రాత్రి సూక్తం (పురాణోక్తం) rathri suktam with Telugu lyrics
రాత్రిసూక్తమ్ (పురాణోక్తం)
విశ్వేశ్వరీ జగద్ధాత్రీం స్థితిసంహారకారిణీమ్ ।
నిద్రాం భగవతీం విష్ణురతులాం తేజసః ప్రభుః ॥ ౧॥
బ్రహ్మోవాచ --
త్వం స్వాహా త్వం స్వధాత్వం హి వషట్కారస్వరాత్మికా ।
సుధా త్వమక్షరే నిత్యే త్రిధా మాత్రాత్మికా స్థితా ॥ ౨॥
అర్ధమాత్రా స్థితా నిత్యా యానుచ్చార్యా విశేషతః ।
త్వమేవ సంధ్యా సావిత్రీ త్వం దేవీ జననీ పరా ॥ ౩॥
త్వయైతద్ధార్యతే విశ్వం త్వయైతత్సృజ్యతే జగత్ ।
త్వయైతత్పాల్యతే దేవి త్వమత్స్యన్తేచ సర్వదా ॥ ౪॥
విసృష్టౌ సృష్టిరూపాత్వమ్ స్థితిరూపాచ పాలనే ।
తథా సంహతిరూపాంతే జగతోఽస్య జగన్మయే ॥ ౫॥
మహావిద్యా మహామాయా మహామేధామహాస్మృతిః ।
మహామోహా చ భవతీ మహాదేవీ మహాసురీ ॥ ౬॥
ప్రకృతిస్త్వం చ సర్వస్య గుణత్రయవిభావినీ ।
కాలరాత్రిర్మహారాత్రిర్మోహరాత్రిశ్చ దారుణా ॥ ౭॥
త్వం శ్రీస్త్వమీశ్వరీ త్వం ఱ్హీస్త్వం బుద్ధిర్బోధలక్షణా ।
లజ్జా పుష్టిస్తథా తుష్టిస్త్వం శాంతిః క్షాంతిరేవచ ॥ ౮॥
ఖఙ్గినీ శృలినీ ఘోరా గదినీ చక్రిణీ తథా ।
శంఖినీ చాపినీ బాణభుశుండీపరిధాయుధా ॥ ౯॥
సౌమ్యా సౌమ్యతరాశేషసౌమ్యేభ్యస్త్వతిసుందరీ ।
పరాపరాణాం పరమా త్వమేవ పరమేశ్వరీ ॥ ౧౦॥
యచ్చ కించిత క్వచిద్వస్తు సదసద్ధాఖిలాత్మికే ।
తత్త్వ సర్వస్య యా శక్తిః సాత్వం కిం స్తూయసే సదా ॥ ౧౧॥
యయా త్వయా జగస్రష్టా జగత్పాత్యతియో జగత్ ।
సోఽపి నిద్రావశం నీతః కస్త్వాం స్తోతుమిహేశ్వరః ॥ ౧౨॥
విష్ణుః శరీరగ్రహణమహమీశాన ఏవచ ।
కారితాస్తే యతోఽతస్త్వాం కః స్తోతుం శక్తిమాన్భవేత్ ॥ ౧౩॥
సా త్వమిత్థం ప్రభావైః స్వైరుదారైర్దేవి సంస్తుతా ।
మోహయైతౌ దురాధర్షావసురౌ మధుకైటభౌ ॥ ౧౪॥
ప్రబోధం న జగత్స్వామీ నీయతామచ్యుతో లఘు ।
బోధశ్చ క్రియతామస్య హన్తుమేతౌ మహాసురౌ ॥ ౧౫॥
॥ ఇతి పురాణోక్తం రాత్రిసూక్తమ్ ॥
Comments
Post a Comment