దేవీ ఖడ్గమాలా స్తోత్రం (వామకేశ్వర తంత్రే) Devi khadgamala stotram

దేవీ ఖడ్గమాలా స్తోత్రం (వామకేశ్వర తంత్రే)

ప్రార్థనా

హ్రీఙ్కారాననగర్భితానలశిఖాం సౌః క్లీఙ్కలాం బిభ్రతీం

     సౌవర్ణామ్బరధారిణీం వరసుధాధౌతాం త్రినేత్రోజ్జ్వలామ్ ।

వన్దే పుస్తకపాశమఙ్కుశధరాం స్రగ్భూషితాముజ్జ్వలాం

     త్వాం గౌరీం త్రిపురాం పరాత్పరకలాం శ్రీచక్రసఞ్చారిణీమ్ ॥

అస్య శ్రీశుద్ధశక్తిమాలామహామన్త్రస్య, ఉపస్థేన్ద్రియాధిష్ఠాయీ

వరుణాదిత్య ఋషిః దేవీ గాయత్రీ ఛన్దః సాత్విక

కకారభట్టారకపీఠస్థిత కామేశ్వరాఙ్కనిలయా మహాకామేశ్వరీ శ్రీ

లలితా భట్టారికా దేవతా, ఐం బీజం క్లీం శక్తిః, సౌః కీలకం మమ

ఖడ్గసిద్ధ్యర్థే సర్వాభీష్టసిద్ధ్యర్థే జపే వినియోగః, మూలమన్త్రేణ

షడఙ్గన్యాసం కుర్యాత్ ॥

             ధ్యానమ్

తాదృశం ఖడ్గమాప్నోతి యేన హస్తస్థితేనవై

అష్టాదశమహాద్వీపసమ్రాడ్భోక్తాభవిష్యతి

ఆరక్తాభాంత్రినేత్రామరుణిమవసనాం రత్నతాటఙ్కరమ్యాం

     హస్తామ్భోజైస్సపాశాఙ్కుశమదనధనుస్సాయకైర్విస్ఫురన్తీమ్ ।

ఆపీనోత్తుఙ్గవక్షో రుహకలశలుఠత్తారహారోజ్జ్వలాఙ్గీం

     ధ్యాయేదమ్భోరుహస్థామరుణిమవసనామీశ్వరీమీశ్వరాణామ్ ॥

లమిత్యాదిపఞ్చ పూజాం కుర్యాత్, యథాశక్తి మూలమన్త్రం జపేత్ ।

లం - పృథివీతత్త్వాత్మికాయై శ్రీలలితాత్రిపురసున్దరీ పరాభట్టారికాయై

          గన్ధం పరికల్పయామి - నమః

హం - ఆకాశతత్త్వాత్మికాయై శ్రీలలితాత్రిపురసున్దరీ పరాభట్టారికాయై పుష్పం

          పరికల్పయామి - నమః

యం - వాయుతత్త్వాత్మికాయై శ్రీలలితాత్రిపురసున్దరీ పరాభట్టారికాయై ధూపం

          పరికల్పయామి - నమః

రం - తేజస్తత్త్వాత్మికాయై శ్రీలలితాత్రిపురసున్దరీ పరాభట్టారికాయై దీపం

          పరికల్పయామి - నమః

వం - అమృతతత్త్వాత్మికాయై శ్రీలలితాత్రిపురసున్దరీ పరాభట్టారికాయై

          అమృతనైవేద్యం పరికల్పయామి - నమః

సం - సర్వతత్త్వాత్మికాయై శ్రీలలితాత్రిపురసున్దరీ పరాభట్టారికాయై

          తామ్బూలాదిసర్వోపచారాన్ పరికల్పయామి - నమః

శ్రీదేవీ సమ్బోధనం - ౧

ఓం ఐం హ్రీం శ్రీం ఐం క్లీం సౌః ఓం నమస్త్రిపురసున్దరి,

న్యాసాఙ్గదేవతాః -౬

హృదయదేవి, శిరోదేవి, శిఖాదేవి, కవచదేవి, నేత్రదేవి,

అస్త్రదేవి, 

తిథినిత్యాదేవతాః -౧౬

కామేశ్వరి, భగమాలిని, నిత్యక్లిన్నే, భేరుణ్డే, వహ్నివాసిని,

మహావజ్రేశ్వరి, శివదూతి, త్వరితే, కులసున్దరి, నిత్యే,

నీలపతాకే, విజయే, సర్వమఙ్గలే, జ్వాలామాలిని, చిత్రే,

మహానిత్యే,

దివ్యౌఘగురవః -౭

పరమేశ్వరపరమేశ్వరి, మిత్రేశమయి, షష్ఠీశమయి, ఉడ్డీశమయి, 

చర్యానాథమయి, లోపాముద్రామయి, అగస్త్యమయి,

సిద్ధౌఘగురవః -౪

కాలతాపశమయి, ధర్మాచార్యమయి, ముక్తకేశీశ్వరమయి, దీపకలానాథమయి,

మానవౌఘగురవః -౮

విష్ణుదేవమయి, ప్రభాకరదేవమయి, తేజోదేవమయి, మనోజదేవమయి,

కల్యాణదేవమయి, వాసుదేవమయి, రత్నదేవమయి, శ్రీరామానన్దమయి,

శ్రీచక్ర ప్రథమావరణదేవతాః -౩౨

అణిమాసిద్ధే, లఘిమాసిద్ధే, గరిమాసిద్ధే, మహిమాసిద్ధే,

ఈశిత్వసిద్ధే, వశిత్వసిద్ధే, ప్రాకామ్యసిద్ధే, భుక్తిసిద్ధే,

ఇచ్ఛాసిద్ధే, ప్రాప్తిసిద్ధే, సర్వకామసిద్ధే, బ్రాహ్మి,

మాహేశ్వరి, కౌమారి, వైష్ణవి, వారాహి, మాహేన్ద్రి, చాముణ్డే,

మహాలక్ష్మి, సర్వసఙ్క్షోభిణి, సర్వవిద్రావిణి, సర్వాకర్షిణి,

సర్వవశఙ్కరి, సర్వోన్మాదిని, సర్వమహాఙ్కుశే, సర్వఖేచరి,

సర్వబీజే, సర్వయోనే, సర్వత్రిఖణ్డే, త్రైలోక్యమోహన

చక్రస్వామిని, ప్రకటయోగిని,

శ్రీచక్ర ద్వితీయావరణదేవతాః -౧౮

కామాకర్షిణి, బుద్ధ్యాకర్షిణి, అహంకారాకర్షిణి, శబ్దాకర్షిణి,

స్పర్శాకర్షిణి, రూపాకర్షిణి, రసాకర్షిణి, గన్ధాకర్షిణి,

చిత్తాకర్షిణి, ధైర్యాకర్షిణి, స్మృత్యాకర్షిణి, నామాకర్షిణి,

బీజాకర్షిణి, ఆత్మాకర్షిణి, అమృతాకర్షిణి, శరీరాకర్షిణి,

సర్వాశాపరిపూరకచక్రస్వామిని, గుప్తయోగిని,

శ్రీచక్ర తృతీయావరణదేవతాః -౧౦

అనఙ్గకుసుమే, అనఙ్గమేఖలే, అనఙ్గమదనే, అనఙ్గమదనాతురే,

అనఙ్గరేఖే, అనఙ్గవేగిని, అనఙ్గాఙ్కుశే, అనఙ్గమాలిని,

సర్వసఙ్క్షోభణచక్రస్వామిని, గుప్తతరయోగిని,

శ్రీచక్ర చతుర్థావరణదేవతాః -౧౬

సర్వసఙ్క్షోభిణి, సర్వవిద్రావిని, సర్వాకర్షిణి,

సర్వహ్లాదిని, సర్వసమ్మోహిని, సర్వస్తమ్భిని, సర్వజృమ్భిణి,

సర్వవశఙ్కరి, సర్వరఞ్జని, సర్వోన్మాదిని, సర్వార్థసాధికే,

సర్వసమ్పత్తిపూరిణి, సర్వమన్త్రమయి, సర్వద్వన్ద్వక్షయఙ్కరి,

సర్వసౌభాగ్యదాయకచక్రస్వామిని, సమ్ప్రదాయయోగిని,

శ్రీచక్ర పఞ్చమావరణదేవతాః -౧౨

సర్వసిద్ధిప్రదే, సర్వసమ్పత్ప్రదే, సర్వప్రియఙ్కరి,

సర్వమఙ్గలకారిణి, సర్వకామప్రదే, సర్వదుఃఖవిమోచని,

సర్వమృత్యుప్రశమని, సర్వవిఘ్ననివారిణి, సర్వాఙ్గసున్దరి,

సర్వసౌభాగ్యదాయిని, సర్వార్థసాధకచక్రస్వామిని,

కులోత్తీర్ణయోగిని,

శ్రీచక్ర షష్ఠావరణదేవతాః -౧౨

సర్వజ్ఞే, సర్వశక్తే, సర్వైశ్వర్యప్రదాయిని, సర్వజ్ఞానమయి,

సర్వవ్యాధివినాశిని, సర్వాధారస్వరూపే, సర్వపాపహరే,

సర్వానన్దమయీ, సర్వరక్షాస్వరూపిణి, సర్వేప్సితఫలప్రదే,

సర్వరక్షాకరచక్రస్వామిని, నిగర్భయోగిని,

శ్రీచక్ర సప్తమావరణదేవతాః -౧౦

వశిని, కామేశ్వరి, మోదిని, విమలే, అరుణే, జయిని,

సర్వేశ్వరి, కౌలిని, సర్వరోగహరచక్రస్వామిని,

రహస్యయోగిని,

శ్రీచక్ర అష్టమావరణదేవతాః -౯

బాణిని, చాపిని, పాశిని, అఙ్కుశిని, మహాకామేశ్వరి,

మహావజ్రేశ్వరి, మహాభగమాలిని, సర్వసిద్ధిప్రదచక్రస్వామిని,

అతిరహస్యయోగిని,

శ్రీచక్ర నవమావరణదేవతాః -౩

శ్రీ శ్రీమహాభట్టారికే, సర్వానన్దమయచక్రస్వామిని,

పరాపరాతిరహస్యయోగిని,

నవచక్రేశ్వరీ నామాని -౯

త్రిపురే, త్రిపురేశి, త్రిపురసున్దరి, త్రిపురవాసిని,

త్రిపురాశ్రీః, త్రిపురమాలిని, త్రిపురాసిద్ధే, త్రిపురామ్బ,

మహాత్రిపురసున్దరి,

శ్రీదేవీ విశేషణాని - నమస్కారనవాక్షరీచ -౯

మహామహేశ్వరి, మహామహారాజ్ఞి, మహామహాశక్తే, మహామహాగుప్తే,

మహామహాజ్ఞప్తే, మహామహానన్దే, మహామహాస్కన్ధే, మహామహాశయే,

మహామహా శ్రీచక్రనగరసామ్రాజ్ఞి, నమస్తే నమస్తే నమస్తే నమః ।

ఫలశ్రుతిః

ఏషా విద్యా మహాసిద్ధిదాయినీ స్మృతిమాత్రతః ।

అగ్నివాతమహాక్షోభే రాజారాష్ట్రస్య విప్లవే ॥

లుణ్ఠనే తస్కరభయే సఙ్గ్రామే సలిలప్లవే ।

సముద్రయానవిక్షోభే భూతప్రేతాదికే భయే ॥

అపస్మారజ్వరవ్యాధిమృత్యుక్షామాదిజే భయే ।

శాకినీ పూతనాయక్షరక్షఃకూష్మాణ్డజే భయే ॥

మిత్రభేదే గ్రహభయే వ్యసనేష్వాభిచారికే ।

అన్యేష్వపి చ దోషేషు మాలామన్త్రం స్మరేన్నరః ॥

సర్వోపద్రవనిర్ముక్తస్సాక్షాచ్ఛివమయోభవేత్ ।

ఆపత్కాలే నిత్యపూజాం విస్తారాత్కర్తుమారభేత్ ॥

ఏకవారం జపధ్యానం సర్వపూజాఫలం లభేత్ ।

నవావర్ణదేవీనాం లలితాయా మహౌజసః ॥

ఏకత్ర గణనారూపో వేదవేదాఙ్గగోచరః ।

సర్వాగమరహస్యార్థః స్మరణాత్పాపనాశినీ ॥

లలితాయా మహేశాన్యా మాలా విద్యా మహీయసి ।

నరవశ్యం నరేన్ద్రాణాం వశ్యం నారీవశఙ్కరమ్ ॥

అణిమాదిగుణైశ్వర్యం రఞ్జనం పాపభఞ్జనమ్ ।

తత్తదావరణస్థాయి దేవతావృన్దమన్త్రకమ్ ॥

మాలామన్త్రం పరం గుహ్యాం పరం ధామప్రకీర్తితమ్ ।

శక్తిమాలా పఞ్చధా స్యాచ్ఛివమాలా చ తాదృశీ ॥

తస్మాద్గోప్యతరాద్గోప్యం రహస్యం భుక్తిముక్తిదమ్ ॥

ఇతి శ్రీవామకేశ్వరతన్త్రే ఉమామహేశ్వరసంవాదే

దేవీఖడ్గమాలాస్తోత్రరత్నం సమాప్తమ్ ।

All copyrights reserved 2012 digital media act