శ్రీజ్వాలాముఖీస్తోత్రం (రుద్రయామళ తంత్రే) jwalamukhi stotram Telugu
శ్రీజ్వాలాముఖీస్తోత్రం (రుద్రయామళ తంత్రే)
శ్రీగణేశాయ నమః ।
శ్రీభైరవ ఉవాచ ।
తారం యో భజతే మాతర్బీజం తవ సుధాకరమ్ ।
పారావారసుతా నిత్యం నిశ్చలా తద్గృహే వసేత్ ॥ ౧॥
శూన్యం యో దహనాధిరూఢమమలం వామాక్షిసంసేవితం
సేన్దుం బిన్దుయుతం భవాని వరదే స్వాన్తే స్మరేత్ సాధకః ।
మూకస్యాపి సురేన్ద్రసిన్ధుజలవద్వాగ్దేవతా భారతీ
గద్యః పద్యమయీం నిరర్గలతరా మాతర్ముఖే తిష్ఠతి ॥ ౨॥
శుభం వహ్న్యారూఢం మతియుతమనల్పేష్టఫలదం
సబిన్ద్వీన్దుం మన్దో యది జపతి బీజం తవ ప్రియమ్ ।
తదా మాతః స్వఃస్త్రీజనవిహరణక్లేశసహితః
సుఖమిన్ద్రోద్యానే స్వపితి స భవత్పూజనరతః ॥ ౩॥
జ్వాలాముఖీతి జపతే తవ నామవర్ణాన్
యః సాధకో గిరిశపత్ని సుభక్తిపూర్వమ్ ।
తస్యాఙ్ఘ్రిపద్మయుగలం సురనాథవేశ్యాః
సీమన్తరత్నకిరణైరనురఞ్జయన్తి ॥ ౪॥
పాశామ్బుజాభయధరే మమ సర్వశత్రూన్
శబ్దం త్వితి స్మరతి యస్తవ మన్త్రమధ్యే ।
తస్యాద్రిపుత్రి చరణౌ బహుపాంసుయుక్తౌ
ప్రక్షాలయన్త్యరివధూనయనాశ్రుపాతాః ॥ ౫॥
భక్షయద్వయమిదం యది భక్త్యా సాధకో జపతి చేతసి మాతః ।
స స్మరారిరివ త్వత్ప్రసాదతస్త్వత్పదం చ లభతే దివానిశమ్ ॥ ౬॥
కూర్చబీజమనఘం యది ధ్యాయేత్ సాధకస్తవ మహేశ్వరి యోఽన్తః ।
అష్ట హస్తకమలేషు సువశ్యాస్తస్య త్ర్యమ్బకసమస్తసిద్ధయః ॥ ౭॥
ఠద్వయం తవ మనూత్తరస్థితం యో జపేత్తు పరమప్రభావదమ్ ।
తస్య దేవి హరిశఙ్కరాదయః పూజయన్తి చరణౌ దివౌకసః ॥ ౮॥
ఓం హ్రీం శ్రీం త్ర్యక్షరే దేవి సురాసురనిసుదిని ।
త్రైలోక్యాభయదే మాతర్జ్వాలాముఖి నమోఽస్తు తే ॥ ౯॥
ఉదితార్కద్యుతే లక్ష్మి లక్ష్మీనాథసమర్చితే ।
వరామ్బుజాభయధరే జ్వాలాముఖి నమోఽస్తు తే ॥ ౧౦॥
సర్వసారమయి సర్వే సర్వామరనమస్కృతే ।
సత్యే సతి సదాచారే జ్వాలాముఖి నమోఽస్తు తే ॥ ౧౧॥
యస్యా మూర్ధ్ని శశీ త్రిలోచనగతా యస్యా రవీన్ద్వగ్నయః
పాశామ్భోజవరాభయాః కరతలామ్భోజేషు సద్ధేతయః ।
గాత్రే కుఙ్కుమసన్నిభా ద్యుతిరహిర్యస్యాగలే సన్తతం
దేవీం కోటిసహస్రరశ్మిసదృశీం జ్వాలాముఖీం నౌమ్యహమ్ ॥ ౧౨॥
నిద్రాం నో భజతే విధిర్భగవతి శఙ్కా శివం నో త్యజేద్
విష్ణుర్వ్యాకులతామలం కమలినీకాన్తోఽపి ధత్తే భయమ్ ।
దృష్ట్వా దేవి త్వదీయకోపదహనజ్వాలాం జ్వలన్తి తదా
దేవః కుఙ్కుమపీతగణ్డయుగలః సంక్రన్దనః క్రన్దతి ॥ ౧౩॥
యామారాధ్య దివానిశం సురసరిత్తీరే స్తవైరాత్మభూ-
రుద్యద్భాస్వరఘర్మభానుసదృశీం ప్రాప్తోఽమరజ్యేష్ఠతామ్ ।
దారిద్ర్యోరగదష్టలోకత్రితయీసఞ్జివనీం మాతరం
దేవీం తాం హృదయే శశాఙ్కశకలాచూడావతంసా భజే ॥ ౧౪॥
ఆపీనస్తనశ్రోణిభారనమితాం కన్దర్పదర్పోజ్జ్వలాం
లావణ్యాఙ్కితరమ్యగణ్డయుగలాం యస్త్వాం స్మరేత్ సాధకః ।
వశ్యాస్తస్య ధరాభృదీశ్వరసుతే గీర్వాణవామభ్రువః
పాదామ్భోజతలం భజన్తి త్రిదశా గన్ధర్వసిద్ధాదయః ॥ ౧౫॥
హృత్వా దేవి శిరో విధేర్యదకరోత్ పాత్రం కరామ్భోరుహే
శూలప్రోతమముం హరిం వ్యగమయత్ సద్భూషణం స్కన్ధయోః ।
కాలాన్తే త్రితయం ముఖేన్దుకుహరే శమ్భోః శిరః పార్వతి
తన్మాతర్భువనే విచిత్రమఖిలం జానే భక్త్యాః శివే ॥ ౧౬॥
గాయత్రీ ప్రకృతిర్గలేఽపి విధృతా సా త్వం శివే వేధసా
శ్రీరూపా హరిణాపి వక్షసి ధృతాప్యర్ధాఙ్గభాగే తథా ।
శర్వేణాపి భవాని దేవి సకలాః ఖ్యాతుం న శక్తా వయం
త్వద్రూపం హృది మాదృశాం జడధియాం ధ్యాతుం కథైవాస్తి కా ॥ ౧౭॥
జ్వాలాముఖీస్తవమిమం పఠతే యదన్తః
శ్రీమన్త్రరాజసహితం విభవైకహేతుమ్ ।
ఇష్టప్రదానసమయే భువి కల్పవృక్షం
స్వర్గం వ్రజేత్ సురవధూజనసేవితః సః ॥ ౧౮॥
॥ ఇతి శ్రీరుద్రయామలే తన్త్రే దశవిద్యారహస్యే
శ్రీజ్వాలాముఖీస్తోత్రం సమ్పూర్ణమ్ ॥
All copyrights reserved 2012 digital media act
Comments
Post a Comment