దేవీ పంచరత్న స్తోత్రం (శంకరాచార్య కృతం) Devi pancha ratna stotram

దేవీ పంచరత్న స్తోత్రం (శంకరాచార్య కృతం)

 ప్రాతః స్మరామి లలితా వదనారవిన్దం

     బిమ్బాధరం పృథల-మౌక్తిక శోభినాసమ్ ।

ఆకర్ణ-దీర్ఘ-నయనం మణికుణ్డలాఢ్యం

     మన్దస్మితం మృగమదోజ్జ్వల-ఫాల-దేశమ్ ॥ ౧॥

ప్రాతర్భజామి లలితా-భుజ-కల్పవల్లీం

     రత్నాంగుళీయ-లసదంగుళి-పల్లవాఢ్యామ్ ।

మాణిక్య-హేమ-వలయాంగద-శోభమానాం

     పుండ్రేక్షు-చాప-కుసుమేషు-సృణీం దధానామ్ ॥ ౨॥

ప్రాతర్నమామి లలితా-చరణారవిన్దం

     భక్తేష్ట-దాన-నిరతం భవసిన్ధు-పోతమ్ ।

పద్మాసనాది-సురనాయక-పూజనీయం

     పద్మాంకుశ-ధ్వజ-సుదర్శన-లాఞ్చనాఢ్యమ్ ॥ ౩॥

ప్రాతస్తువే పరశివాం లలితాం భవానీం

     త్రయ్యన్త-వేద్య-విభవాం కరుణానవద్యామ్ ।

విశ్వస్య సృష్టి-విలయ-స్థితి-హేతు-భూతాం

     విశ్వేశ్వరీం నిగమవాఙ్మనసాతిదూరామ్ ॥ ౪॥

ప్రాతర్వదామి లలితే తవ పుణ్యనామ

     కామేశ్వరీతి కమలేతి మహేశ్వరీతి ।

శ్రీ శాంభవీతి జగతామ్ జననీ పరేతి

     వాగ్దేవతేతి వచసా త్రిపురేశ్వరీతి ॥ ౫॥

యః శ్లోకపఞ్చకమిదం లలితామ్బికాయాః

     సౌభాగ్యదం సులలితం పఠతి ప్రభాతే ।

తస్మై దదాతి లలితా ఝడితి ప్రసన్నా

     విద్యాం శ్రియం విమలసౌఖ్యమనన్తకీర్తిమ్ ॥ ౬॥

॥ ఇతి శ్రీమచ్ఛఙ్కరభగవతః కృతౌ దేవీపఞ్చరత్నం సంపూర్ణమ్ ॥

All copyrights reserved 2012 digital media act