చంద్ర అష్టవిశంతి నామ స్తోత్రం Chandra astavisanthi nama stotram

చంద్ర అష్టవిశంతి నామ స్తోత్రం

 శ్రీగణేశాయ నమః ।

అస్య శ్రీచన్ద్రాష్టావింశతినామస్తోత్రస్య గౌతమ ఋషిః,

సోమో దేవతా, విరాట్ ఛన్దః, చన్ద్రప్రీత్యర్థే జపే వినియోగః ॥

చన్ద్రస్య శృణు నామాని శుభదాని మహీపతే ।

యాని శ్రుత్వా నరో దుఃఖాన్ముచ్యతే నాత్ర సంశయః ॥ ౧॥

సుధాకరశ్చ సోమశ్చ గ్లౌరబ్జః కుముదప్రియః ।

లోకప్రియః శుభ్రభానుశ్చన్ద్రమా రోహిణీపతిః ॥ ౨॥

శశీ హిమకరో రాజా ద్విజరాజో నిశాకరః ।

ఆత్రేయ ఇన్దుః శీతాంశురోషధీశః కలానిధిః ॥ ౩॥

జైవాతృకో రమాభ్రాతా క్షీరోదార్ణవసమ్భవః ।

నక్షత్రనాయకః శమ్భుశిరశ్చూడామణిర్విభుః ॥ ౪॥

తాపహర్తా నభోదీపో నామాన్యేతాని యః పఠేత్ ।

ప్రత్యహం భక్తిసంయుక్తస్తస్య పీడా వినశ్యతి ॥ ౫॥

తద్దినే చ పఠేద్యస్తు లభేత్సర్వం సమీహితమ్ ।

గ్రహాదీనాం చ సర్వేషాం భవేచ్చన్ద్రబలం సదా ॥ ౬॥

॥ ఇతి శ్రీచన్ద్రాష్టావింశతినామస్తోత్రం సమ్పూర్ణమ్ ॥

All copyrights reserved 2012 digital media act