Lopaamudra krutha lakshmi stotram లోపాముద్రకృత లక్ష్మీ స్తోత్రం (లక్ష్మీనారాయణ సంహిత)

లోపాముద్రకృత లక్ష్మీ స్తోత్రం (లక్ష్మీనారాయణ సంహిత)

 ॥ పూర్వ పీఠికా ॥

లోపాముద్రా శ్రియాః పాదౌ ధృత్వాననామ సాదరమ్ ।

వవన్దే స్తవనం చక్రే తవ లక్ష్మి సదా సతీ ॥ ౧॥

శ్రుణు తత్ స్తవనం యేన స్తావకాః స్యుర్ధనాశ్రయాః ।

నైకసమ్పత్ సమాయుక్తాః త్వయా ప్రసన్నయేక్షితాః ॥ ౨॥

॥ మూలపాఠ శ్రీలోపాముద్రా ఉవాచ ॥

మాతర్నమామి కమలే పద్మాయతసులోచనే ।

శ్రీవిష్ణుహృత్కమలస్థే విశ్వమాతర్నమోఽస్తు తే ॥ ౧॥

క్షీరసాగరసత్పుత్రి పద్మగర్భాభసున్దరి ।

లక్ష్మి ప్రసీద సతతం విశ్వమాతర్నమోఽస్తు తే ॥ ౨॥

మహేన్ద్రసదనే త్వం శ్రీః రుక్మిణి కృష్ణభామిని ।

చన్ద్రే జ్యోత్స్నా ప్రభా సూర్యే విశ్వమాతర్నమోఽస్తు తే ॥ ౩॥

స్మితాననే జగధ్దాత్రి శరణ్యే సుఖవర్ద్ధిని ।

జాతవేదసి దహనే విశ్వమాతర్నమోఽస్తు తే ॥ ౪॥

బ్రహ్మాణి త్వం సర్జనాఽసి విష్ణౌ త్వం పోషికా సదా ।

శివౌ సంహారికా శక్తిః విశ్వమాతర్నమోఽస్తు తే ॥ ౫॥

త్వయా శూరాగుణీవిజ్ఞా ధన్యామాన్యాకులీనకా ।

కలాశీలకలాపాఢ్యై విశ్వమాతర్నమోఽస్తు తే ॥ ౬॥

త్వయా గజస్తురఙ్గశ్చ స్త్రైణస్తృర్ణం సరః సదః ।

దేవో గృహం కణః శ్రేష్ఠా విశ్వమాతర్నమోఽస్తు తే ॥ ౭॥

త్వయా పక్షీపశుః శయ్యా రత్నం పృథ్వీ నరో వధూః ।

శ్రేష్ఠా శుధ్దా మహాలక్ష్మి విశ్వమాతర్నమోఽస్తు తే ॥ ౮॥

లక్ష్మి శ్రి కమలే పద్మే రమే పద్మోద్భవే సతి ।

అబ్ధిజే విష్ణుపత్ని త్వం ప్రసీద సతతం ప్రియే ॥ ౯॥

॥ ఫల శ్రుతిః ॥

ఇతి స్తుతా ప్రసన్నా చ శ్రీరువాచ పతివ్రతామ్ ।

లోపాముద్రే మునే జానే వాం యత హృత్తాపకారణమ్ ॥ ౧॥

సుచేతనం దునోత్యేవ కాశీవిశ్లేషజోఽనలః ।

యువాం వారాణసీం ప్రాప్య సిధ్దిం ప్రప్యస్థ ఈప్సితామ్ ॥ ౨॥

యే పఠిష్యన్తి మత్స్తోత్రం తాపదారిద్ర్యనాశకమ్ ।

ఇష్టసమ్పత్ప్రదం తేషాం జయసన్తతికారకమ్ ॥ ౩॥

మమ సాన్నిధ్యదం బాలగ్రహాదివ్యధినాశనమ్ ।

భవిష్యతి మమ సారుప్యాదిప్రమోక్షణం తథా ॥ ౪॥

॥ శ్రీలక్ష్మీనరాయణసంహితాయాం శ్రీలోపాముద్రాకృత శ్రీలక్ష్మీస్తోత్రమ్ ॥

All copyrights reserved 2012 digital media act