కాళికా స్తొత్రం Kalika stotram Telugu

కాళికా స్తోత్రం

శ్రీగణేశాయ నమః ॥

దధన్నైరన్తర్యాదపి మలినచర్యాం సపది యత్

సపర్యాం పశ్యన్సన్ విశతు సురపుర్యాం నరపశుః ।

భటాన్వర్యాన్ వీర్యాసమహరదసూర్యాన్ సమితి యా

జగద్ధుర్యా కాలీ మమ మనసి కుర్యాన్నివసతిమ్ ॥ ౧॥

లసన్నాసాముక్తా నిజచరణభక్తావనవిధౌ

సముద్యుక్తా రక్తామ్బురుహదృగలక్తాధరపుటా ।

అపి వ్యక్తాఽవ్యక్తాయమనియమసక్తాశయశయా

జగద్ధుర్యా కాలీ మమ మనసి కుర్యాన్నివసతిమ్ ॥ ౨॥

రణత్సన్మఞ్జీరా ఖలదమనధీరాఽతిరుచిర-

స్ఫురద్విద్యుచ్చీరా సుజనఝషనీరాయితతనుః ।

విరాజత్కోటీరా విమలతరహీరా భరణభృత్

జగద్ధుర్యా కాలీ మమ౦॥ ౩॥

వసానా కౌశేయం కమలనయనా చన్ద్రవదనా

దధానా కారుణ్యం విపులజఘనా కున్దరదనా ।

పునానా పాపాద్యా సపది విధునానా భవభయం

జగద్ధుర్యా కాలీ మమ౦॥ ౪॥

రధూత్తంసప్రేక్షారణరణికయా మేరుశిఖరాత్

సమాగాద్యా రాగాజ్ఝటితి యమునాగాధిపమసౌ ।

నగాదీశప్రేష్ఠా నగపతిసుతా నిర్జరనుతా

జగద్ధుర్యా కాలీ మమ మనసి-॥ ౫॥

విలసన్నవరత్నమాలికా కుటిలశ్యామలకున్తలాలికా ।

నవకుఙ్కుమభవ్యభాలికాఽవతు సా మాం సుఖకృద్ధి కాలికా ॥ ౬॥

యమునాచలద్దమునా దుఃఖదవస్య దేహినామ్ ।

అమునా యది వీక్షితా సకృచ్ఛము నానావిధమాతనోత్యహో ॥ ౭॥

అనుభూతి సతీప్రాణపరిత్రాణపరాయణా ।

దేవైః కృతసపర్యా సా కాలీ కుర్యాచ్ఛుభాని నః ॥ ౮॥

య ఇదం కాలికాస్తోత్రం పఠేత్తు ప్రయతః శుచిః ।

దేవీసాయుజ్యభుక్ చేహ సర్వాన్కామానవాప్నుయాత్ ॥ ౯॥

ఇతి కాలికాస్తోత్రం సమ్పూర్ణమ్ ॥

All copyrights reserved 2012 digital media act