లక్ష్మీ సూక్తం lakshmi suktam with Telugu lyrics
॥ శ్రీలక్ష్మీసూక్తం ॥
శ్రీ గణేశాయ నమః ।
ఓం పద్మాననే పద్మిని పద్మపత్రే పద్మప్రియే పద్మదలాయతాక్షి ।
విశ్వప్రియే విశ్వమనోఽనుకూలే త్వత్పాదపద్మం మయి సన్నిధత్స్వ ॥
పద్మాననే పద్మఊరు పద్మాశ్రీ పద్మసమ్భవే ।
తన్మే భజసిం పద్మాక్షి యేన సౌఖ్యం లభామ్యహమ్ ॥
అశ్వదాయై గోదాయై ధనదాయై మహాధనే ।
ధనం మే జుషతాం దేవి సర్వకామాంశ్చ దేహి మే ॥
పుత్రపౌత్రం ధనం ధాన్యం హస్త్యశ్వాదిగవేరథమ్ ।
ప్రజానాం భవసి మాతా ఆయుష్మన్తం కరోతు మే ॥
ధనమగ్నిర్ధనం వాయుర్ధనం సూర్యోధనం వసుః ।
ధనమిన్ద్రో బృహస్పతిర్వరుణో ధనమస్తు మే ॥
వైనతేయ సోమం పిబ సోమం పిబతు వృత్రహా ।
సోమం ధనస్య సోమినో మహ్యం దదాతు సోమినః ॥
న క్రోధో న చ మాత్సర్యం న లోభో నాశుభా మతిః ।
భవన్తి కృతపుణ్యానాం భక్తానాం శ్రీసూక్తం జాపినామ్ ॥
సరసిజనిలయే సరోజహస్తే ధవలతరాంశుక గన్ధమాల్యశోభే ।
భగవతి హరివల్లభే మనోజ్ఞే త్రిభువనభూతికరి ప్రసీద మహ్యమ్ ॥
శ్రీర్వర్చస్వమాయుష్యమారోగ్యమావిధాచ్ఛోభమానం మహీయతే ।
ధాన్య ధనం పశుం బహుపుత్రలాభం శతసంవత్సరం దీర్ఘమాయుః ॥
ఓం మహాదేవ్యై చ విద్మహే విష్ణుపత్న్యై చ ధీమహి ।
తన్నో లక్ష్మీః ప్రచోదయాత్ ॥
ఓం మహాలక్ష్మ్యై చ విద్మహే మహశ్రియై చ ధీమహి ।
తన్నః శ్రీః ప్రచోదయాత్ ॥
విష్ణుపత్నీం క్షమాం దేవీం మాధవీం మాధవప్రియామ్ ।
లక్ష్మీం ప్రియసఖీం దేవీం నమామ్యచ్యుతవల్లభామ్ ॥
చన్ద్రప్రభాం లక్ష్మీమైశానీం సూర్యాభాంలక్ష్మీమైశ్వరీమ్ ।
చన్ద్ర సూర్యాగ్నిసఙ్కాశాం శ్రియం దేవీముపాస్మహే ॥
॥ ఇతి శ్రీలక్ష్మీ సూక్తమ్ సమ్పూర్ణమ్ ॥
Comments
Post a Comment