బ్రహ్మ కృత లక్ష్మీ కవచం brahmma krutha lakshmi kavacham with Telugu lyrics
శ్రీలక్ష్మీకవచమ్ (బ్రహ్మ కృతం)
శుకం ప్రతి బ్రహ్మోవాచ
మహాలక్ష్మ్యాః ప్రవక్ష్యామి కవచం సర్వకామదమ్ ।
సర్వపాపప్రశమనం దుష్టవ్యాధివినాశనమ్ ॥ ౧॥
గ్రహపీడాప్రశమనం గ్రహారిష్టప్రభఞ్జనమ్ ।
దుష్టమృత్యుప్రశమనం దుష్టదారిద్ర్యనాశనమ్ ॥ ౨॥
పుత్రపౌత్రప్రజననం వివాహప్రదమిష్టదమ్ ।
చోరారిహం చ జపతాం అఖిలేప్సితదాయకమ్ ॥ ౩॥
సావధానమనా భూత్వా శ్రుణు త్వం శుక సత్తమ ।
అనేకజన్మసంసిద్ధిలభ్యం ముక్తిఫలప్రదమ్ ॥ ౪॥
ధనధాన్యమహారాజ్యసర్వసౌభాగ్యకల్పకమ్ ।
సకృత్స్మరణమాత్రేణ మహాలక్ష్మీః ప్రసీదతి ॥ ౫॥
క్షీరాబ్ధిమధ్యే పద్మానాం కాననే మణిమణ్టపే ।
తన్మధ్యే సుస్థితాం దేవీం మనీషాజనసేవితామ్ ॥ ౬॥
సుస్నాతాం పుష్పసురభికుటిలాలకబన్ధనామ్ ।
పూర్ణేన్దుబిమ్బవదనాం అర్ధచన్ద్రలలాటికామ్ ॥ ౭॥
ఇన్దీవరేక్షణాం కామకోదణ్డభ్రువమీశ్వరీమ్ ।
తిలప్రసవసంస్పర్ధినాసికాలఙ్కృతాం శ్రియమ్ ॥ ౮॥
కున్దకుడ్మలదన్తాలిం బన్ధూకాధరపల్లవామ్ ।
దర్పణాకారవిమలకపోలద్వితయోజ్జ్వలామ్ ॥ ౯॥
రత్నతాటఙ్కకలితకర్ణద్వితయసున్దరామ్ ।
మాఙ్గల్యాభరణోపేతాం కమ్బుకణ్ఠీం జగత్ప్రియామ్ ॥ ౧౦॥
తారహారిమనోహారికుచకుమ్భవిభూషితామ్ ।
రత్నాఙ్గదాదిలలితకరపద్మచతుష్టయామ్ ॥ ౧౧॥
కమలే చ సుపత్రాఢ్యే హ్యభయం దధతీం వరమ్ ।
రోమరాజికలాచారుభుగ్ననాభితలోదరీమ్ ॥ ౧౨॥
పత్తవస్త్రసముద్భాసిసునితంబాదిలక్షణామ్ ।
కాఞ్చనస్తమ్భవిభ్రాజద్వరజానూరుశోభితామ్ ॥ ౧౩॥
స్మరకాహ్లికాగర్వహారిజంభాం హరిప్రియామ్ ।
కమఠీపృష్ఠసదృశపాదాబ్జాం చన్ద్రసన్నిభామ్ ॥ ౧౪॥
పఙ్కజోదరలావణ్యసున్దరాఙ్ఘ్రితలాం శ్రియమ్ ।
సర్వాభరణసంయుక్తాం సర్వలక్షణలక్షితామ్ ॥ ౧౫॥
పితామహమహాప్రీతాం నిత్యతృప్తాం హరిప్రియామ్ ।
నిత్యం కారుణ్యలలితాం కస్తూరీలేపితాఙ్గికామ్ ॥ ౧౬॥
సర్వమన్త్రమయాం లక్ష్మీం శ్రుతిశాస్త్రస్వరూపిణీమ్ ।
పరబ్రహ్మమయాం దేవీం పద్మనాభకుటుంబినీమ్ ।
ఏవం ధ్యాత్వా మహాలక్ష్మీం పఠేత్ తత్కవచం పరమ్ ॥ ౧౭॥
ధ్యానమ్ ।
ఏకం న్యంచ్యనతిక్షమం మమపరం చాకుంచ్యపదాంబుజం
మధ్యే విష్టరపుణ్డరీకమభయం విన్యస్తహస్తామ్బుజమ్ ।
త్వాం పశ్యేమ నిషేదుషీమనుకలంకారుణ్యకూలంకష-
స్ఫారాపాఙ్గతరఙ్గమమ్బ మధురం ముగ్ధం ముఖం బిభ్రతీమ్ ॥ ౧౮॥
అథ కవచమ్ ।
మహాలక్ష్మీః శిరః పాతు లలాటం మమ పఙ్కజా ।
కర్ణే రక్షేద్రమా పాతు నయనే నలినాలయా ॥ ౧౯॥
నాసికామవతాదంబా వాచం వాగ్రూపిణీ మమ ।
దన్తానవతు జిహ్వాం శ్రీరధరోష్ఠం హరిప్రియా ॥ ౨౦॥
చుబుకం పాతు వరదా గలం గన్ధర్వసేవితా ।
వక్షః కుక్షిం కరౌ పాయూం పృష్ఠమవ్యాద్రమా స్వయమ్ ॥ ౨౧॥
కటిమూరుద్వయం జాను జఘం పాతు రమా మమ ।
సర్వాఙ్గమిన్ద్రియం ప్రాణాన్ పాయాదాయాసహారిణీ ॥ ౨౨॥
సప్తధాతూన్ స్వయం చాపి రక్తం శుక్రం మనో మమ ।
జ్ఞానం బుద్ధిం మహోత్సాహం సర్వం మే పాతు పఙ్కజా ॥ ౨౩॥
మయా కృతం చ యత్కిఞ్చిత్తత్సర్వం పాతు సేన్దిరా ।
మమాయురవతాత్ లక్ష్మీః భార్యాం పుత్రాంశ్చ పుత్రికా ॥ ౨౪॥
మిత్రాణి పాతు సతతమఖిలాని హరిప్రియా ।
పాతకం నాశయేత్ లక్ష్మీః మహారిష్టం హరేద్రమా ॥ ౨౫॥
మమారినాశనార్థాయ మాయామృత్యుం జయేద్బలమ్ ।
సర్వాభీష్టం తు మే దద్యాత్ పాతు మాం కమలాలయా॥ ౨౬॥
ఫలశ్రుతిః ।
య ఇదం కవచం దివ్యం రమాత్మా ప్రయతః పఠేత్ ।
సర్వసిద్ధిమవాప్నోతి సర్వరక్షాం తు శాశ్వతీమ్ ॥ ౨౭॥
దీర్ఘాయుష్మాన్ భవేన్నిత్యం సర్వసౌభాగ్యకల్పకమ్ ।
సర్వజ్ఞః సర్వదర్శీ చ సుఖదశ్చ శుభోజ్జ్వలః ॥ ౨౮॥
సుపుత్రో గోపతిః శ్రీమాన్ భవిష్యతి న సంశయః ।
తద్గృహే న భవేద్బ్రహ్మన్ దారిద్ర్యదురితాదికమ్ ॥ ౨౯॥
నాగ్నినా దహ్యతే గేహం న చోరాద్యైశ్చ పీడ్యతే ।
భూతప్రేతపిశాచాద్యాః సంత్రస్తా యాన్తి దూరతః ॥ ౩౦॥
లిఖిత్వా స్థాపయేద్యత్ర తత్ర సిద్ధిర్భవేత్ ధ్రువమ్ ।
నాపమృత్యుమవాప్నోతి దేహాన్తే ముక్తిభాగ్భవేత్ ॥ ౩౧॥
ఆయుష్యం పౌష్టికం మేధ్యం ధాన్యం దుఃస్వప్ననాశనమ్ ।
ప్రజాకరం పవిత్రం చ దుర్భిక్షర్తివినాశనమ్ ॥ ౩౨॥
చిత్తప్రసాదజననం మహామృత్యుప్రశాన్తిదమ్ ।
మహారోగజ్వరహరం బ్రహ్మహత్యాదిశోధనమ్ ॥ ౩౩॥
మహాధనప్రదం చైవ పఠితవ్యం సుఖార్థిభిః ।
ధనార్థీ ధనమాప్నోతి వివహార్థీ లభేద్వధూమ్ ॥ ౩౪॥
విద్యార్థీ లభతే విద్యాం పుత్రార్థీ గుణవత్సుతమ్ ।
రాజ్యార్థీ రాజ్యమాప్నోతి సత్యముక్తం మయా శుక ॥ ౩౫॥
ఏతద్దేవ్యాఃప్రసాదేన శుకః కవచమాప్తవాన్ ।
కవచానుగ్రహేణైవ సర్వాన్ కామానవాప సః ॥ ౩౬॥
ఇతి లక్ష్మీకవచం బ్రహ్మస్తోత్రం సమాప్తమ్ ।
Comments
Post a Comment