కేతు కవచం (బ్రహ్మణ్డ పురాణం) kethu kavacham telugu

కేతు కవచం (బ్రహ్మండ పురాణం)

 ఓం అస్య శ్రీకేతుకవచస్తోత్రమహామన్త్రస్య త్ర్యమ్బక ౠషిః ।

అనుష్టుప్ఛన్దః । కేతుర్దేవతా ।

కం బీజం । నమః శక్తిః ।

కేతురితి కీలకమ్ ।

కేతుకృత పీడా నివారణార్థే, సర్వరోగనివారణార్థే,

సర్వశత్రువినాశనార్థే, సర్వకార్యసిద్ధ్యర్థే,

కేతుప్రసాదసిద్ధ్యర్థే జపే వినియోగః ।

శ్రీగణేశాయ నమః ।

కేతుం కరాలవదనం చిత్రవర్ణం కిరీటినమ్ ।

ప్రణమామి సదా కేతుం ధ్వజాకారం గ్రహేశ్వరమ్ ॥ ౧॥

చిత్రవర్ణః శిరః పాతు భాలం ధూమ్రసమద్యుతిః ।

పాతు నేత్రే పిఙ్గలాక్షః శ్రుతీ మే రక్తలోచనః ॥ ౨॥

ఘ్రాణం పాతు సువర్ణాభశ్చిబుకం సింహికాసుతః ।

పాతు కణ్ఠం చ మే కేతుః స్కన్ధౌ పాతు గ్రహాధిపః ॥ ౩॥

హస్తౌ పాతు సురశ్రేష్ఠః కుక్షిం పాతు మహాగ్రహః ।

సింహాసనః కటిం పాతు మధ్యం పాతు మహాసురః ॥ ౪॥

ఊరూ పాతు మహాశీర్షో జానునీ మేఽతికోపనః ।

పాతు పాదౌ చ మే క్రూరః సర్వాఙ్గం నరపిఙ్గలః ॥ ౫॥

య ఇదం కవచం దివ్యం సర్వరోగవినాశనమ్ ।

సర్వశత్రువినాశం చ ధారణాద్విజయీ భవేత్ ॥ ౬॥

All copyrights reserved 2012 digital media act