కేతు స్తోత్రం kethu stotram Telugu

కేతు స్తోత్రం

 అథ కేతుస్తోత్రప్రారమ్భః ।

ఓం అస్య శ్రీ కేతుస్తోత్రమహామన్త్రస్య వామదేవ ౠషిః ।

అనుష్టుప్ఛన్దః । కేతుర్దేవతా ।

కేతుప్రసాదసిద్ధ్యర్థే జపే వినియోగః ।

గౌతమ ఉవాచ ।

మునీన్ద్ర సూత తత్త్వజ్ఞ సర్వశాస్త్రవిశారద ।

సర్వరోగహరం బ్రూహి కేతోః స్తోత్రమనుత్తమమ్ ॥ ౧॥

సూత ఉవాచ ।

శృణు గౌతమ వక్ష్యామి స్తోత్రమేతదనుత్తమమ్ ।

గుహ్యాద్గుహ్యతమం కేతోః బ్రమణా కీర్తితం పురా ॥ ౨॥

ఆద్యః కరాళవదనో ద్వితీయో రక్తలోచనః ।

తృతీయః పిఙ్గళాక్షశ్చ చతుర్థో జ్ఞానదాయకః ॥ ౩॥

పఞ్చమః కపిలాక్షశ్చ షష్ఠః కాలాగ్నిసన్నిభః ।

సప్తమో హిమగర్భశ్చ్ తూమ్రవర్ణోష్టమస్తథా ॥ ౪॥

నవమః కృత్తకణ్ఠశ్చ దశమః నరపీఠగః ।

ఏకాదశస్తు శ్రీకణ్ఠః ద్వాదశస్తు గదాయుధః ॥ ౫॥

ద్వాదశైతే మహాక్రూరాః సర్వోపద్రవకారకాః ।

పర్వకాలే పీడయన్తి దివాకరనిశాకరౌ ॥ ౬॥

నామద్వాదశకం స్తోత్రం కేతోరేతన్మహాత్మనః ।

పఠన్తి యేఽన్వహం భక్త్యా తేభ్యః కేతుః ప్రసీదతి ॥ ౭॥

కుళుక్థధాన్యే విలిఖేత్ షట్కోణం మణ్డలం శుభమ్ ।

పద్మమష్టదళం తత్ర విలిఖేచ్చ విధానతః ॥ ౮॥

నీలం ఘటం చ సంస్థాప్య దివాకరనిశాకరౌ ।

కేతుం చ తత్ర నిక్షిప్య పూజయిత్వా విధానతః ॥ ౯॥

స్తోత్రమేతత్పఠిత్వా చ ధ్యాయన్ కేతుం వరప్రదమ్ ।

బ్రాహ్మణం శ్రోత్రియం శాన్తం పూజయిత్వా కుటుమ్బినమ్ ॥ ౧౦॥

కేతోః కరాళవక్త్రస్య ప్రతిమాం వస్త్రసంయుతామ్ ।

కుమ్భాదిభిశ్చ సంయుక్తాం చిత్రాతారే ప్రదాపయేత్ ॥ ౧౧॥

దానేనానేన సుప్రీతః కేతుః స్యాత్తస్య సౌఖ్యదః ।

వత్సరం ప్రయతా భూత్వా  పూజయిత్వా విధానతః ॥ ౧౨॥

మూలమష్టోత్తరశతం యే జపన్తి నరోత్తమాః ।

తేషాం కేతుప్రసాదేన న కదాచిద్భయం భవేత్ ॥ ౧౩॥

   ఇతి కేతుస్తోత్రం సమ్పూర్ణమ్

All copyrights reserved 2012 digital media act