ఆపదుద్దారక హనుమాన్ స్తోత్రం (విభీషణ కృతం) hanuman stotram
ఆపదుద్ధారక శ్రీహనూమత్స్తోత్రమ్ (విభీషణకృతమ్)
శ్రీహనుమతే నమః ।
అస్య శ్రీహనుమత్స్తోత్రమహామన్త్రస్య, విభీషణ
ఋషిః, అనుష్టుప్ ఛన్దః, హనుమాన్ దేవతా । మమ శత్రుముఖస్తమ్భనార్థే
సర్వకార్యసిద్ధ్యర్థే చ జపే వినియోగః ।
ధ్యానమ్
చన్ద్రాభం చరణారవిన్దయుగలం కౌపీనమౌఞ్జీధరం
నాభ్యాం వై కటిసూత్రయుక్తవసనం యజ్ఞోపవీతావృతమ్ ।
హస్తాభ్యామవలమ్బ్య చాఞ్జలిమథో హారావలీకుణ్డలం
బిభ్రద్దీర్ఘశిఖం ప్రసన్నవదనం దివ్యాఞ్జనేయం భజే ॥
మన్త్రః-ఓం నమో హనుమతే రుద్రాయ ।
మమ సర్వదుష్టజనముఖస్తమ్భనం కురు కురు ॥
మమ సర్వకార్యసిద్ధిం కురు కురు । ఐం హ్రాం హ్రీం హ్రూం ఫట్ స్వాహా ।
ఆపన్నాఖిలలోకార్తిహారిణే శ్రీహనూమతే ।
అకస్మాదాగతోత్పాతనాశనాయ నమోఽస్తు తే ॥ ౧॥
సీతావియుక్తశ్రీరామశోకదుఃఖభయాపహ ।
తాపత్రయస్య సంహారిన్నాఞ్జనేయ నమోఽస్తు తే ॥ ౨॥
ఆధివ్యాధిమహామారిగ్రహపీడాపహారిణే ।
ప్రాణాపహన్త్రే దైత్యానాం రామప్రాణాత్మనే నమః ॥ ౩॥
సంసారసాగరావర్తాగతసమ్భ్రాన్తచేతసామ్ ।
శరణాగతమర్త్యానాం శరణ్యాయ నమోఽస్తు తే ॥ ౪॥
రాజద్వారే బిలద్వారే ప్రవేశే భూతసఙ్కులే ।
గజసింహమహావ్యాఘ్రచోరభీషణకాననే ॥ ౫॥
మహాభయేఽగ్నిసంస్థానే శత్రుసఙ్గసమాశ్రితే ।
శరణాగతమర్త్యానాం శరణ్యాయ నమో నమః ॥ ౬॥
ప్రదోషే వా ప్రభాతే వా యే స్మరన్త్యఞ్జనాసుతమ్ ।
అర్థసిద్ధియశఃకామాన్ ప్రాప్నువన్తి న సంశయః ॥ ౭॥
కారాగృహే ప్రయాణే చ సఙ్గ్రామే దేశవిప్లవే ।
యే స్మరన్తి హనూమన్తం తేషాం సన్తి న ఆపదః ॥ ౮॥ నాస్తి విపత్తయః
వజ్రదేహాయ కాలాగ్నిరుద్రాయామితతేజసే ।
నమః ప్లవగసైన్యానాం ప్రాణభూతాత్మనే నమః ॥ ౯॥
దుష్టదైత్యమహాదర్పదలనాయ మహాత్మనే ।
బ్రహ్మాస్త్రస్తమ్భనాయాస్మై నమః శ్రీరుద్రమూర్తయే ॥ ౧౦॥
జప్త్వా స్తోత్రమిదం పుణ్యం వసువారం పఠేన్నరః ।
రాజస్థానే సభాస్థానే వాదే ప్రాప్తే జపేద్ధ్రువమ్ ॥ ౧౧॥
విభీషణకృతం స్తోత్రం యః పఠేత్ ప్రయతో నరః ।
సర్వాపద్భ్యో విముచ్యేత నాత్ర కార్యా విచారణా ॥
Comments
Post a Comment