చంద్ర కవచం Chandra kavacham

చంద్ర కవచం

 శ్రీగణేశాయ నమః ।

అస్య శ్రీచన్ద్రకవచస్తోత్రమన్త్రస్య గౌతమ్ ఋషిః ।

అనుష్టుప్ ఛన్దః, శ్రీచన్ద్రో దేవతా, చన్ద్రప్రీత్యర్థం జపే వినియోగః ।

సమం చతుర్భుజం వన్దే కేయూరముకుటోజ్జ్వలమ్ ।

వాసుదేవస్య నయనం శఙ్కరస్య చ భూషణమ్ ॥ ౧॥

ఏవం ధ్యాత్వా జపేన్నిత్యం శశినః కవచం శుభమ్ ।

శశీ పాతు శిరోదేశం భాలం పాతు కలానిధిః ॥ ౨॥

చక్షుషీ చన్ద్రమాః పాతు శ్రుతీ పాతు నిశాపతిః ।

ప్రాణం క్షపాకరః పాతు ముఖం కుముదబాన్ధవః ॥ ౩॥

పాతు కణ్ఠం చ మే సోమః స్కన్ధే జైవాతృకస్తథా ।

కరౌ సుధాకరః పాతు వక్షః పాతు నిశాకరః ॥ ౪॥

హృదయం పాతు మే చన్ద్రో నాభిం శఙ్కరభూషణః ।

మధ్యం పాతు సురశ్రేష్ఠః కటిం పాతు సుధాకరః ॥ ౫॥

ఊరూ తారాపతిః పాతు మృగాఙ్కో జానునీ సదా ।

అబ్ధిజః పాతు మే జఙ్ఘే పాతు పాదౌ విధుః సదా ॥ ౬॥

సర్వాణ్యన్యాని చాఙ్గాని పాతు చన్దూఽఖిలం వపుః ।

ఏతద్ధి కవచం దివ్యం భుక్తిముక్తిప్రదాయకమ్ ।

యః పఠేచ్ఛృణుయాద్వాపి సర్వత్ర విజయీ భవేత్ ॥ ౭॥

॥ ఇతి శ్రీచన్ద్రకవచం సమ్పూర్ణమ్ ॥

All copyrights reserved 2012 digital media act