కమలా కవచం (విశ్వసార తంత్రే) kamala kavacham telugu

కమలా కవచం (విశ్వసార తంత్రే)

శ్రీగణేశాయ నమః ।

ఓం అస్యాశ్చతురక్షరావిష్ణువనితాయాః

కవచస్య శ్రీభగవాన్ శివ ఋషీః ।

అనుష్టుప్ఛన్దః । వాగ్భవా దేవతా ।

వాగ్భవం బీజమ్ । లజ్జా శక్తిః ।

రమా కీలకమ్ । కామబీజాత్మకం కవచమ్ ।

మమ సుకవిత్వపాణ్డిత్యసమృద్ధిసిద్ధయే పాఠే వినియోగః ।

ఐఙ్కారో మస్తకే పాతు వాగ్భవాం సర్వసిద్ధిదా ।

హ్రీం పాతు చక్షుషోర్మధ్యే చక్షుర్యుగ్మే చ శాఙ్కరీ ॥ ౧॥

జిహ్వాయాం ముఖవృత్తే చ కర్ణయోర్దన్తయోర్నసి ।

ఓష్ఠాధారే దన్తపఙ్క్తౌ తాలుమూలే హనౌ పునః ॥ ౨॥

పాతు మాం విష్ణువనితా లక్ష్మీః శ్రీవర్ణరూపిణీ ॥

కర్ణయుగ్మే భుజద్వన్ద్వే స్తనద్వన్ద్వే చ పార్వతీ ॥ ౩॥

హృదయే మణిబన్ధే చ గ్రీవాయాం పార్శ్వర్యోద్వయోః ।

పృష్ఠదేశే తథా గుహ్యే వామే చ దక్షిణే తథా ॥ ౪॥

ఉపస్థే చ నితమ్బే చ నాభౌ జంఘాద్వయే పునః ।

జానుచక్రే పదద్వన్ద్వే ఘుటికేఽఙ్గులిమూలకే ॥ ౫॥

స్వధా తు ప్రాణశక్త్యాం వా సీమన్యాం మస్తకే తథా ।

సర్వాఙ్గే పాతు కామేశీ మహాదేవీ సమున్నతిః ॥ ౬॥

పుష్టిః పాతు మహామాయా ఉత్కృష్టిః సర్వదాఽవతు ।

ఋద్ధిః పాతు సదా దేవీ సర్వత్ర శమ్భువల్లభా ॥ ౭॥

వాగ్భవా సర్వదా పాతు పాతు మాం హరగేహినీ ।

రమా పాతు మహాదేవీ పాతు మాయా స్వరాట్ స్వయమ్ ॥ ౮॥

సర్వాఙ్గే పాతు మాం లక్ష్మీర్విష్ణుమాయా సురేశ్వరీ ।

విజయా పాతు భవనే జయా పాతు సదా మమ ॥ ౯॥

శివదూతీ సదా పాతు సున్దరీ పాతు సర్వదా ।

భైరవీ పాతు సర్వత్ర భేరుణ్డా సర్వదాఽవతు ॥ ౧౦॥

త్వరితా పాతు మాం నిత్యముగ్రతారా సదాఽవతు ।

పాతు మాం కాలికా నిత్యం కాలరాత్రిః సదాఽవతు ॥ ౧౧॥

నవదుర్గాః సదా పాతు కామాఖ్యా సర్వదాఽవతు ।

యోగిన్యః సర్వదా పాతు ముద్రాః పాతు సదా సమ ॥ ౧౨॥

మాత్రాః పాతు సదా దేవ్యశ్చక్రస్థా యోగినీ గణాః ।

సర్వత్ర సర్వకార్యేషు సర్వకర్మసు సర్వదా ॥ ౧౩॥

పాతు మాం దేవదేవీ చ లక్ష్మీః సర్వసమృద్ధిదా ॥

॥ ఇతి విశ్వసారతన్త్రే శ్రీకమలాకవచం సమ్పూర్ణమ్ ॥

All copyrights reserved 2012 digital media act