శ్రీతురీయాషోడశీత్రైలోక్యవిజయకవచం స్తోత్రమ్ shodasri trilokya Vijaya kavacham

శ్రీతురీయాషోడశీత్రైలోక్యవిజయకవచం స్తోత్రమ్ 

    ॥ శ్రీమహాత్రిపురసున్దర్యై నమః ॥

శ్రీతురీయాషోడశీత్రైలోక్యవిజయకవచస్తోత్రసాధనా
          ॥ పూర్వపీఠికా ॥

కైలాసశిఖరే రమ్యే దేవదేవం జగద్గురుమ్ ।
శఙ్కరం పరిపప్రచ్ఛ కుమారః శిఖివాహనః ॥ ౧॥

       ॥ శ్రీస్కన్ద ఉవాచ ॥

జనక శ్రీగురో దేవ పుత్రవాత్సల్యవర్ధన! ।
కవచం షోడశాక్షర్యా వద మే పరమేశ్వర!॥ ౨॥

      ॥ శ్రీఈశ్వర ఉవచ ॥

శృణు పుత్ర మహాభాగ! కవచం మన్త్రవిగ్రహమ్ ।
గోప్యాద్గోప్యతరం గోప్యం గుహ్యాద్గుహ్యతరం మహత్ ॥ ౩॥

తవ స్నేహాత్ ప్రవక్ష్యామి నాఖ్యాతం యస్య కస్యచిత్ ।
బ్రహ్మేశవిష్ణుశక్రేభ్యో మయా న కథితం పురా ॥ ౪॥

దేవాగ్రే నైవ దైత్యాగ్రే న శౌనకగుణాగ్రకే ।
తవ భక్త్యా తు కవచం గోప్యం కర్తుం న శక్యతే ॥ ౫॥

ఏకాదశమహావిద్యా సవర్ణా సద్గుణాన్వితా ।
సర్వశక్తిప్రధానా హి కవచం మన్ముఖోదితమ్ ॥ ౬॥

గణేశశ్చ రవిర్విష్ణుః శివశక్తిశ్చ భైరవః ।
పఞ్చతత్త్వాదిసర్వేషాం వర్మావర్తేన తుష్యతామ్ ॥ ౭॥

ఊర్ధ్వామ్నాయం మహామన్త్రం కవచం నిర్మితం మయా ।
త్రైలోక్యవిజయం దివ్యం తురీయం కవచం శుభమ్ ॥ ౮॥

  ॥ శ్రీస్కన్ద ఉవాచ ॥

కవచం పరమం దేవ్యాః శ్రోతుమిచ్ఛామ్యఽహం ప్రభో ।
యత్సూచితం త్వయా పూర్వ ధర్మకామార్థమోక్షదమ్ ॥ ౯॥

తద్వినాఽఽరాధనం నాస్తి జపం ధ్యానాది కర్మణి ।
తస్యాశ్చ కవచం యస్మాత్ తస్మాత్ తద్వద మే ప్రభో ॥ ౧౦॥

  ॥ శ్రీఈశ్వర ఉవాచ ॥

శృణు పుత్ర మహాప్రాజ్ఞ ! రహస్యాతిరహస్యకమ్ ।
తురీయం కవచం దివ్యం సర్వమన్త్రమయం శుభమ్ ॥ ౧౧॥

పూజాన్తే తు జపాత్పూర్వం కవచం సముదీరయేత్ ।
  ॥ వినియోగః ॥

అస్య శ్రీకవచస్యాస్య ఋషిరానన్దభైరవః ॥ ౧౨॥

శ్రీవిద్యా దేవతాశ్ఛన్దో గాయత్రీరుచివృత్తికమ్ ।
రమాబీజం పరాశక్తిః వాగ్భవం కీలకం స్మృతమ్ ॥ ౧౩॥

మమ సర్వార్థసిద్ధయర్థే జపే తు వినియోగతః ।
   ॥ కరన్యాసః ॥

అఙ్గుష్ఠాగ్రే వాగ్భవం చ హృల్లేఖాం తర్జనీ న్యసేత్ ॥ ౧౪॥

లక్ష్మీబీజం మధ్యమాయామఙ్గిరాఽనామికా తథా ।
పరాబీజం కనిష్ఠాయాం లక్ష్మీం కరతలే న్యసేత్ ॥ ౧౫॥

  ॥ షడఙ్గన్యాసః ॥

హృదయే వాగ్భవం న్యస్యాత్ పరాం శిరసి చ న్యసేత్ ।
లక్ష్మీబీజం శిఖాయాం చ కవచే వాగ్భవం న్యసేత్ ॥ ౧౬॥

హృల్లేఖాం నేత్రయోర్న్యస్యాదస్త్రం తు కమలాం న్యసేత్ ।
  ॥ దిగ్బన్ధనమ్ ॥

భూర్భువః స్వరితి మనునా దిగ్బన్ధనమాచరేత్ ॥ ౧౭॥

ధ్యానం తస్య ప్రవక్ష్యామి ధర్మకామార్థమోక్షదమ్ ।
న్యాసధ్యానాదికం సర్వం కృత్వా తు కవచం పఠేత్ ॥ ౧౮॥

  ॥ ధ్యానమ్ ॥

క్షీరసాగరమధ్యస్థే రత్నద్వీపే మనోహరే ।
రత్నసింహాసనే దివ్యే తత్ర దేవీం విచిన్తయేత్ ॥ ౧౯॥

కోటిసూర్యప్రతీకాశాం చన్ద్రకోటినిభాననామ్ ।
దాడిమీపుష్పసఙ్కాశాం కుఙ్కుమోదరసన్నిభామ్ ॥ ౨౦॥

జపాకుసుమసఙ్కాశాం త్రినేత్రాం చ చతుర్భుజామ్ ।
పాశాఙ్కుశధరాం రమ్యామిక్షుచాపశరాన్వితామ్ ॥ ౨౧॥

కర్పూరశకలోన్మిశ్రతామ్బూలపూరితాననామ్ ।
సర్వశృఙ్గార వేషాఢ్యాం సర్వావయవశోభినీమ్ ॥ ౨౨॥

సర్వాయుధసమాయుక్తాం ప్రసన్నవదనే క్షణామ్ ।
సపరివారసావరణాం సర్వోపచారార్చితామ్ ॥ ౨౩॥

ఏవం ధ్యాయేత్ తతో వీర ! కవచం సర్వకామదమ్ ।
ఆవర్తయేత్ స్వదేహే తు సర్వరక్షాకరం శుభమ్ ॥ ౨౪॥

  ॥ అథ కవచపాఠః ॥

శిఖాయాం మే ``హ్సౌః'' ``పాతు'' ``శౌ'' మే పాతు బ్రహ్మరన్ధ్రకే ।
సర్వదా ``హ్లౌం'' చ మాం పాతు వామదక్షిణభాగయోః ॥ ౧॥

``ఐం హ్రీం శ్రీం'' సర్వదా పాతు షోడశీ సున్దరీ పరా ।
``శ్రీం హ్రీం క్లీం'' సర్వదా పాతు ``ఐం సౌం ఓం'' పాతు మే సదా ॥ ౨॥

``హ్రీం శ్రీం ఐం'' పాతు సర్వత్ర ``క్నౌం రం లం హ్రీం'' సదా మమ ।
``క్లీం హసకహలహ్రీం'' మే పాతు సదా ``సౌః క్లీం'' మమ ॥ ౩॥

``సౌః ఐం క్లీం హ్రీం'' శ్రియా పాతు సబీజా షోడశాక్షరీ ।
ఆపాదమస్తకం పాతు మహాత్రిపురసున్దరీ ॥ ౪॥

శ్రీజయన్తీ మస్తకే మాం పాతు నిత్యం విభూతయే ।
``హ్రీం'' మఙ్గలా సదా నేత్రే పాతు సర్వార్థసిద్ధయే ॥ ౫॥

``క్లీం'' కాలికా కర్ణయుగ్మం పాతు సర్వశుభావహా ।
``ఐం'' భారతీ ఘ్రాణయుగ్మం పాతు సర్వజయాప్తయే ॥ ౬॥

``సౌః'' కరాలీ ముఖం పాతు సర్వలోకవశాప్తయే ।
``ఐం'' శారదా సదా వాచం పాతు సాహిత్యసిద్ధయే ॥ ౭॥

``ఓం'' కపాలినీ మే కర్ణౌ పాతు సద్గానసిద్ధయే ।
``హ్రీం'' దుర్గా సహితా పాతు స్కన్ధదేశౌ సదా మమ ॥ ౮॥

``శ్రీం'' క్షమసహితా పాతు హృదయం మమ సర్వదా ।
``కకార''సహితా ధాత్రీ పార్శ్వయుగ్మం సదాఽవతు ॥ ౯॥

``ఏకార''సహితా స్వాహా పాతు మే జఠరం సదా ।
``ఈకార''సహితా నాభిం స్వధా మాం సర్వదాఽవతు ॥ ౧౦॥

``లకార''సహితా బ్రాహ్మీ పృష్ఠదేశం సదాఽవతు ।
``హ్రీఙ్కార''సహమాహేశీ కటిం పాతు సదా మమ ॥ ౧౧॥

``హకార''సహితా గుహ్యం కౌమారీ పాతు సర్వదా ।
``సకార''సహితా పాతు వైష్ణవీ గుదదేశకమ్ ॥ ౧౨॥

``కకార''యుక్తావారాహీ హ్యూరుయుగ్మం సదాఽవతు ।
``హకార''సహితా జానుయుగ్మం మాహేన్ద్రీ మేఽవతు ॥ ౧౩॥

``లకార''యుక్తా చాముణ్డా జఙ్ఘాయుగ్మం సదాఽవతు ।
``హ్రీఙ్కార''సహితా గుల్ఫయుగ్మం లక్ష్మీః సదాఽవతు ॥ ౧౪॥

``సకార''యుక్తా మే పాదయుగ్మేఽవ్యాత్ శివదూతికా ।
``కకార''సహితా ప్రాచ్యాం చణ్డా రక్షతు సర్వదా ॥ ౧౫॥

``లకార''సహితాఽఽగ్నేయాం ప్రచణ్డా సర్వదాఽవతు ।
``హ్రీఙ్కార''సహితా పాతు దక్షిణే చణ్డనాయికా ॥ ౧౬॥

``సౌఃకార''సహితా చణ్డవేగినీ నైరృతేఽవతు ।
``ఐఙ్కార''సంయుతా చణ్డప్రకాశా పాతు పశ్చిమే ॥ ౧౭॥

``క్లీఙ్కార''సహితా పాతు చణ్డికా వాయుగోచరే ।
``హ్రీఙ్కార''సహితా పాతు చాముణ్డా చోత్తరే మమ ॥ ౧౮॥

``శ్రీఙ్కార''సహితా రౌద్రీ పాయాదైశాన్యకే మమ ।
``ఊర్ధ్వం'' బ్రహ్మాణీ మే రక్షేత్ షోడశీసహ సర్వదా ॥ ౧౯॥

అధస్తాద్వైష్ణవీ రక్షేత్ పునః షోడశీసంయుతా ।
సర్వాఙ్గం సర్వదా పాతు సహితా భువనేశ్వరీ ॥ ౨౦॥

జలే దావానలేఽరణ్యే మహోత్పాతే చ సాగరే ।
దివారాత్రౌ చ మే రక్షేద్ దేవీ తారత్రయీ మమ ॥ ౨౧॥

       ॥ ఫలశ్రుతి ॥

ఇదం తురీయాసహితం షోడశాక్షరికాత్మకమ్ ।
అభేద్యం కవచం త్వేదం మన్త్రబీజసమన్వితమ్ ॥ ౧॥

యోగినీచక్రసహితం తవ ప్రీత్యా ప్రకాశితమ్ ।
ధారయస్వ మయా దత్తం గోపనీయం సుపుత్రక ॥ ౨॥

న పుత్రాయ న శిష్యాయ బన్ధుభ్యో న ప్రకాశయేత్ ।
ఇదం త్రిపురసున్దర్యాస్తురీయం కవచం శుభమ్ ॥ ౩॥

గోపనీయం ప్రయత్నేన మన్త్రవర్ణక్రమోదితమ్ ।
ప్రాతరారభ్య సాయాన్తం కర్మవేదాన్తమోక్తికమ్ ॥ ౪॥

తత్ఫలం సమవాప్నోతి తురీయకవచవ్రతమ్ ।
దశధా మాతృకాన్యాసం లఘుషోఢా తతః పరమ్ ॥ ౫॥

శక్తిన్యాసం మహాషోఢాం కృత్వా బాహ్యాన్తరం న్యసేత్ ।
శ్రీవిద్యాయాం మహాన్యాసం క్రమాత్ సావర్ణతాం వ్రజేత్ ॥ ౬॥

పూజాన్తే యత్ఫలం ప్రాప్తం తత్ఫలం కవచవ్రతే ।
సవత్సాం దుగ్ధసహితాం సాధకః కామధేనువత్ ॥ ౭॥

త్రైలోక్యవిజయాయేదం కవచం పరమాద్భుతమ్ ।
యథా చిన్తామణౌ పుత్ర ! మనసా పరికల్పితే ॥ ౮॥

తత్సర్వం లభతే శీఘ్రం మమ వాక్యాన్న సంశయః ।
సాయురారోగ్యమైశ్వర్యం సదా సమ్పత్ప్రవర్ధనమ్ ॥ ౯॥

కవచస్య ప్రభావేణ త్రైలోక్యవిజయీ భవేత్ ।
అదీక్షితాయ న దేయం శ్రద్ధావిరహితాత్మనే ॥ ౧౦॥

నాఖ్యేయం యస్య కస్యాపి కృతఘ్నాయాతతాయినే ।
శాన్తాయ గురుభక్తాయ దేయం శుద్ధాయ సాధనే ॥ ౧౧॥

అజ్ఞాత్వా కవచం చేదం యో జపేత్ పరదేవతామ్ ।
సిద్ధిర్న జాయతే వత్స ! కల్పకోటిశతైరపి ॥ ౧౨॥

స ఏవ చ గురు సాక్షాత్ కవచం యస్తు పుత్రక ।
త్రిసన్ధ్యం చ పఠేన్నిత్యమిదం కవచముత్తమమ్ ॥ ౧౩॥

నిశార్ధే జపకాలే వా ప్రత్యహం యన్త్రమగ్రతః ।
జగద్వశ్యం భవేచ్ఛీఘ్రం నాత్ర కార్యా విచారణా ॥ ౧౪॥

సప్తకోటిమహామన్త్రాః సవర్ణాః సగుణాన్వితాః ।
సర్వే ప్రసన్నతాం యాన్తి సత్యం సత్యం న సంశయః ॥ ౧౫॥

ఇతి తే కథితం దివ్యం సగుణే భజనక్రమమ్ ।
నిర్గుణం పరమం వక్ష్యే తురీయం కవచం శృణు ॥ ౧౬॥

కవచస్యాస్య మాహాత్మ్యం వర్ణితుం నైవ శక్యతే ।
మూలాదిబ్రహ్మరన్ధ్రాన్తం శ్రీచక్రం సముదీరయేత్ ॥ ౧౭॥

దేహమధ్యే చ సర్వస్వం శ్రీచక్రం చిన్తయేత్ సుత ।
పఞ్చవింశతితత్త్వం చ అతలం వితలం తథా ॥ ౧౮॥

సుతలం చ తలాతలం మహాతలం చ పఞ్చమమ్ ।
రసాతలం షష్ఠం వక్ష్యే సప్తమం పాతాలలోకమ్ ॥ ౧౯॥

భూర్భువః స్వర్లోకమతో మహల్లోకజనస్తథా ।
తపశ్చ సత్యలోకశ్చ భువనాని చతుర్దశ ॥ ౨౦॥

సర్వం శ్రీభువనం చైవ నిరాకారం విచిన్తయేత్ ।
మానసే పూజయేత్ ధ్యాయేజ్జ్యోతిరూపం సుచిన్మయమ్ ।
కవచం ప్రజపేద్ వత్స ! రాజరాజేశ్వరో భవేత్ ॥ ౨౧॥

ఇతి పరమరహస్యం సర్వమన్త్రార్థసారం
     భజతి పరమభక్త్యా నిశ్చలం నిర్మలత్వమ్ ।
విలసిత భువి మధ్యే పుత్రపౌత్రాభివృధ్దిం
     ధనసకలసమృధ్దిం భోగమోక్షప్రదం చ ॥ ౨౨॥

॥ ఇతి శ్రీచూడామణౌ శ్రీశివస్కన్దసంవాదే త్రైలోక్యవిజయం నామ
శ్రీతురీయాషోడశీ శ్రీరాజరాజేశ్వరీ మహాత్రిపురసున్దరీకవచం సమ్పూర్ణమ్ ॥




All copyrights reserved 2012 digital media act