నవగ్రహ ధ్యానం navagraha dyanam
నవగ్రహ ధ్యానం
చన్ద్రధ్యానమ్ ।
కర్పూరస్ఫటికావదాతమనిశం పూర్ణేన్దుబిమ్బాననం
ముక్తాదామవిభూషితేన వపుషా నిర్మూలయన్తం తమః ।
హస్తాభ్యాం కుముదం వరం చ దధతం నీలాలకోద్భాసితం
స్వస్యాఙ్కస్థమృగోదితాశ్రయగుణం సోమం సుధాబ్ధిం భజే ॥
కుజధ్యానమ్ ।
విన్ధ్యేశం గ్రహదక్షిణప్రతిముఖం రక్తత్రికోణాకృతిం
దోర్భిః స్వీకృతశక్తిశూలసగదం చారూఢమేషాధిపమ్ ।
భారద్వాజముపాత్తరక్తవసనచ్ఛత్రశ్రియా శోభితం
మేరోర్దివ్యగిరేః ప్రదక్షిణకరం సేవామహే తం కుజమ్ ॥
బుధధ్యానమ్ ।
ఆత్రేయం మహదాధిపం గ్రహగణస్యేశానభాగస్థితం
బాణాకారముదఙ్ముఖం శరలసత్తూణీరబాణాసనమ్ ।
పీతస్రగ్వసనద్వయధ్వజరథచ్ఛత్రశ్రియా శోభితం
మేరోర్దివ్యగిరేః ప్రదక్షిణకరం సేవామహే తం బుధమ్ ॥
గురుధ్యానమ్ ।
రత్నాష్టాపదవస్త్రరాశిమమలం దక్షాత్కిరన్తం కరా-
దాసీనం విపణౌ కరం నిదధతం రత్నాదిరాశౌ పరమ్ ।
పీతాలేపనపుష్పవస్త్రమఖిలాలఙ్కారసమ్భూషితం
విద్యాసాగరపారగం సురగురుం వన్దే సువర్ణప్రభమ్ ॥
శుక్రధ్యానమ్ ।
శ్వేతామ్భోజనిషణ్ణమాపణతటే శ్వేతామ్బరాలేపనం
నిత్యం భక్తజనాయసమ్ప్రదదతం వాసో మణీన్ హాటకమ్ ।
వామేనైవ కరేణ దక్షిణకరే వ్యాఖ్యానముద్రాఙ్కితం
శుక్రం దైత్యవరార్చితం స్మితముఖం వన్దే సితాఙ్గప్రభమ్ ॥
శనీశ్వరధ్యానమ్ ।
ధ్యాయేన్నీలశిలోచ్చయద్యుతినిభం నీలారవిన్దాసనం
దేవం దీప్తవిశాలలోచనయుతం నిత్యక్షుధాకోపినమ్ ।
నిర్మాంసోదరశుష్కదీర్ఘవపుషం రౌద్రాకృతిం భీషణం
దీర్ఘస్మశ్రుజటాయుతం గ్రహపతిం సౌరం సదాహం భజే ॥
All copyrights reserved 2012 digital media act
Comments
Post a Comment