దశమహవిద్యా కవచం dasamahavidya kavacham

దశమహవిద్యా కవచం

వినియోగః 

ఓం అస్య శ్రీమహావిద్యాకవచస్య శ్రీసదాశివ ఋషిః ఉష్ణిక్ ఛన్దః
శ్రీమహావిద్యా దేవతా సర్వసిద్ధీప్రాప్త్యర్థే పాఠే వినియోగః ।

ఋష్యాది న్యాసః  

శ్రీసదాశివఋషయే నమః శిరసీ ఉష్ణిక్ ఛన్దసే నమః ముఖే
శ్రీమహావిద్యాదేవతాయై నమః హృది సర్వసిద్ధిప్రాప్త్యర్థే
పాఠే వినియోగాయ నమః సర్వాఙ్గే ।

మానసపుజనమ్  

ఓం పృథ్వీతత్త్వాత్మకం గన్ధం శ్రీమహావిద్యాప్రీత్యర్థే సమర్పయామి నమః ।
ఓం హం ఆకాశతత్త్వాత్మకం పుష్పం శ్రీమహావిద్యాప్రీత్యర్థే సమర్పయామి నమః ।
ఓం యం వాయుతత్త్వాత్మకం ధూపం శ్రీమహావిద్యాప్రీత్యర్థే ఆఘ్రాపయామి నమః ।
ఓం రం అగ్నితత్త్వాత్మకం దీపం శ్రీమహావిద్యాప్రీత్యర్థే దర్శయామి నమః ।
ఓం వం జలతత్త్వాత్మకం నైవేద్యం శ్రీమహావిద్యాప్రీత్యర్థే నివేదయామి నమః ।
ఓం సం సర్వతత్త్వాత్మకం తామ్బూలం శ్రీమహావిద్యాప్రీత్యర్థే నివేదయామి నమః।

అథ శ్రీమహావిద్యాకవచమ్

ఓం ప్రాచ్యాం రక్షతు మే తారా కామరూపనివాసినీ । 
ఆగ్నేయ్యాం షోడశీ పాతు యామ్యాం ధూమావతీ స్వయమ్ ॥ ౧॥

నైరృత్యాం భైరవీ పాతు వారుణ్యాం భువనేశ్వరీ । 
వాయవ్యాం సతతం పాతు ఛిన్నమస్తా మహేశ్వరీ ॥ ౨॥

కౌబేర్యాం పాతు మే దేవీ శ్రీవిద్యా బగలాముఖీ ।
ఐశాన్యాం పాతు మే నిత్యం మహాత్రిపురసున్దరీ ॥ ౩॥

ఊర్ధ్వం రక్షతు మే విద్యా మాతఙ్గీపీఠవాసినీ ।
సర్వతః పాతు మే నిత్యం కామాఖ్యా కాలికా స్వయమ్ ॥ ౪॥

బ్రహ్మరూపా మహావిద్యా సర్వవిద్యామయీ స్వయమ్ ।
శీర్షే రక్షతు మే దుర్గా భాలం శ్రీభవగేహినీ ॥ ౫॥

త్రిపురా భ్రుయుగే పాతు శర్వాణీ పాతు నాసికామ్ ।
చక్షుషీ చణ్డికా పాతు శ్రోత్రే నిలసరస్వతీ ॥ ౬॥

ముఖం సౌమ్యముఖీ పాతు గ్రీవాం రక్షతు పార్వతీ ।
జిహ్వాం రక్షతు మే దేవీ జిహ్వాలలనభీషణా ॥ ౭॥

వాగ్దేవీ వదనం పాతు వక్షః పాతు మహేశ్వరీ ।
బాహూ మహాభుజా పాతు కరాఙ్గులీః సురేశ్వరీ ॥ ౮॥

పృష్ఠతః పాతు భీమాస్యా కట్యాం దేవీ దిగమ్బరీ ।
ఉదరం పాతు మే నిత్యం మహావిద్యా మహోదరీ ॥ ౯॥

ఉగ్రతారా మహాదేవీ జఙ్ఘోరూ పరిరక్షతు ।  ??  ఉగ్రాతారా
గుదం ముష్కం చ మేఢ్రం చ నాభిం చ సురసున్దరీ ॥ ౧౦॥

పాదాఙ్గులీః సదా పాతు భవానీ త్రిదశేశ్వరీ ।
రక్తమాంసాస్థిమజ్జాదీన్ పాతు దేవీ శవాసనా ॥ ౧౧॥

మహాభయేషు ఘోరేషు మహాభయనివారిణీ ।
పాతు దేవీ మహామాయా కామాఖ్యాపీఠవాసినీ ॥ ౧౨॥

భస్మాచలగతా దివ్యసింహాసనకృతాశ్రయా ।
పాతు శ్రీకాలికాదేవీ సర్వోత్పాతేషు సర్వదా ॥ ౧౩॥

రక్షాహీనం తు యత్స్థానం కవచేనాపి వర్జితమ్ ।
తత్సర్వం సర్వదా పాతు సర్వరక్షణకారిణీ ॥ ౧౪॥

All copyrights reserved 2012 digital media act