ఋణహర గణేశ స్తోత్రమ్ (కృష్ణ యామళ తంత్రే) runahara ganesha stotram Telugu

ఋణహర గణేశ స్తోత్రమ్ (కృష్ణ యామళ తంత్రే)

             సిన్దూరవర్ణం ద్విభుజం గణేశం
                  లమ్బోదరం పద్మదలే నివిష్టమ్ ।
             బ్రహ్మాదిదేవైః పరిసేవ్యమానం
                  సిద్ధైర్యుతం తం ప్రణమామి దేవమ్ ॥ ౧॥

             సృష్ట్యాదౌ బ్రహ్మణా సమ్యక్ పూజితః ఫలసిద్ధయే ।
             సదైవ పార్వతీపుత్రః ఋణనాశం కరోతు మే ॥ ౨॥

             త్రిపురస్యవధాత్ పూర్వం శమ్భునా సమ్యగర్చితః ।
             సదైవ పార్వతీపుత్రః ఋణనాశం కరోతు మే ॥ ౩॥

             హిరణ్యకశిప్వాదీనాం వధార్తే విష్ణునార్చితః ।
             సదైవ పార్వతీపుత్రః ఋణనాశం కరోతు మే ॥ ౪॥

             మహిషస్య వధే దేవ్యా గణనాథః ప్రపూజితః ।
             సదైవ పార్వతీపుత్రః ఋణనాశం కరోతు మే ॥ ౫॥

             తారకస్య వధాత్ పూర్వం కుమారేణ ప్రపూజితః ।
             సదైవ పార్వతీపుత్రః ఋణనాశం కరోతు మే ॥ ౬॥

             భాస్కరేణ గణేశో హి పూజితశ్చ స్వసిద్ధయే।
             సదైవ పార్వతీపుత్రః ఋణనాశం కరోతు మే ॥ ౭॥

             శశినా కాన్తివృద్ధ్యర్థం పూజితో గణనాయకః ।
             సదైవ పార్వతీపుత్రః ఋణనాశం కరోతు మే ॥ ౮॥

             పాలనాయ చ తపసాం విశ్వామిత్రేణ పూజితః ।
             సదైవ పార్వతీపుత్రః ఋణనాశం కరోతు మే ॥ ౯॥

             ఇదం త్వృణహరం స్తోత్రం తీవ్రదారిద్ర్యనాశనమ్ ।
             ఏకవారం పఠేన్నిత్యం వర్షమేకం సమాహితః ।
             దారిద్ర్యం దారుణం త్యక్త్వా కుబేరసమతాం వ్రజేత్ ॥౧౦॥

                    ॥ ఇతి ఋణహర గణేశ స్తోత్రమ్ ॥



All copyrights reserved 2012 digital media act