కాళీ స్తోత్రం (పరశురామకృతం) Kali stotram with Telugu lyrics
కాళీ స్తోత్రం (పరశురామకృతం)
పరశురామ ఉవాచ ।
నమః శఙ్కరకాన్తాయై సారాయై తే నమో నమః ।
నమో దుర్గతినాశిన్యై మాయాయై తే నమో నమః ॥ ౧॥
నమో నమో జగద్ధాత్ర్యై జగత్కర్త్ర్యై నమో నమః ।
నమోఽస్తు తే జగన్మాత్రే కారణాయై నమో నమః ॥ ౨॥
ప్రసీద జగతాం మాతః సృష్టిసంహారకారిణి ।
త్వత్పాదౌ శరణం యామి ప్రతిజ్ఞాం సార్థికాం కురు ॥ ౩॥
త్వయి మే విముఖాయాం చ కో మాం రక్షితుమీశ్వరః ।
త్వం ప్రసన్నా భవ శుభే మాం భక్తం భక్తవత్సలే ॥ ౪॥
యుష్మాభిః శివలోకే చ మహ్యం దత్తో వరః పురా ।
తం వరం సఫలం కర్తుం త్వమర్హసి వరాననే ॥ ౫॥
రేణుకేయస్తవం (జామదగ్న్యస్తవం) శ్రుత్వా ప్రసన్నా భవదామ్భికా
మా భైరిత్యేవముక్త్వా తు తత్రైవాన్తరధీయత ॥ ౬॥
ఏతద్ భృగుకృతం స్తోత్రం భక్తియుక్తశ్చ యః పఠేత్ ।
మహాభయాత్సముత్తీర్ణః స భవేదేవ లీలయా ॥ ౭॥
స పూజితశ్చ త్రైలోక్యే తత్రైవ విజయీ భవేత్ ।
జ్ఞానిశ్రేష్ఠో భవేచ్చైవ వైరిపక్షవిమర్దకః ॥ ౮॥
ఇతి శ్రీబ్రహ్మవైవర్తపురాణే గణేశఖణ్డే షట్త్రింశోఽధ్యాయాన్తర్గతమ్
శ్రీపరశురామకృతం కాళీస్తోత్రం సమ్పూర్ణమ్ ॥
Comments
Post a Comment