ధర్మరాజు కృత కామేశ్వరీ స్తొత్రం (మహ భాగవత పురాణాంతర్గత) dharma Raju krutha kameshwari stotram Telugu

ధర్మరాజు కృత కామేశ్వరీ స్తొత్రం (మహ భాగవత పురాణాంతర్గత)

యుధిష్ఠిర ఉవాచ -

నమస్తే పరమేశాని బ్రహ్మరూపే సనాతని ।

సురాసురజగద్వన్ద్యే కామేశ్వరి నమోఽస్తు తే ॥ ౧॥

న తే ప్రభావం జానన్తి బ్రహ్మాద్యాస్త్రిదశేశ్వరాః ।

ప్రసీద జగతామాద్యే కామేశ్వరి నమోఽస్తు తే ॥ ౨॥

అనాదిపరమా విద్యా దేహినాం దేహధారిణీ ।

త్వమేవాసి జగద్వన్ద్యే కామేశ్వరి నమోఽస్తు తే ॥ ౩॥

త్వం బీజం సర్వభూతానాం త్వం బుద్ధిశ్చేతనా ధృతిః ।

త్వం ప్రబోధశ్చ నిద్రా చ కామేశ్వరి నమోఽస్తు తే ॥ ౪॥

త్వామారాధ్య మహేశోఽపి కృతకృత్యం హి మన్యతే ।

ఆత్మానం పరమాత్మాఽపి కామేశ్వరి నమోఽస్తు తే ॥ ౫॥

దుర్వృత్తవృత్తసంహర్త్రి పాపపుణ్యఫలప్రదే ।

లోకానాం తాపసంహర్త్రి కామేశ్వరి నమోఽస్తు తే ॥ ౬॥

త్వమేకా సర్వలోకానాం సృష్టిస్థిత్యన్తకారిణీ ।

కరాలవదనే కాలి కామేశ్వరి నమోఽస్తు తే ॥ ౭॥

ప్రపన్నార్తిహరే మాతః సుప్రసన్నముఖామ్బుజే ।

ప్రసీద పరమే పూర్ణే కామేశ్వరి నమోఽస్తు తే ॥ ౮॥

త్వామాశ్రయన్తి యే భక్త్యా యాన్తి చాశ్రయతాం తు తే ।

జగతాం త్రిజగద్ధాత్రి కామేశ్వరి నమోఽస్తు తే ॥ ౯॥

శుద్ధజ్ఞానమయే పూర్ణే ప్రకృతిః సృష్టిభావినీ ।

త్వమేవ మాతర్విశ్వేశి కామేశ్వరి నమోఽస్తు తే ॥ ౧౦॥

ఇతి శ్రీమహాభాగవతే మహాపురాణే యుధిష్ఠిరకృతా కామేశ్వరీస్తుతిః సమ్పూర్ణా

All copyrights reserved 2012 digital media act