నిత్యా కవచం (తంత్ర రాజ అంతర్గతం) nitya kavacham
నిత్యా కవచం (తంత్రరాజ అంతర్గతం)
తన్త్రరాజతన్త్రే అష్టావింశం పటలాన్తర్గతమ్ ।
సమస్తాపద్విముక్త్యర్థం సర్వసమ్పదవాప్తయే ।
భూతప్రేతపిశాచాదిపీడాశాన్త్యై సుఖాప్తయే ॥ ౧॥
సమస్తరోగనాశాయ సమరే విజయాయ చ ।
చోరసింహద్వీపిగజగవయాదిభయానకే ॥ ౨॥
అరణ్యే శైలగహనే మార్గే దుర్భిక్షకే తథా ।
సలిలాదిమనః పీడాస్వబ్ధౌ పోతాదిసఙ్కటే ॥ ౩॥
ప్రజప్య నిత్యాకవచం సకృత్సర్వన్తరత్యసౌ ।
సుఖీ జీవతి నిర్ద్వన్ద్వో నిఃసపత్నో జితేన్ద్రియః ॥ ౪॥
శృణు తత్ కవచం దేవి వక్ష్యే తవ తదాత్మకమ్ ।
యేనాహమపి యుద్ధేషు దేవాసురజయీ సదా ॥ ౫॥
సర్వతః సర్వదాత్మానం లలితా పాతు సర్వగా ।
కామేశీ పురతః పాతు భగమాలా త్వనన్తరమ్ ॥ ౬॥
దిశం పాతు తథా దక్షపార్శ్వం మే పాతు సర్వదా ।
నిత్యక్లిన్నా చ భేరుణ్డా దిశం పాతు సదా మమ ॥ ౭॥
తథైవ పశ్చిమం భాగం రక్షేత్ సా వహ్నివాసినీ ।
మహావజ్రేశ్వరీ రక్షేదనన్తరదిశం సదా ॥ ౮॥
వామపార్శ్వం సదా పాతు దూతీ మే త్వరితా తతః ।
పాలయేత్తు దిశం చాన్యాం రక్షేన్మాం కులసున్దరీ ॥ ౯॥
నిత్యా మామూర్ద్ధ్వతః పాతు సాధో మే పాతు సర్వదా ।
నిత్యా నీలపతాకాఖ్యా విజయా సర్వతశ్చ మామ్ ॥ ౧౦॥
కరోతు మే మఙ్గలాని సర్వదా సర్వమఙ్గలా ।
దేహేన్ద్రియమనఃప్రాణాన్ జ్వాలామాలినివిగ్రహా ॥ ౧౧॥
పాలయేదనిశం చిత్రా చిత్తం మే పాతు సర్వదా ।
కామాత్ క్రోధాత్తథా లోభాన్మోహాన్మానాన్మదాదపి ॥ ౧౨॥
పాపాన్మత్సరతః శోకాత్ సంశయాత్ సర్వతః సదా ।
స్తైమిత్యాచ్చ సముద్యోగాదశుభేషు తు కర్మసు ॥ ౧౩॥
అసత్యక్రూరచిన్తాతో హింసాతశ్చౌర్యతస్తథా ।
రక్షన్తు మాం సర్వదా తాః కుర్వన్త్విచ్ఛాం శుభేషు చ ॥ ౧౪॥
నిత్యాః షోడశ మాం పాన్తు గజారూఢాః స్వశక్తిభిః ।
తథా హయసమారూఢాః పాన్తు మాం సర్వతః సదా ॥ ౧౫॥
సింహారూఢాస్తథా పాన్తు మాన్తరక్షగతా అపి ।
రథారూఢాశ్చ మాం పాన్తు సర్వతః సర్వదా రణే ॥ ౧౬॥
తార్క్ష్యారూఢాశ్చ మాం పాన్తు తథా వ్యోమగతాస్తథా ।
భూగతాః సర్వదా పాన్తు మాఞ్చ సర్వత్ర సర్వదా ॥ ౧౭॥
భూతప్రేతపిశాచాపస్మారకృత్యాదికాన్ గదాన్ ।
ద్రావయన్తు స్వశక్తీనాం భీషణైరాయుధైర్మమ ॥ ౧౮॥
గజాశ్వద్వీపిపఞ్చాస్యతార్క్ష్యరూఢాఖిలాయుధాః ।
అసంఖ్యాః శక్తయో దేవ్యాః పాన్తు మాం సర్వతః సదా ॥ ౧౯॥
సాయం ప్రాతర్జపన్నిత్యాకవచం సర్వరక్షకమ్ ।
కదాచిన్నాశుభం పశ్యేన్న శృణోతి చ మత్సమః ॥ ౨౦॥
ఇతి షోడశనిత్యాతన్త్రేషు శ్రీకాదిమతే లోకతాదాత్మ్యాదికథనం నామ
అష్టావిశం పటలాన్తర్గతం నిత్యాకవచమ్ సమ్పూర్ణమ్
All copyrights reserved 2012 digital media act
Comments
Post a Comment