ఋణ విమోచక మంగళ స్తోత్రమ్ (స్కన్దపురాణం) runa vimochana mangala stotram Telugu

ఋణ విమోచక మంగళ స్తోత్రమ్ 

శ్రీగణేశాయ నమః॥

మఙ్గలో భూమిపుత్రశ్చ ఋణహర్తా ధనప్రదః ।
స్థిరాసనో మహాకాయః సర్వకర్మవిరోధకః ॥ ౧॥

లోహితో లోహితాక్షశ్చ సామగానాం కృపాకరః ।
ధరాత్మజః కుజో భౌమో భూతిదో భూమినన్దనః ॥ ౨॥

అఙ్గారకో యమశ్చైవ సర్వరోగాపహారకః ।
వృష్టేః కర్తాఽపహర్తా చ సర్వకామఫలప్రదః ॥ ౩॥

ఏతాని కుజనామాని నిత్యం యః శ్రద్ధయా పఠేత్ ।
ఋణం న జాయతే తస్య ధనం శీఘ్రమవాప్నుయాత్ ॥ ౪॥

ధరణీగర్భసమ్భూతం విద్యుత్కాన్తిసమప్రభమ్ ।
కుమారం శక్తిహస్తం చ మఙ్గలం ప్రణమామ్యహమ్ ॥ ౫॥

స్తోత్రమఙ్గారకస్యైతత్పఠనీయం సదా నృభిః ।
న తేషాం భౌమజా పీడా స్వల్పాపి భవతి క్వచిత్ ॥ ౬॥

అఙ్గారక మహాభాగ భగవన్భక్తవత్సల ।
త్వాం నమామి మమాశేషమృణమాశు వినాశయ ॥ ౭॥

ఋణరోగాదిదారిద్ర్యం యే చాన్యే హ్యపమృత్యవః ।
భయక్లేశమనస్తాపా నశ్యన్తు మమ సర్వదా ॥ ౮॥

అతివక్ర దురారాధ్య భోగముక్త జితాత్మనః ।
తుష్టో దదాసి సామ్రాజ్యం రుష్టో హరసి తత్క్షణాత్ ॥ ౯॥

విరిఞ్చిశక్రవిష్ణూనాం మనుష్యాణాం తు కా కథా ।
తేన త్వం సర్వసత్త్వేన గ్రహరాజో మహాబలః ॥ ౧౦॥

పుత్రాన్దేహి ధనం దేహి త్వామస్మి శరణం గతః ।
ఋణదారిద్ర్యదుఃఖేన శత్రూణాం చ భయాత్తతః ॥ ౧౧॥

ఏభిర్ద్వాదశభిః శ్లోకైర్యః స్తౌతి చ ధరాసుతమ్ ।
మహతీం శ్రియమాప్నోతి హ్యపరో ధనదో యువా ॥ ౧౨॥

ఇతి శ్రీస్కన్దపురాణే భార్గవప్రోక్తం ఋణ విమోచక మంగళ స్తోత్రం సమ్పూర్ణమ్


All copyrights reserved 2012 digital media act