దుర్గా సూక్తం Durga suktam with Telugu lyrics
దుర్గాసూక్తమ్
॥ అథ దుర్గా సూక్తమ్ ॥
ఓం జాతవేదసే సునవామ సోమ మరాతీయతో నిదహాతి వేదః ।
స నః పర్షదతి దుర్గాణి విశ్వా నావేవ సిన్ధుం దురితాఽత్యగ్నిః ॥ ౧॥
తామగ్నివర్ణాం తపసా జ్వలన్తీం వైరోచనీం
కర్మఫలేషు జుష్టామ్ । దుర్గాం దేవీꣳ శరణమహం
ప్రపద్యే సుతరసి తరసే నమః ॥ ౨॥
అగ్నే త్వం పారయా నవ్యో అస్మాన్థ్స్వస్తిభిరతి దుర్గాణి విశ్వా ।
పూశ్చ పృథ్వీ బహులా న ఉర్వీ భవా తోకాయ తనయాయ శంయోః ॥ ౩॥
విశ్వాని నో దుర్గహా జాతవేదః సిన్ధున్న నావా దురితాఽతిపర్షి ।
అగ్నే అత్రివన్మనసా గృణానోఽస్మాకం బోధ్యవితా తనూనామ్ ॥ ౪॥
పృతనా జితꣳ సహమానముగ్రమగ్నిꣳ హువేమ పరమాథ్సధస్థాత్ ।
స నః పర్షదతి దుర్గాణి విశ్వా క్షామద్దేవో అతి దురితాత్యగ్నిః ॥ ౫॥
ప్రత్నోషి కమీడ్యో అధ్వరేషు సనాచ్చ హోతా నవ్యశ్చ సథ్సి ।
స్వాఞ్చాగ్నే తనువం పిప్రయస్వాస్మభ్యం చ సౌభగమాయజస్వ ॥ ౬॥
గోభిర్జుష్టమయుజో నిషిక్తన్తవేన్ద్ర విష్ణోరనుసంచరేమ ।
నాకస్య పృష్ఠమభి సంవసానో వైష్ణవీం లోక ఇహ మాదయన్తామ్ ॥ ౭॥
ఓం కాత్యాయనాయ విద్మహే కన్యకుమారి ధీమహి । తన్నో దుర్గిః ప్రచోదయాత్ ॥
॥ ఇతి దుర్గా సూక్తమ్ ॥
ఓం శాన్తిః శాన్తిః శాన్తిః
Comments
Post a Comment