతనమ్ ।
ప్రణమ్య నారదః ప్రాహ వినమ్రో నతకన్ధరః ॥ ౧॥
శ్రీనారద ఉవాచ -
భగవన్ సామ్బ తత్త్వజ్ఞ సర్వదుఃఖాపహారక ।
శ్రీమత్పీతామ్బరాదేవ్యాః పఞ్జరం పుణ్యదం సతామ్ ॥ ౨॥
ప్రకాశయ విభో నాథ కృపాం కృత్వా మమోపరి ।
యద్యహం తవ పాదాబ్జధూలిధూసరితోఽభవత్ ॥ ౩॥
వినియోగః -
అస్య శ్రీమద్బగలాముఖీ పీతామ్బరా పఞ్జరరూపస్తోత్రమన్త్రస్య
భగవాన్ నారదఋషిః, అనుష్టుప్ఛన్దః,
జగద్వశ్యకరీ శ్రీపీతామ్బరా బగలాముఖీ దేవతా,
హ్లీం బీజం, స్వాహా శక్తిః, క్లీం కీలకం,
మమ విపక్షపరసైన్యమన్త్ర-తన్త్ర-యన్త్రాదికృత్యక్షయార్థం
శ్రీమత్పీతామ్బరా బగలాముఖీ దేవతాప్రీత్యర్థే చ జపే వినియోగః ॥
ఋష్యాది న్యాసః -
భగవాన్ నారదఋషయే నమః శిరసి ।
అనుష్టుప్ఛన్దసే నమః ముఖే ।
జగద్వశ్యకరీ శ్రీపీతామ్బరా బగలాముఖీ దేవతాయై నమః హృదయే ।
హ్లీం బీజాయ నమః దక్షిణస్తనే స్వాహా । శక్త్యై నమః వామస్తనే ।
క్లీం కీలకాయ నమః నాభౌ ।
మమ విపక్షపరసైన్యమన్త్రతన్త్రయన్త్రాదికృత్యక్షయార్థం
శ్రీమత్పీతామ్బరా బగలాదేవ్యాః ప్రీతయే జపే వినియోగః ।
కరసమ్పుటేన కరమూలేన కరశుద్ధిః ।
హ్లామితి షట్దీర్ఘేణ షడఙ్గః । మూలేన వ్యాపకన్యాసం కుర్యాత్ ॥
కరన్యాసః -
హ్లాం అఙ్గుష్ఠాభ్యాం నమః ।
హ్లీం తర్జనీభ్యాం స్వాహా ।
హ్లూం మధ్యమాభ్యాం వషట్ ।
హ్లైం అనామికాభ్యాం హుమ్ ।
హ్లౌం కనిష్ఠికాభ్యాం వౌషట్ ।
హ్లః కరతలకరపృష్ఠాభ్యాం ఫట్ ॥
అఙ్గన్యాసః -
హ్లాం హృదయాయ నమః ।
హ్లీం శిరసే స్వాహా ।
హ్లూం శిఖాయై వషట్ ।
హ్లైం కవచాయ హుమ్ ।
హ్లౌ నేత్రత్రయాయ వౌషట్ ।
హ్లః అస్త్రాయ ఫట్ ॥
వ్యాపకన్యాసః -
ఓం హ్లీం అఙ్గుష్ఠాభ్యాం నమః ।
ఓం బగలాముఖీ తర్జనీభ్యాం స్వాహా ।
ఓం సర్వదుష్టానాం మధ్యమాభ్యాం వషట్ ।
ఓం వాచం ముఖం పదం స్తమ్భయ అనామికాభ్యాం హుమ్ ।
ఓం జిహ్వాం కీలయ కనిష్ఠికాభ్యాం వౌషట్ ।
ఓం బుద్ధిం వినాశయ హ్లీం ఓం స్వాహా కరతలకరపృష్ఠాభ్యాం ఫట్ ॥
అఙ్గన్యాసః -
ఓం హ్లీం హృదయాయ నమః ।
ఓం బగలాముఖి శిరసే స్వాహా ।
ఓం సర్వదుష్టానాం శిఖాయై వషట్ ।
ఓం వాచం ముఖం పదం స్తమ్భయ కవచాయ హుమ్ ।
ఓం జిహ్వాం కీలయ నేత్రత్రయాయ వౌషట్ ।
ఓం బుద్ధిం వినాశయ హ్లీం ఓం స్వాహా, అస్త్రాయ ఫట్ ॥
ధ్యానమ్ -
మధ్యే సుధాబ్ధిమణిమణ్డపరత్నవేద్యాం var మణిమణ్డితరత్నవేద్యాం
సింహాసనోపరిగతాం పరిపీతవర్ణామ్ ।
పీతామ్బరాభరణమాల్యవిభూషితాఙ్గీం
దేవీం స్మరామి ధృతముద్గరవైరిజిహ్వామ్ ॥ var నమామి
ఇతి ధ్యాత్వా మనసా సమ్పూజ్య, యోనిముద్రాం ఏవం ముద్గరముద్రాం ప్రదర్శయ,
ఋష్యాదిన్యాసం కృత్వా, పఞ్జరం న్యస్యేత్త్ ।
శ్రీపీతామ్బరాయై నమః లం పృథివ్యాత్మకం గన్ధం పరికల్పయామి ।
శ్రీపీతామ్బరాయై నమః హం ఆకాశాత్మకం పుష్పం పరికల్పయామి ।
శ్రీపీతామ్బరాయై నమః యం వాయవ్యాత్మకం ధూపం పరికల్పయామి ।
శ్రీపీతామ్బరాయై నమః వం అమృతాత్మకం నైవేద్యం పరికల్పయామి ॥
అథ పఞ్జరస్తోత్రమ్ ।
శ్రీశివ ఉవాచ -
పఞ్జరం తత్ప్రవక్ష్యామి దేవ్యాః పాపప్రణాశనమ్ ।
యం ప్రవిశ్య చ బాధన్తే బాణైరపి నరాః క్వచిత్ ॥ ౧॥
ఓం ఐం హ్లీం శ్రీం శ్రీమత్పీతామ్బరాదేవీ బగలా బుద్ధివర్ద్ధినీ ।
పాతు మామనిశం సాక్షాత్ సహస్రార్కసమద్యుతిః ॥ ౨॥
ఓం ఐం హ్లీం శ్రీం శిఖాదిపాదపర్యన్తం వజ్రపఞ్జరధారిణీ ।
బ్రహ్మాస్త్రసంజ్ఞా యా దేవీ పీతామ్బరావిభూషితా ॥ ౩॥
ఓం ఐం హ్లీం శ్రీం శ్రీబగలా హ్యవత్వత్ర చోర్ధ్వభాగం మహేశ్వరీ ।
కామాఙ్కుశా కలా పాతు బగలా శాస్త్రబోధినీ ॥ ౪॥
ఓం ఐం హ్లీం శ్రీం పీతామ్బరా సహస్రాక్షా లలాటం కామితార్థదా ।
పాతు మాం బగలా నిత్యం పీతామ్బరసుధారిణీ ॥ ౫॥
ఓం ఐం హ్లీం శ్రీం కర్ణయోశ్చైవ యుగపదాతిరత్నప్రపూజితా ।
పాతు మాం బగలాదేవీ నాసికాం మే గుణాకరా ॥ ౬॥
ఓం ఐం హ్లీం శ్రీం పీతపుష్పైః పీతవస్త్రైః పూజితా వేదదాయినీ ।
పాతు మాం బగలా నిత్యం బ్రహ్మవిష్ణ్వాదిసేవితా ॥ ౭॥
ఓం ఐం హ్లీం శ్రీం పీతామ్బరా ప్రసన్నాస్యా నేత్రయోర్యుగపద్భ్రువౌ ।
పాతు మాం బగలా నిత్యం బలదా పీతవస్త్రధృక్ ॥ ౮॥ var బలిదా
ఓం ఐం హ్లీం శ్రీం అధరోష్ఠౌ తథా దన్తాన్ జిహ్వాం చ ముఖగాం మమ ।
పాతు మాం బగలాదేవీ పీతామ్బరసుధారిణీ ॥ ౯॥
ఓం ఐం హ్లీం శ్రీం గలే హస్తే తథా బాహ్వోః యుగపద్బుద్ధిదాసతామ్ ।
పాతు మాం బగలాదేవీ దివ్యస్రగనులేపనా ॥ ౧౦॥
ఓం ఐం హ్లీం శ్రీం హృదయే చ స్తనే నాభౌ కరావపి కృశోదరీ ।
పాతు మాం బగలా నిత్యం పీతవస్త్రఘనావృతా ॥ ౧౧॥
జఙ్ఘాయాం చ తథా చోర్వోర్గుల్ఫయోశ్చాతివేగినీ ।
అనుక్తమపి యత్స్థానం త్వక్కేశనఖలోమకమ్ ॥ ౧౨॥
అసృఙ్మాంసం తథాస్థీనీ సన్ధయశ్చాపి మే పరా ।
తాః సర్వా బగలాదేవీ రక్షేన్మే చ మనోహరా ॥ ౧౩॥
ఫలశ్రుతిః ।
ఇత్యేతద్వరదం గోప్యం కలావపి విశేషతః ।
పఞ్జరం బగలాదేవ్యాః ఘోరదారిద్ర్యనాశనమ్ ।
పఞ్జరం యః పఠేద్భక్త్యా స విఘ్నైర్నాభిభూతయే ॥ ౧౪॥
అవ్యాహతగతిశ్చాస్య బ్రహ్మవిష్ణ్వాదిసత్పురే ।
స్వర్గే మర్త్యే చ పాతాలే నారయస్తం కదాచన ॥ ౧౫॥
న బాధన్తే నరవ్యాఘ్రం పఞ్జరస్థం కదాచన ।
అతో భక్తైః కౌలికైశ్చ స్వరక్షార్థం సదైవ హి ॥ ౧౬॥
పఠనీయం ప్రయత్నేన సర్వానర్థవినాశనమ్ ।
మహాదారిద్ర్యశమనం సర్వమాఙ్గల్యవర్ధనమ్ ॥ ౧౭॥
విద్యావినయసత్సౌఖ్యం మహాసిద్ధికరం పరమ్ ।
ఇదం బ్రహ్మాస్త్రవిద్యాయాః పఞ్జరం సాధు గోపితమ్ ॥ ౧౮॥
పఠేత్స్మరేద్ధ్యానసంస్థః స జయేన్మరణం నరః ।
యః పఞ్జరం ప్రవిశ్యైవ మన్త్రం జపతి వై భువి ॥ ౧౯॥
కౌలికోఽకౌలికో వాపి వ్యాసవద్విచరేద్భువి ।
చన్ద్రసూర్యసమో భూత్వా వసేత్కల్పాయుతం దివి ॥ ౨౦॥
శ్రీసూత ఉవాచ
ఇతి కథితమశేషం శ్రేయసామాదిబీజమ్ ।
భవశతదురితఘ్నం ధ్వస్తమోహాన్ధకారమ్ ।
స్మరణమతిశయేన ప్రాప్తిరేవాత్ర మర్త్యః ।
యది విశతి సదా వై పఞ్జరం పణ్డితః స్యాత్ ॥ ౨౧॥
॥ ఇతి పరమరహస్యాతిరహస్యే శ్రీపీతామ్బరాపఞ్జరస్తోత్రం సమ్పూర్ణమ్ ॥
All copyrights reserved 2012 digital media act
Comments
Post a Comment