దీపలక్ష్మీ స్తవం deepa lakshmi stavam
దీపలక్ష్మీస్తవమ్
అన్తర్గృహే హేమసువేదికాయాం సమ్మార్జనాలేపనకర్మ కృత్వా ।
విధానధూపాతులపఞ్చవర్ణం చూర్ణప్రయుక్తాద్భుతరఙ్గవల్యామ్ ॥
అగాధసమ్పూర్ణసరస్సమానే, గోసర్పిషాఽఽపూరితమధ్యదేశే ।
మృణాలతన్తుకృతవర్త్తియుక్తే పుష్పావతంసే తిలకాభిరామే ॥
పరిష్కృతస్థాపితరత్నదీపే జ్యోతిర్మయీం ప్రజ్జ్వలయామి దేవీమ్ ।
నమామ్యహం మత్కులవృద్ధిదాత్రీం, సౌదాది సర్వాఙ్గణశోభమానామ్ ॥
భో దీపలక్ష్మి ప్రథితం యశో మే ప్రదేహి మాఙ్గల్యమమోఘశీలే ।
భర్తృప్రియాం ధర్మవిశిష్టశీలాం, కురుష్వ కల్యాణ్యనుకమ్పయా మామ్ ॥
యాన్తర్బహిశ్చాపి తమోఽపహన్త్రీ, సన్ధ్యాముఖారాధితపాదపద్మా ।
త్రయీసముద్ఘోషితవైభవా సా, హ్యనన్యకామే హృదయే విభాతు ॥
భో దీప బ్రహ్మరూపస్త్వం జ్యోతిషాం ప్రభురవ్యయః ।
ఆరోగ్యం దేహి పుత్రాంశ్చ అవైధవ్యం ప్రయచ్ఛ మే ॥
సన్ధ్యాదీపస్తవమిదం నిత్యం నారీ పఠేత్తు యా ।
సర్వసౌభాగ్యయుక్తా స్యాల్లక్ష్మ్యనుగ్రహతస్సదా ॥
శరీరారోగ్యమైశ్వర్యమరిపక్షక్షయస్సుఖమ్ ।
దేవి త్వద్దృష్టిదృష్టానాం పురుషాణాం న దుర్లభమ్ ॥
ఇతి దీపలక్ష్మీ స్తవం సమ్పూర్ణమ్ ।
Comments
Post a Comment