కాళీ శతనామస్తో (బృహన్నీలా తంత్రం) Kali Shatanama stotram with Telugu lyrics
కాళీ శతనామస్తో (బృహన్నీలా తంత్రం)
శ్రీదేవ్యువాచ ।
పురా ప్రతిశ్రుతం దేవ క్రీడాసక్తో యదా భవాన్ ।
నామ్నాం శతం మహాకాళ్యాః కథయస్వ మయి ప్రభో ॥ ౧॥
శ్రీభైరవ ఉవాచ ।
సాధు పృష్టం మహాదేవి అకథ్యం కథయామి తే ।
న ప్రకాశ్యం వరారోహే స్వయోనిరివ సున్దరి ॥ ౨॥
ప్రాణాధికప్రియతరా భవతీ మమ మోహినీ ।
క్షణమాత్రం న జీవామి త్వాం బినా పరమేశ్వరి ॥ ౩॥
యథాదర్శేఽమలే బిమ్బం ఘృతం దధ్యాదిసంయుతమ్ ।
తథాహం జగతామాద్యే త్వయి సర్వత్ర గోచరః ॥ ౪॥
శృణు దేవి ప్రవక్ష్యామి జపాత్ సార్వజ్ఞదాయకమ్ ।
సదాశివ ఋషిః ప్రోక్తోఽనుష్టుప్ ఛన్దశ్చ ఈరితః ॥ ౫॥
దేవతా భైరవో దేవి పురుషార్థచతుష్టయే ।
వినియోగః ప్రయోక్తవ్యః సర్వకర్మఫలప్రదః ॥ ౬॥
మహాకాలీ జగద్ధాత్రీ జగన్మాతా జగన్మయీ ।
జగదమ్బా గజత్సారా జగదానన్దకారిణీ ॥ ౭॥
జగద్విధ్వంసినీ గౌరీ దుఃఖదారిద్ర్యనాశినీ ।
భైరవభావినీ భావానన్తా సారస్వతప్రదా ॥ ౮॥
చతుర్వర్గప్రదా సాధ్వీ సర్వమఙ్గలమఙ్గలా ।
భద్రకాలీ విశాలాక్షీ కామదాత్రీ కలాత్మికా ॥ ౯॥
నీలవాణీ మహాగౌరసర్వాఙ్గా సున్దరీ పరా ।
సర్వసమ్పత్ప్రదా భీమనాదినీ వరవర్ణినీ ॥ ౧౦॥
వరారోహా శివరుహా మహిషాసురఘాతినీ ।
శివపూజ్యా శివప్రీతా దానవేన్ద్రప్రపూజితా ॥ ౧౧॥
సర్వవిద్యామయీ శర్వసర్వాభీష్టఫలప్రదా ।
కోమలాఙ్గీ విధాత్రీ చ విధాతృవరదాయినీ ॥ ౧౨॥
పూర్ణేన్దువదనా నీలమేఘవర్ణా కపాలినీ ।
కురుకుల్లా విప్రచిత్తా కాన్తచిత్తా మదోన్మదా ॥ ౧౩॥
మత్తాఙ్గీ మదనప్రీతా మదాఘూర్ణితలోచనా ।
మదోత్తీర్ణా ఖర్పరాసినరముణ్డవిలాసినీ ॥ ౧౪॥
నరముణ్డస్రజా దేవీ ఖడ్గహస్తా భయానకా ।
అట్టహాసయుతా పద్మా పద్మరాగోపశోభితా ॥ ౧౫॥
వరాభయప్రదా కాళీ కాలరాత్రిస్వరూపిణీ ।
స్వధా స్వాహా వషట్కారా శరదిన్దుసమప్రభా ॥ ౧౬॥
శరత్జ్యోత్స్నా చ సంహ్లాదా విపరీతరతాతురా ।
ముక్తకేశీ ఛిన్నజటా జటాజూటవిలాసినీ ॥ ౧౭॥
సర్పరాజయుతాభీమా సర్పరాజోపరి స్థితా ।
శ్మశానస్థా మహానన్దిస్తుతా సందీప్తలోచనా ॥ ౧౮॥
శవాసనరతా నన్దా సిద్ధచారణసేవితా ।
బలిదానప్రియా గర్భా భూర్భువఃస్వఃస్వరూపిణీ ॥ ౧౯॥
గాయత్రీ చైవ సావిత్రీ మహానీలసరస్వతీ ।
లక్ష్మీర్లక్షణసంయుక్తా సర్వలక్షణలక్షితా ॥ ౨౦॥
వ్యాఘ్రచర్మావృతా మేధ్యా త్రివలీవలయాఞ్చితా ।
గన్ధర్వైః సంస్తుతా సా హి తథా చేన్దా మహాపరా ॥ ౨౧॥
పవిత్రా పరమా మాయా మహామాయా మహోదయా ।
ఇతి తే కథితం దివ్యం శతం నామ్నాం మహేశ్వరి ॥ ౨౨॥
యః పఠేత్ ప్రాతరుత్థాయ స తు విద్యానిధిర్భవేత్ ।
ఇహ లోకే సుఖం భుక్త్వా దేవీసాయుజ్యమాప్నుయాత్ ॥ ౨౩॥
తస్య వశ్యా భవన్త్యేతే సిద్ధౌఘాః సచరాచరాః ।
ఖేచరా భూచరాశ్చైవ తథా స్వర్గచరాశ్చ యే ॥ ౨౪॥
తే సర్వే వశమాయాన్తి సాధకస్య హి నాన్యథా ।
నామ్నాం వరం మహేశాని పరిత్యజ్య సహస్రకమ్ ॥ ౨౫॥
పఠితవ్యం శతం దేవి చతుర్వర్గఫలప్రదమ్ ।
అజ్ఞాత్వా పరమేశాని నామ్నాం శతం మహేశ్వరి ॥ ౨౬॥
భజతే యో మహకాలీం సిద్ధిర్నాస్తి కలౌ యుగే ।
ప్రపఠేత్ ప్రయతో భక్త్యా తస్య పుణ్యఫలం శృణు ॥ ౨౭॥
లక్షవర్షసహస్రస్య కాలీపూజాఫలం భవేత్ ।
బహునా కిమిహోక్తేన వాఞ్ఛితార్థీ భవిష్యతి ॥ ౨౮॥
ఇతి శ్రీబృహన్నీలతన్త్రే భైరవపార్వతీసంవాదే కాళీశతనామనిరూపణం
త్రయోవింశః పటలః ॥ ౨౩॥
Comments
Post a Comment