మేథా సూక్తం (యజుర్వేదం) Medha suktam with Telugu lyrics
మేథా సూక్తం (యజుర్వేదం)
తైత్తిరీయారణ్యకమ్ – ౪, ప్రపాఠకః – ౧౦, అనువాకః – ౪౧-౪౪
ఓం యశ్ఛన్ద’సామృషభో విశ్వరూ’పః | ఛన్దోభ్యోஉధ్యమృతా”థ్సమ్బభూవ’ | స మేన్ద్రో’ మేధయా” స్పృణోతు |
అమృత’స్య దేవధార’ణో భూయాసమ్ | శరీ’రం మే విచ’ర్షణమ్ | జిహ్వా మే మధు’మత్తమా |
కర్ణా”భ్యాంభూరివిశ్రు’వమ్ | బ్రహ్మ’ణః కోశో’உసి మేధయా పి’హితః | శ్రుతం మే’ గోపాయ ||
ఓం శాన్తిః శాన్తిః శాన్తిః’ ||
ఓం మేధాదేవీ జుషమా’ణా న ఆగా”ద్విశ్వాచీ’ భద్రా సు’మనస్య మా’నా | త్వయా జుష్టా’ నుదమా’నాదురుక్తా”న్ బృహద్వ’దేమ విదథే’ సువీరా”ః |
త్వయా జుష్ట’ ఋషిర్భ’వతి దేవి త్వయాబ్రహ్మా’உஉగతశ్రీ’రుత త్వయా” | త్వయా జుష్ట’శ్చిత్రం వి’న్దతే వసు సా నో’ జుషస్వ ద్రవి’ణో న మేధే ||
మేధాం మ ఇన్ద్రో’ దదాతు మేధాం దేవీ సర’స్వతీ | మేధాం మే’ అశ్వినా’వుభా-వాధ’త్తాం పుష్క’రస్రజా |
అప్సరాసు’ చ యా మేధా గం’ధర్వేషు’ చ యన్మనః’ | దైవీం” మేధా సర’స్వతీ సా మాం” మేధాసురభి’ర్జుషతాగ్ స్వాహా” ||
ఆమాం” మేధా సురభి’ర్విశ్వరూ’పా హిర’ణ్యవర్ణా జగ’తీ జగమ్యా | ఊర్జ’స్వతీ పయ’సా పిన్వ’మానా సా మాం” మేధా సుప్రతీ’కా జుషన్తామ్ ||
మయి’ మేధాం మయి’ ప్రజాం మయ్యగ్నిస్తేజో’ దధాతు మయి’ మేధాం మయి’ ప్రజాం మయీన్ద్ర’ ఇంద్రియం ద’ధాతు మయి’ మేధాం మయి’ ప్రజాం మయి సూర్యో భ్రాజో’ దధాతు ||
ఓం హంస హంసాయ’ విద్మహే’ పరమహంసాయ’ ధీమహి | తన్నో’ హంసః ప్రచోదయా”త్ ||
ఓం శాన్తిః శాన్తిః శాన్తిః’ ||
Sir pls can you post it with meaning pls
ReplyDelete