శంకరాది కృత గజానన స్తోత్రం (ముద్గల పురాణం) sankaradi krutha gajanana stotram Telugu
శంకరాది కృత గజానన స్తోత్రం (ముద్గల పురాణం)
శ్రీ గణేశాయ నమః ।
దేవా ఊచుః ।
గజాననాయ పూర్ణాయ సాంఖ్యరూపమయాయ తే ।
విదేహేన చ సర్వత్ర సంస్థితాయ నమో నమః ॥ ౧॥
అమేయాయ చ హేరమ్బ పరశుధారకాయ తే ।
మూషకవాహనాయైవ విశ్వేశాయ నమో నమః ॥ ౨॥
అనన్తవిభవాయైవ పరేశాం పరరూపిణే ।
శివపుత్రాయ దేవాయ గుహాగ్రజాయ తే నమః ॥ ౩॥
పార్వతీనన్దనాయైవ దేవానాం పాలకాయ తే ।
సర్వేషాం పూజ్యదేహాయ గణేశాయ నమో నమః ॥ ౪॥
స్వానన్దవాసినే తుభ్యం శివస్య కులదైవత ।
విష్ణ్వాదీనాం విశేషేణ కులదేవాయ తే నమః ॥ ౫॥
యోగాకారాయ సర్వేషాం యోగశాన్తిప్రదాయ చ ।
బ్రహ్మేశాయ నమస్తుభ్యం బ్రహ్మభూతప్రదాయ తే ॥ ౬॥
సిద్ధి-బుద్ధిపతే నాథ! సిద్ధి-బుద్ధిప్రదాయినే ।
మాయినే మాయికేభ్యశ్చ మోహదాయ నమో నమః ॥ ౭॥
లమ్బోదరాయ వై తుభ్యం సర్వోదరగతాయ చ ।
అమాయినే చ మాయాయా ఆధారాయ నమో నమః ॥ ౮॥
గజః సర్వస్య బీజం యత్తేన చిహ్నేన విఘ్నప!।
యోగినస్త్వాం ప్రజానన్తి తదాకారా భవన్తి తే ॥ ౯॥
తేన త్వం గజవక్త్రశ్చ కిం స్తుమస్తవాం గజానన ।
వేదాదయో వికుణ్ఠాశ్చ శంకరాద్యాశ్చ దేవపాః ॥ ౧౦॥
శుక్రాదయశ్చ శేషాద్యాః స్తోతుం శక్తా భవన్తి నః ।
తథాపి సంస్తుతోఽసి త్వం స్ఫూర్త్యా త్వద్దర్శనాత్మనా ॥ ౧౧॥
ఏవముక్త్వా ప్రణేముస్తం గజాననం శివాదయః ।
స తానువాచ ప్రీతాత్మా భక్తిభావేన తోషితః ॥ ౧౨॥
గజానన ఉవాచ ।
భవత్కృతమిదం స్తోత్రం మదీయం సర్వదం భవేత్ ।
పఠతే శృణ్వతే చైవ బ్రహ్మభూతప్రదాయకమ్ ॥ ౧౩॥
ఇతి మౌద్గలోక్తం గజాననస్తోత్రం సమాప్తమ్ ॥
All copyrights reserved 2012 digital media act
Comments
Post a Comment