బ్రహ్మణస్పతి సూక్తం (ఋగ్వేదం) brahmanaspathi suktam with Telugu lyrics

బ్రహ్మణస్పతి సూక్తం (ఋగ్వేదం)

సోమానం స్వపణం కృణుహి బ్రహ్మణస్పతే |

కక్షీవన్తం య ఔశిజః ||

 

యో రేవాన్యో అమీహా వసువిత్పుష్టివర్ధనః |

స నః సిషక్తు యస్తురః ||

 

మా నః శంసో ఆరరుషో ధూర్తిః ప్రణజ్ఞ్మర్త్యస్య |

రక్షా ణో బ్రహ్మణస్పతే ||

 

స ఘా వీరో న రిప్యతి యమిన్ద్రో బ్రహ్మణస్పతిః |

సోమో హినోతి మర్త్యమ్ ||

 

త్వం తం బ్రహ్మణస్పతే సోమ ఇన్ద్రశ్స మర్త్యమ్ |

దక్షిణా పాత్వంహసః ||

 

ఉత్తిష్ఠ బ్రహ్మణస్పతే దేవయన్తస్త్వేమహే |

ఉప ప్ర యస్తు మరుతః సుదానవ ఇన్ద్ర ప్రాశూర్భవా సచా ||

 

త్వామిద్ది సహసస్పుత్ర మర్త్య ఉపబ్రూతే ధనే హితే |

సువీర్యం మరుత ఆ స్వశ్వ్యం దధీత యో వ ఆచకే ||

 

ప్రైతు బ్రహ్మణస్పతిః ప్రదేవ్యేతు సునృతా |

అచ్ఛా వీరం నర్యం పజ్ఞ్క్తరాధసం దేవా యజ్ఞం నయస్తు నః ||

 

యో వాఘతే దదాతి సూనరం వసు న ధత్తే ఆక్షితి శ్రవః |

తస్మా ఇళాం సువీరామా యజామహే సుప్రతూర్తిమనేహసమ్ ||

 

ప్ర నూనం బ్రహ్మణస్పతిర్మన్త్రం పదత్యుక్థ్యమ్ |

యస్మిన్నిన్ద్రో వరుణో మిత్రో అర్యమా దేవా ఓకాంసి చక్రిరే ||

 

తమిద్వోచేమా విదథేషు శమ్భువం మన్త్రం దేవా అనేహసమ్ |

ఇమాం చ వాచం ప్రతిహర్యథా నరో విశ్వేద్వామా వో అశ్నవత్ ||

 

కో దేవయన్తమశ్నవజ్జనం కో వృక్తబర్హిషమ్ |

ప్ర ప్ర దాశ్వాన్పస్త్యాభిరస్ధితా న్తర్వావత్క్షయం దధే ||

 

ఉప క్షత్రం పృజ్ఞత హన్తి రాజభిర్భయే చిత్సుక్షితిం దధే |

నాస్య వర్తా న తరుతా మహాధనే నార్భే అస్తి వజ్రిణః ||

 

గణానాం త్వా గణపతిం హవామహే కవిం కనీనాముపమశ్రవస్తవమ్ |

జ్యేష్ఠరాజం బ్రహ్మణాం బ్రహ్ణణస్పత ఆ న శృణ్వన్నూతిభి సీద సాదనమ్ ||

 

దేవాశి్చత్తే అసుర్య ప్రచేతసో బృహస్పతే యజ్జ్ఞియం భాగమానశుః |

ఉస్రా ఇవ సూర్యో జో్యతిషా మహో విశే్వషామిజ్జనితా బ్రహ్మణామసి ||

 

ఆ విబాధ్యా పరిరాపస్తమాంసి చ జ్యోతిష్మన్తం రథమృతస్య తిష్ఠసి |

బృహస్పతే భీమమమిత్రదమ్భనం రక్షోహణం గోత్రభిదం స్వర్విదమ్ ||

 

సునీతిభిర్నయసి త్రాయసే జనం యస్తుభ్యం దాశాన్న తమంహో అస్నవత్ |

బ్రహ్మద్విషస్తపనో మన్యుమీరసి బృహస్పతే మహి తత్తే మహిత్వనమ్ ||

 

న తమంహో న దురితం కుతశ్చన నారాతయస్తితిరుర్న ద్వయావిన |

విశ్వా ఇదస్మాద్ధ్వరసో వి బాధసే యం సుగోపా రక్షసి బ్రహ్మణస్పతే ||

 

త్వం నో గోపాః పథికృద్విచక్షణస్తవ వ్రతాయ మతిభిర్జరామహే |

బృహస్పతే యో నో అభి హ్వరో దధే స్వా తం మర్మర్తు దుచ్ఛునా హరస్వతీ ||

 

ఉత వా యో నో మర్చయాదనాగసో౭రాతీవా మర్త సానుకో వృక |

బృహస్పతే అప తం వర్తయా పథః సుగం నో అస్యై దేవవీతయే కృధి  ||

 

త్రాతారం త్వా తనూనాం హవామహే౭వస్పర్తరధిపక్తారమస్మయుమ్ |

బృహస్పతే దేవనిదో ని బర్హయ మా దురేవా ఉత్తరం సుమ్నమున్నశన్ ||

 

త్వయా వయం సువృధా బ్రహ్మణస్పతే స్పార్హా వసు మనుష్యా దదీమహి |

యా నో దూరే తళితో యా అరాతయో౭భి సన్తి జమ్భయా తా అనప్నస ||

 

త్వయా వయముత్తమం ధీమహే వయో బృహస్పతే పప్రిణా సస్నినా యుజా |

మా నో దుశంసో అభిదిప్సురీశత ప్ర సుశంసా మతిభిస్తారిషీమహి ||

 

అనానుదో వృషభో జగ్మిరాహవం నిష్టప్తా శత్రుం పృతనాసు సాసహిః |

అసి సత్య ఋణయా బ్రహ్మణస్పత ఉగ్రస్య చిద్దమితా వీళుహర్షిణ ||

 

అదేవేన మనసా యో రిషణ్యతి శాసాముగ్రో మన్యమానో జిఘాంసతి |

బృహస్పతే మా ప్రణక్తస్య నో వధో ని కర్మ మన్యుం దురేవస్య శర్ధతః ||

 

భరేషు హవ్యో నమసోపసద్యో గన్తా వాజేషు సనితా ధనంధనమ్ |

విశ్వా ఇదర్యో అభిదిప్స్వో ౩ మృధో బృహస్పతిర్వి వవర్హా రథాం ఇవ ||

 

తేజిష్ఠయా తపనీ రక్షసస్తప యే త్వా నిదే దధిరే దృష్టవీర్యమ్ |

ఆవిస్తత్కృష్వ యదసత్త ఉక్థ్యం ౧ బృహస్పతే వి పరిరాపో అర్దయ ||

 

బృహస్పతే అతి యదర్యో అర్హాద్ద్యుమద్విభాతి క్రతుమజ్జనేషు |

యద్దీదయచ్ఛవస ఋతప్రజాత తదస్మాసు ద్రవిణం ధేహి చిత్రమ్ ||

 

మ న స్తేనేభ్యో యే అభి ద్రుహస్పదే నిరామిణో రిపనో౭స్నేషు జాగృధుః |

ఆ దేవానామోహతే వి ప్రయో హృది బృహస్పతే న పరః సామ్నో విదుః ||

 

విశ్వేభ్యో హి త్వా భువసేభ్యస్పరి త్వష్టాజనత్సామ్నసామ్నః కవిః |

స ఋణచిదృణయా బ్రహ్మణస్పతిర్దుహో హన్తా మహ ఋతస్య ధర్తరి ||

 

తవ శ్రియే వ్యజిహీత పర్వతో గవాం గోత్రముదసృజో యదజ్ఞిరః |

ఇన్ద్రేణ యుజా తమసా పరీవృతం బృహస్పతే నిరపామౌబ్జో అర్ణవమ్ ||

 

బ్రహ్మణస్పతే త్వమస్య యన్తా సూక్తస్య బోధి తనయం చ జిన్వ |

విశ్వం తద్భద్రం యదవన్ని దేవా బృహద్వదేమ విదథే సువీరా ||

 

సేమామవిడ్ఢి ప్రభృతిం య ఈశిషే౭యా విధేమ నవయా మహా గిరా |

యథా నో మీఢ్వాన్త్సవతే సఖా తవ బృహస్పతే సీషధ సోత నో మతిమ్ ||

 

యో నన్త్వాన్యనమన్నోజసోతాదర్దర్మన్యునా శమ్బరాణి వి |

ప్రాచ్యావయదచ్యుతా బ్రహ్మణస్పతిరా చావిశద్వసుమన్తం వి పర్వతమ్ ||

 

తద్దేవానాం దేవతమాయ కర్త్వమశ్రథ్నన్దృళ్హావ్రదన్త వీశితా |

ఉద్గా ఆజదభినద్బ్రహ్మణా వలమగూహత్తమో వ్యచక్షయత్స్ప ||

 

అశ్మాస్యమవతం బ్రహ్మణస్పతిర్మధుదారమభి యమోజసాతృణత్ |

తమేవ విశ్వే పపిరే స్వర్దృశో బహు సాకం సిసిచురుత్సముద్రిణమ్ ||

 

సనా తా కా చిద్భువనా భవీత్వా మాద్భిః శరద్భిర్దురో వరన్త వః |

అయతన్తా చరతో అన్యదన్యదిద్యా చకార వయునా బ్రహ్మణస్పతి ||

 

అభినక్షన్తో అభి యో తమానశుర్నిధిం పణానాం పరమం గుహా హితమ్ |

తే విద్వాంస ప్రతిచక్ష్యానృతా పునర్యత ఉ ఆయన్తదుదీయురావిశమ్ ||

 

ఋతావానః ప్రతిచక్ష్యానృతా పునరాత ఆ తస్థుః కవయో మహస్పథః |

తే బాహుభ్యాం ధమితమగ్నిమశ్మని నకి షో అస్త్యరణో జహుర్హి తమ్ ||

 

ఋతజ్యేన క్షిప్రేణ బ్రహ్మణస్పతిర్యత్ర వష్టి ప్ర తదశ్నోతి ధన్వనా |

తస్య సాధ్వీరిషవో యాభిరస్యతి నృక్షసో దృశయో కర్ణయోనయః ||

 

స సంనయః స వినయః పురోహిత స సుష్టుత స యుధి బ్రహ్మణస్పతి |

చాక్ష్మో యద్వాజం భరతే మతీ ధనాదిత్సూర్యస్తపతి తప్యతుర్వృథా ||

 

విభు ప్రభు ప్రథమం మేహనావతో బృహస్పతే సువిదత్రాణి రాధ్యా |

ఇమా సాతాని వేన్యస్య వాజినో యేన జనా ఉభయే భుఞ్జతే విశః ||

 

యే౭వరే వృజనే విశ్వథా విభుర్మహాము రణ్వః శవసా వవక్షిథ |

స దేవో దేవాన్ప్రతి పప్రథే వృథు విశ్వేదు తా పరిభూర్బ్రహ్మణస్పతి ||

 

విశ్వం సత్యం మఘవానా యువోరిదాపశ్చన ప్ర మినన్తి వ్రతం వామ్ |

అచ్ఛేన్ద్రాబ్రహ్మణస్పతీ హవిర్నో౭న్నం యుజేవ వాజినా జిగాతమ్ ||

 

ఉతాశిష్ఠా అను శృణ్వన్తి వహ్మయః సభేయో విప్రో భరతే మతీ ధనా |

వీళుద్వేషా అను వశ ఋణమాదదిః స హ వాజీ సమిథే బ్రహ్మణస్పతి ||

 

బ్రహ్మణస్పతేరభవద్యథావశం సత్యో మన్యుర్మహి కర్మా కరిష్యతః |

యో గా ఉదాజత్స దివే వి చాభజన్మహీవ రీతిః శవసాసరత్పృథక్ ||

 

బ్రహ్మణస్పతే సుయమస్య విశ్వహా రాయః స్యామ రథ్యో ౩ వయస్వతః |

వీరేషు వీరాం ఉప పృజ్ఞ నస్త్వం యదీశానో బ్రహ్మణా వేషి మే హవమ్ ||

 

బ్రహ్మణస్పతే త్వమస్య యన్తా సుక్తస్య బోధి తనయం చ జిన్వ |

విశ్వం తద్భద్రం యదవన్తి దేవా బృహద్వదేమ విదథే సువీరా ||

 

ఇన్ధానో అగ్నిం వనవద్వనుష్యతః కృతబ్రహ్మా శూశువద్రాతహవ్య ఇత్ |

జాతేన జాతమతి స ప్ర సర్సృతే యంయం యుజం కృణుతే బ్రహ్మణస్పతి ||

 

వీరేభిర్వీరాన్వనవద్వనుష్యతో గోభీ రయిం పప్రథద్బోధతి త్మనా |

తోకం చ తస్య తనయం చ వర్ధతే యంయం యుజం కృణుతే బ్రహ్మణస్పతి ||

 

సిన్ధుర్న క్షోద శిమీవాం ఋఘాయతో వృషేవ వధ్రీంరభి వష్ట్యోజసా |

అగ్నేరివ ప్రసితిర్నాహ వర్తవే యంయం యజం కృణుతే బ్రహ్మణస్పతి ||

 

తస్మా అర్షన్తి దివ్యా అసశ్చత స సత్వభిః ప్రథమో గోషు గచ్ఛతి |

అనిభృష్టతవిషిర్హన్త్యోజసా యంయం యుజం కృణుతే బ్రహ్మణస్పతి ||

 

తస్మా ఇద్విశ్వే ధునయన్త సిన్థవో౭చ్ఛిద్రా శర్మ దధిరే పురూణి |

దేవానాం సుమ్నే సుభగ స ఏధతే యంయం యుజం కృణుతే బ్రహ్మణస్పతి ||

 

ఋజురిచ్ఛంసో వనవద్వనుష్యతో దేవయన్నిదదేవయన్తమభ్యసత్ |

సుప్రావీరిద్వనవత్పృ దుష్టరం యజ్వేదయజ్యోర్వి భజాతి భోజమ్ ||

 

యజస్వ వీర ప్ర విహి మనాయతో భద్రం మన కృణుష్వ వృత్రతూర్యే |

హవిష్కృణుష్వ సుభగో యథాససి బ్రహ్మణస్పతేరవ ఆ వృణీమహే ||

 

స ఇజ్ఞసేన స విశా స జన్మనా స పుత్రైర్వాజం భరతే ధనా నృభి |

దేవానాం య పితరమావివాసతి శ్రద్దామనా హవిషా బ్రహ్మణస్పతిమ్ ||

 

యో అస్మై హప్యైర్ఘృతవద్భిరవిధత్ప్ర తం ప్రాచా నయతి బ్రహ్మణస్పతి |

ఉరుష్యతీమంహసో రక్షతీ రిపోం ౩ ౭ హోశ్చిదస్మా ఉరుచక్రిరద్భుత ||

 

తము జ్యేష్ఠం నమసా హవిర్భి సుశేవం బ్రహ్మణస్పతిం గృణీషే |

ఇన్ద్రం శ్లోకో మహి దైవ్య సిషక్తు యో బ్రహ్మణో దేవకృతస్య రాజా ||

 

ఇయం వాం బ్రహ్మణస్పతే సువృక్తిర్బ్రహే్మన్ద్రాయ వజ్రిణే అకారి |

అవిష్టం ధియో జిగృతం పురం ధీర్జజస్తమర్యో వనుషామరాతీః ||

 

చత్తో ఇతశ్చత్తాముత సర్వా భ్రూణాన్యారుషీ |

అరాయ్యం బ్రహ్మణస్పతే తీక్ణ్రశృణ్గోదృషన్నిహి ||

 

అదే యుద్దారు ప్లవతే సిన్ధో పారే అపూరుషమ్ |

తదా రభస్వ దుర్హణో తేన గచ్ఛ పరస్తరమ్ ||

 

అగ్నిరే్యన విరాజతి సూర్యో యేన విరాజతి |

విరాజ్యేన విరాజతి తేనాస్మాన్ బ్రహ్మణస్పతే విరాజ సమిధం కురు ||

 

యత్ర బాణాః సమ్పతన్తి కుమారా విశిఖా ఇవ |

తత్రానో బ్రహ్మణస్పతిరదితి శర్మ యచ్ఛతు విశ్వాహా శర్మ యచ్ఛతు ||

 

యదిన్ద్ర బ్రహ్మణస్పతే ౭ భిద్రోహం చరామసి |

ప్రచేతా న ఆజ్ఞరసో ద్విషతాం పాత్వంహసః ||

 

అయం మే హస్తో భగవానయం మే భగవత్తరః |

అయం మే విశ్వభేషజో ౭ యం శివాభిమర్శనః ||

 

|| ఓం శాంతిః శాంతిః శాంతిః ||