భరత కవచం (ఆనంద రామాయణం) bharata kavacham telugu lyrics
భరత కవచం (ఆనంద రామాయణం)
॥ అథ శ్రీమదానన్దరామాయణాంతర్గత శ్రీ భరత కవచం ॥
అగస్తిరువాచ-
అథః పరం భరతస్య కవచం తే వదామ్యహం ।
సర్వపాపహరం పుణ్యం సదా శ్రీరామభక్తిదం ॥ ౧॥
కైకేయీ తనయం సదా రఘువర న్యస్కేక్షణం శ్యామలం
సప్త ద్వీపపతేర్ విదేహ తనయా కాన్తస్య వాక్యే రతం ।
శ్రీసీతాధవ సవ్యపార్శ్వ నికటే స్తిత్వా వరం చామరం
ధృత్వా దక్షిణ సత్కరేణ భరతం తం వీజయన్తం భజే ॥ ౨॥
అస్య శ్రీ భరతకవచ మన్త్రస్య అగస్త్య ఋషిః ।
శ్రీ భరతో దేవతా ।
అనుష్టుప్ ఛన్దః ।
శఙ్ఖ ఇతి బీజం ।
కైకేయీ నన్దనః ఇతి శక్తిః ।
భరతఖణ్డేశ్వర ఇతి కీలకం ।
రామానుజ ఇత్యస్త్రం ।
సప్తద్వీపేశ్వర దాస ఇతి కవచం ।
రామాంశజ ఇతి మన్త్రః ।
శ్రీభరత ప్రీత్యర్థం సకలమనోరథ సిద్ధ్యర్థం జపే వినియోగః ॥
అథ అఙ్గుళీ న్యాసః ॥
ఓం భరతాయ అఙ్గుష్ఠాభ్యాం నమః ।
ఓం శఙ్ఖాయ తర్జనీభ్యాం నమః ।
ఓం కైకేయీనన్దనాయ మధ్యమాభ్యాం నమః ।
ఓం భరతఖణ్డేశ్వరాయ అనామికాభ్యాం నమః ।
ఓం రామానుజ కనిష్ఠికాభ్యాం నమః ।
ఓం సప్త ద్వీపేశ్వర దాసాయ కరతల కరపృష్ఠాభ్యాం నమః ॥
హృదయాదిన్యాసః ॥
ఓం భరతాయ హృదయాయ నమః ।
ఓం శఙ్ఖాయ శిరసే స్వాహా ।
ఓం కైకేయీనన్దనాయ శిఖాయై వషట్ ।
ఓం భరతఖణ్డేశ్వరాయ కవచాయ హుం ।
ఓం రామానుజాయ నేత్రత్రయాయ వౌషట్ ।
ఓం సప్త ద్వీపేశ్వర దాసాయ అస్త్రాయ ఫట్ ।
ఓం రామాంశజేతి దిగ్బన్ధః ॥
అథ ధ్యానమ్ ॥
రామచన్ద్ర సవ్యపార్శ్వే స్థితం కేకయజా సుతం ।
రామాయ చామరేణైవ వీజయన్తం మనోరమం ॥ ౧॥
రత్నకుణ్డల కేయూర కఙ్కణాది సుభూషితం ।
పీతామ్బర పరిధానం వనమాలా విరాజితం ॥ ౨॥
మాణ్డవీ ధౌత చరణం రశనా నూపురాన్వితం ।
నీలోత్పల దలశ్యామం ద్విజరాజ సమాననం ॥ ౩॥
ఆజానుబాహుం భరత ఖణ్డస్య ప్రతిపాలకం ।
రామానుజం స్మితాస్యంచ శత్రుఘ్న పరివన్దితం ॥ ౪॥
రామన్యస్తేక్షణం సౌమ్యం విద్యుత్ పుఞ్చ సమప్రభం ।
రామభక్తం మహావీరం వన్దే తం భరతం శుభం ॥ ౫॥
ఏవం ధ్యాత్వా తు భరతం రామపాదేక్షణం హృది ।
కవచం పఠనీయం హి భరతస్యేద ముత్తమం ॥ ౬॥
కవచ ప్రారంభః ॥
ఓం । పూర్వతో భరతః పాతు దక్షిణే కైకయీసుతః ।
నృపాత్మజః ప్రతీచ్యాం హి పాతూదీశ్యాం రఘూత్తమః ॥ ౧॥
అథః పాతు శ్యామలాఙ్గః చోర్ధ్వం దశరథాత్మజః ।
మధ్యే భారతవర్షేశః సర్వతః సూర్యవంశజః ॥ ౨॥
శిరస్ దక్షపితా పాతు భాలం పాతు హరిప్రియః ।
భృవోర్ మధ్యమ జనకజా వాక్యైక తత్పరోవతు ॥ ౩॥
పాతు జనక జామాతా మమ నేత్రే సదాత్ర హి ।
కపోలే మాణ్డవీకాన్తః కర్ణమూలే స్మితాననః ॥ ౪॥
నాసాగ్రం మే సదా పాతు కైకేయీ తోషవర్ధనః ।
ఉదారాఙ్గో ముఖే పాతు వాణీం పాతు జటాధరః ॥ ౫॥
పాతు పుష్కరతాతో మే జిహ్వాం దన్తాణ్ ప్రభామయః ।
చిబుకం వల్కలధరః కణ్ఠే పాతు వరాననః ॥ ౬॥
స్కన్ధౌ పాతు జితారాతి భుజౌ శత్రుఘ్న వన్దితః ।
కరౌ కవచధారీచ నఖాన్ ఖడ్గధరోవతు ॥ ౭॥
కుక్షౌ రామానుజః పాతు వక్షః శ్రీ రామవల్లభః ।
పార్శ్వే రాఘవ పార్శ్వస్థః పాతు పృష్ఠం సుభాషణః ॥ ౮॥
జఠరం చ ధనుర్ధారీ నాభిం శరకరోవతు ।
కటిం పద్మేక్షణః పాతు గుహ్యం రామైకమానసః ॥ ౯॥
రామమిత్రః పాతు లిఙ్గమూరూ శ్రీరామసేవకః ।
నన్దిగ్రామ స్థితః పాతు జానునీ మమ సర్వదా ॥ ౧౦॥
శ్రీ రామపాతుకాధారీ పాతు జఙ్ఘే సదా మమ ।
గుల్ఫౌ శ్రీరామ బన్ధుశ్చ పాదౌ పాతు సురార్చితః ॥ ౧౧॥
రామాజ్ఞాపాలకః పాతు మమాఙ్గాన్యత్ర సర్వదా ।
మమ పాదాఙ్గుళీః పాతు రఘువంశ సుభూషణః ॥ ౧౨॥
రోమాణి పాతు మే రమ్యః పాతు రాత్రౌ సుధీర్ మమ ।
తూణీరధారీ దివసే దిక్ పాతు మమ సర్వదా ॥ ౧౩॥
సర్వకాలేషు మాం పాతు పాఞ్చజన్యః సదా భువి ।
ఏవం శ్రీభరస్యేదం సుతీక్ష్ణ కవచం శుభం ॥ ౧౪॥
మయా ప్రోక్తం తవాగ్రే హి మహామఙ్గల కారకం ।
స్తోత్రాణా ముత్తమం స్తోత్రమిదం జ్ఞేయం సుపుణ్యదం ॥ ౧౫॥
పఠనీయం సదా భక్త్యా రామచన్ద్రస్య హర్షదం ।
పఠిత్వా భరతస్యేదం కవచం రఘునన్దనః ॥ ౧౬॥
యథా యాతి పరం తోషం తథా స్వకవచేనన ।
తస్మాదేతత్ సదా జప్యం కవచానా మనుత్తమం ॥ ౧౭॥
అస్యాత్ర పఠనాన్ మర్త్యః సర్వాన్ కామానవాప్నుయాత్ ।
విద్యాకామో లభేత్విద్యాం పుత్రకామో లభేత్ సుతం ॥ ౧౮॥
పత్నీకామో లభేత్ పత్నీం ధనార్థీ ధన మాప్నుయాత్ ।
యద్యన్ మనోభి లషితం తత్తత్ కవచపాఠతః ॥ ౧౯॥
లభ్యతే మానవైరత్ర సత్యం సత్యం వదామ్యహం ।
తస్మాత్ సదా జపనీయం రామోపాసక మానవైః ॥ ౨౦॥
ఇతి శ్రీ శతకోటిరామచరితాంతర్గత శ్రీమదానన్దరామాయణే
వాల్మికీయే మనోహరకాణ్డే శ్రీ భరతకవచం సమ్పూర్ణం ॥
All copyrights reserved 2012 digital media act
Comments
Post a Comment