హనుమాన్ కవచం (సుదర్శన సంహిత) Hanuman kavacham telugu

  హనుమాన్ కవచం (సుదర్శన సంహిత)

గన్ధమాదనశైలస్య పుణ్యస్యోపరిసంస్థితమ్ ।
సుఖాసీనం బ్రహ్మపుత్రం వసిష్ఠమిష్టుమిచ్ఛతి ॥ ౧॥

వాలఖిల్యాదయో దేవా సదేవౌఘా మహర్షయః ।
ఆభ్యాగమ్య వసిష్ఠం తం నమస్కృత్య యథాక్రమమ్ ॥ ౨॥

పూజితా ఋషయః సర్వే తమూచుః ప్రియపూర్వకమ్ ।
హే బ్రహ్మన్యాచితోఽస్మాకం తమేవార్థం శుభప్రదమ్ ॥ ౩॥

అస్మిన్పూర్వం హనుమతే విక్రమం జగదుత్తమమ్ ।
త్వామృతే కః సమర్థోఽత్ర హనుమత్కవచం శుభమ్ ॥ ౪॥

విఖ్యాతాని సహస్రాణి నామాని వివిధాని చ ।
కవచం రామచన్ద్రో వై అజపత్పరమాదరాత్ ॥ ౫॥

ఏవం బ్రహ్మాత్మజం బ్రహ్మన్నేతావత్కథయస్వ నః ।
కాని నామాని కిం ఛన్దః కో ఋషిః కిం చ దేవతా ॥ ౬॥

కో మన్త్రః కేన దిగ్బన్ధః కో విధిః కిం ఫలం శుభమ్ ।
సర్వం కథయ మే బ్రహ్మన్కవచేన సమన్వితమ్ ॥ ౭॥

ఇత్యుక్తో మునివాక్యం తు సావధానేన సర్వతః ।
శ్రుత్వా వచో వసిష్ఠస్తు విస్మితః పరమో ఋషిః ॥ ౮॥

భవన్త ఏవ సర్వజ్ఞాస్త్రికాలజ్ఞా జగత్త్రయే ।
మదనుగ్రహ ఏవైష యాం బ్రూహి పరమర్షయః ॥ ౯॥

ఏతత్ప్రశ్నం మహాపుణ్యం రహస్యం పరమాద్భుతమ్ ।
కథయామి మునిశ్రేష్ఠ తత్పృష్టోఽహమశేషతః ॥ ౧౦॥

శ‍ృణుధ్వం హి యథా పూర్వం యథా పూర్వం సువిస్తరాత్ ।
వసిష్ఠ ఉవాచ 
హరిః ఓం ॥

 ॥ వినియోగః ॥

అస్య శ్రీహనుమద్దివ్యకవచస్తోత్రమన్త్రస్య అనుష్టుప్ఛన్దః ।
శ్రీరామ ఋషిః । శ్రీహనుమాన్దేవతా । ఆఞ్జనేయేతిశక్తిః ।
వాతాత్మజేతి దైవతం బీజం । శ్రీహనుమానితి మన్త్రః ।
మర్కటరాడితి కీలకం । వజ్రకాయేతి కవచం । 
బలవానితి యోనిః । దంష్ట్రాయుధేతి అస్త్రం ।  
 ॥ హృదయాది న్యాసః ॥

అఞ్జనీసూనవే నమః ఇతి హృదయే । 
రుద్రరూపాయ నమః శిరసే స్వాహా ।
వాయుసుతాయేతి శిఖాయై వషట్ । 
అగ్నిగర్భాయ నమః కవచాయ హుం ।
రామదూతాయ నమః నేత్రత్రయాయ వౌషట్ । 
బ్రహ్మాస్త్రస్తమ్భనాయేతి అస్త్రాయ ఫట్ ॥

 ॥ అథ ధ్యానమ్ ॥

ధ్యాయేద్బాలదివాకరద్యుతినిభం దేవారిదర్పాఽపహం 
దేవేన్ద్రప్రముఖం సమస్తయశసం దేదీప్యమానం రుచా ।
సుగ్రీవాది సమస్తవానరయుతం సువ్యక్తతత్త్వప్రియం 
సంరక్తారుణలోచనం పవనజం పీతామ్బరాలఙ్కృతమ్ ॥ ౧౧॥

 ॥ అథ కవచమ్ ॥

ప్రాచ్యాం వజ్రతనుః పాతు ఆగ్నేయ్యామగ్నినాజితః ।
యామ్యాం పాత్వఞ్జనీపుత్రో శోకఘ్నః పిఙ్గలేక్షణః ॥ ౧౨॥

నైరృత్యాం పాతు దైత్యఘ్నో వారుణ్యామబ్ధిలఙ్ఘనః ।
వాయవ్యాం వాయుజః పాతు ప్రయత్నేనోత్తరాదిశః ॥ ౧౩॥

పాతు లక్ష్మణశోకఘ్నో గమనః సర్వదా మహాన్।
ఐశాన్యామీశసం పాతు పాతు యత్నేన నాన్యథా ॥ ౧౪॥

ఊర్ధ్వమూర్ధాఽఽత్మనః పాతు అధః పాతాలసాధకః ॥ ౧౫॥

 ॥ మన్త్రః ॥

ఓం శ్రీహనుమతే మహాపరాక్రమాయ సర్వకార్యాణి ఇమాని మమ 
సాధయ హ్రూం హ్రూం ఫట్ స్వహా ॥

త్రిశిరోఘ్నః శిరః పాతు భాలం భాలేక్షణః ప్రభుః ।
కర్ణౌ పాత్విప్రకర్ణస్యాస్తథాక్షిణ్యక్షసంహరః ॥ ౧౬॥ ?

హనుమాన్మే హనూ పాతు నాసికాం ఘ్రమనాసిజిత్ । ?
చతుర్వక్త్రహరో వక్త్రం పాతు దన్తాని సర్వదా ॥ ౧౭॥

శూలదంష్ట్రాజితః పాతు జిహ్వాయాం దైత్యజిహ్వహా ।
భుజౌ భుజాయుధః పాతు స్కన్ధౌ మే సన్ధికారకః ॥ ౧౮॥

అఙ్గులీః పాతు రామస్య వర్ణాఙ్గులియధారకః ।
నఖాన్నఖాయుధః పాతు స్కంకినీభఞ్జతస్తనౌ ॥ ౧౯॥ ?

వక్షః పాత్వశ్మవక్షఃఘ్నో మహోదరహరోదరమ్ ।
కేసరీనన్దనో మధ్యం పాతు పూర్వం ప్రయత్నతః ॥ ౨౦॥

నాభిం పాతు సదా పద్మనాభశ్చ నిజశక్తిమాన్।
పృష్ఠం పాతు రణే పృష్ఠం నాదేయః సర్వదా హితః ॥ ౨౧॥

గుదం రక్తగుదః పాతు గుహ్యం గుహ్యస్త్వలిఙ్గకః ।
ఊరూ పాత్వహితస్యోరుభఞ్జనో గ్రామసత్వరః ॥ ౨౨॥

స్థూలం జఙ్ఘాఖ్యసంహారః పాతు మే జఙ్ఘయోర్ద్వయోః ।
దైత్యానాం శీర్షవిన్యస్తపాదః పాత్వనిశం పదౌ ॥ ౨౩॥

యత్నేన సర్వకర్మాణి మర్మజ్ఞః పాతు సర్వదా ।
రక్తరోమాహ్వయధ్వంసీ రోమకూపాని పాతు మే ॥ ౨౪॥

అన్హి పాత్వహితావధ్యః రాత్రౌ రాత్రిజయాధికః ।
స న్ధ్యాం సన్ధానకారణ్యాం రామాయానీయ దత్తవాన్।
సఙ్గ్రామే తు మహామోహాన్సర్వదా సర్వతో జయ ॥ ౨౫॥

జలే గ్రహహరః పాతు వనే లఙ్కావనాన్తకృత్ ।
స్థలే భీమాగ్రజః పాతు గిరౌ గిరివనేశ్వరః ॥ ౨౬॥

సఙ్గ్రామే బలవాన్పాతు అగ్నౌ లఙ్కావిదాహకః ।
గృహే మాం పాతు సర్వత్ర కదలీవనమన్దిరః ॥ ౨౭॥

హనుమత్కవచం యస్తు పఠేద్విద్వాన్విచక్షణః ।
తత్ఫలం పురతః సర్వం వక్ష్యామీహ మునీశ్వర ॥ ౨౮॥

ఇతి శ్రీసుదర్శనసంహితాయాం హనుమన్కవచం సమ్పూర్ణమ్ ॥

All copyrights reserved 2012 digital media act