హనుమాన్ అష్టోత్తర శతనామ స్తోత్రం (శ్రీరామ రహస్యోక్తం) hanuman ashtottara Shatanamavali Telugu

 శ్రీరామరహస్యోక్తం శ్రీహనుమదష్టోత్తరశతనామస్తోత్రమ్ 

। శ్రీసీతారామౌ విజయేతే ।
హనుమానఞ్జనాసూను ర్ధీమాన్ కేసరినన్దనః ।
వాతాత్మజో వరగుణో వానరేన్ద్రో విరోచనః ॥ ౧॥

సుగ్రీవసచివః శ్రీమాన్ సూర్యశిష్యస్సుఖప్రదః ।
బ్రహ్మదత్తవరో బ్రహ్మభూతో బ్రహ్మర్షిసన్నుతః ॥ ౨॥

జితేన్ద్రియో జితారాతీ రామదూతో రణోత్కటః ।
సఞ్జీవినీసమాహర్తా సర్వసైన్యప్రహర్షకః ॥ ౩॥

రావణాకమ్ప్యసౌమిత్రినయనస్ఫుటభక్తిమాన్ ।
అశోకవనికాచ్ఛేదీ సీతావాత్సల్యభాజనమ్ ॥ ౪॥

విషీదద్భూమితనయార్పితరామాఙ్గులీయకః ।
చూడామణిసమానేతా రామదుఃఖాపహారకః ॥ ౫॥

అక్షహన్తా విక్షతారిస్తృణీకృతదశాననః ।
కుల్యాకల్పమహామ్భోధిస్సింహికాప్రాణనాశనః ॥ ౬॥

సురసావిజయోపాయవేత్తా సురనరార్చితః ।
జామ్బవన్నుతమాహాత్మ్యో జీవితాహతలక్ష్మణః ॥ ౭॥

జమ్బుమాలిరిపుర్జమ్భవైరిసాధ్వసనాశనః ।
అస్త్రావధ్యో రాక్షసారిస్సేనాపతివినాశనః ॥ ౮॥

లఙ్కాపురప్రదగ్ధా చ వాలానలసుశీతలః ।
వానరప్రాణసన్దాతా వాలిసూనుప్రియఙ్కరః ॥ ౯॥

మహారూపధరో మాన్యో భీమో భీమపరాక్రమః ।
భీమదర్పహరో భక్తవత్సలో భర్త్సితాశరః ॥ ౧౦॥

రఘువంశప్రియకరో రణధీరోరయాకరః ।
భరతార్పితసన్దేశో భగవచ్ఛిలష్టవిప్రగ్రహః ॥ ౧౧॥

అర్జునధ్వజవాసీ చ తర్జితాశరనాయకః ।
మహాన్ మహామధురవాఙ్మహాత్మా మాతరిశ్వజః ॥ ౧౨॥

మరున్నుతో మహోదారగుణో మధువనప్రియః ।
మహాధైర్యో మహవీర్యో మిహిరాధికకాన్తిమాన్ ॥ ౧౩॥

అన్నదో వసుదో వాగ్మీ జ్ఞానదో వత్సలో వశీ ।
వశీకృతాఖిలజగద్వరదో వానరాకృతిః ॥ ౧౪॥

భిక్షురూపప్రతిచ్ఛన్నోఽభీతిదో భీతివర్జితః ।
భూమీధరహరోభూతిదాయకో భూతసన్నుతః ॥ ౧౫॥

భుక్తిముక్తిప్రదో భూమా భుజనిర్జితరాక్షసః ।
వాల్మీకిస్తుతమాహాత్మ్యో విభీషణసుహృద్విభుః ॥ ౧౬॥

అనుకమ్పానిధిః పమ్పాతీరచారీ ప్రతాపవాన్ ।
బహ్మాస్త్రహతరామాదిజీవనో బ్రహ్మవత్సలః ॥ ౧౭॥

జయవార్తాహరో జేతా జానకీశోకనాశనః ।
జానకీరామసాహిత్యకారీ జనసుఖప్రదః ॥ ౧౮॥

బహుయోజనగన్తా చ బలవీర్యగుణాధికః ।
రావణాలయమర్దీ చ రామపాదాబ్జవాహకః ॥ ౧౯॥

రామనామలసద్వక్తో రామాయణకథాదృతః ।
రామస్వరూపవిలసన్మానసో రామవల్లభః ॥ ౨౦॥

ఇత్థమష్టోత్తరశతం నామ్నాం వాతాత్మజస్య యః ।
అనుసన్ధ్యం పఠేత్తస్య మారుతిస్సంప్రసీదతి ॥ ౨౧॥

ప్రసన్నే మారుతౌ రామో భుక్తిముక్తీ ప్రయచ్ఛతి ।

ఇతి శ్రీరామరహస్యోక్తం శ్రీహనుమదష్టోత్తరశతనామస్తోత్రం సమాప్తమ్




All copyrights reserved 2012 digital media act