శ్యామా(కాళి) కవచం (భైరవ తంత్రం) Shyama kavacham with Telugu lyrics
కాళి కవచం కవచమ్ అథవా శ్యామాకవచమ్
భైరవ్యువాచ -
కాలీపూజా శ్రుతా నాథ భావాశ్చ వివిధాః ప్రభో ॥
ఇదానీం శ్రోతుమిచ్ఛామి కవచం పూర్వసూచితమ్ ॥ ౧॥
త్వమేవ స్రష్టా పాతా చ సంహర్తా చ త్వమేవ హి ।
త్వమేవ శరణన్నాథ త్రాహిమాం దుఃఖసఙ్కటాత్ ॥ ౨॥
భైరవ ఉవాచ
రహస్యం శృణు వక్ష్యామి భైరవి ప్రాణవల్లభే ।
శ్రీజగన్మఙ్గలన్నామ కవచం మన్త్రవిగ్రహమ్ ॥ ౩॥
పఠిత్వా ధారయిత్వా చ త్రైలోక్యం మోహయేత్క్షణాత్ ।
నారాయణోఽపి యద్ధృత్వా నారీ భూత్వా మహేశ్వరమ్ ॥ ౪॥
యోగినఙ్క్షోభమనయద్యద్ధృత్వా చ రఘూత్తమః ।
వరతృప్తో జఘానైవ రావణాదినిశాచరాన్ ॥ ౫॥
యస్య ప్రసాదాదీశోఽహం త్రైలోక్యవిజయీ విభుః ।
ధనాధిపః కుబేరోపి సురేశోఽభూచ్ఛచీపతిః ॥ ౬॥
ఏవం హి సకలా దేవాస్సర్వసిద్ధీశ్వరాః ప్రియే ।
శ్రీజగన్మఙ్గలస్యాస్య కవచస్య ఋషిః శివః ॥ ౭॥
ఛన్దోఽనుష్టుప్దేవతా చ కాలికా దక్షిణేరితా ।
జగతాం మోహనే దుష్టవిజయే భుక్తిముక్తిషు ॥ ౮॥
యోషిదాకర్షణే చైవ వినియోగః ప్రకీర్తితః ।
శిరో మే కాలికా పాతు క్రీఙ్కారైకాక్షరీ పరా ॥ ౯॥
క్రీఙ్క్రీఙ్క్రీం మే లలాటఞ్చ కాలికా ఖడ్గధారిణీ ।
హూం హూం పాతు నేత్రయుగం హ్రీం హ్రీం పాతు శ్రుతీ మమ ॥ ౧౦॥
దక్షిణే కాలికా పాతు ఘ్రాణయుగ్మం మహేశ్వరీ ।
క్రీఙ్క్రీఙ్క్రీం రసనామ్పాతు హూం హూం పాతు కపోలకమ్ ॥ ౧౧॥
వదనం సకలమ్పాతు హ్రీఁ హ్రీఁ స్వాహాస్వరూపిణీ ।
ద్వావింశత్యక్షరీ స్కన్ధౌ మహావిద్యా సుఖప్రదా ॥ ౧౨॥
ఖడ్గముణ్డధరా కాలీ సర్వాఙ్గమభితోఽవతు ।
క్రీంహ్రూఁహ్రీఁ త్ర్యక్షరీ పాతు చాముణ్డా హృదయం మమ ॥ ౧౩॥
ఐంహూఁఓంఐం స్తనద్వన్ద్వం హ్రీమ్ఫట్స్వాహా కకుత్స్థలమ్ ।
అష్టాక్షరీ మహావిద్యా భుజౌ పాతు సకర్తృకా ॥ ౧౪॥
క్రీఙ్క్రీంహూంహూంహ్రీంహ్రీఙ్కారీ పాతు షడక్షరీ మమ ।
క్రీం నాభిం మధ్యదేశఞ్చ దక్షిణే కాలికాఽవతు ॥ ౧౫॥
క్రీంస్వాహా పాతు పృష్ఠఞ్చ కాలికా సా దశాక్షరీ ।
క్రీం మే గుహ్యం సదా పాతు కాలికాయై నమస్తతః ॥ ౧౬॥
సప్తాక్షరీ మహావిద్యా సర్వతన్త్రేషు గోపితా ।
హ్రీంహ్రీం దక్షిణే కాలికే హూంహూం పాతు కటిద్వయమ్ ॥ ౧౭॥
కాలీ దశాక్షరీ విద్యా స్వాహా మామూరుయుగ్మకమ్ ।
ఓం క్రీఙ్క్రీం మే స్వాహా పాతు కాలికా జానునీ సదా ॥ ౧౮॥
కాలీహృన్నామవిద్యేయఞ్చతుర్వర్గఫలప్రదా ।
క్రీంహ్రీంహ్రీం పాతు సా గుల్ఫన్దక్షిణే కాలికాఽవతు ॥ ౧౯॥
క్రీంహ్రూంహ్రీం స్వాహా పదమ్పాతు చతుర్ద్దశాక్షరీ మమ ।
ఖడ్గముణ్డధరా కాలీ వరదాభయధారిణీ ॥ ౨౦॥
విద్యాభిస్సకలాభిః సా సర్వాఙ్గమభితోఽవతు ।
కాలీ కపాలినీ కుల్లా కురుకుల్లా విరోధినీ ॥ ౨౧॥
విప్రచిత్తా తథోగ్రోగ్రప్రభా దీప్తా ఘనత్విషా ।
నీలా ఘనా వలాకా చ మాత్రా ముద్రా మితా చ మామ్ ॥ ౨౨॥
ఏతాస్సర్వాః ఖడ్గధరా ముణ్డమాలావిభూషణాః ।
రక్షన్తు దిగ్విదిక్షు మాం బ్రాహ్మీ నారాయణీ తథా ॥ ౨౩॥
మాహేశ్వరీ చ చాముణ్డా కౌమారీ చాపరాజితా ।
వారాహీ నారసిమ్హీ చ సర్వాశ్చామితభూషణాః ॥ ౨౪॥
రక్షన్తు స్వాయుధైర్దిక్షు విదిక్షు మాం యథా తథా ।
ఇతి తే కథితం దివ్యం కవచం పరమాద్భుతమ్ ॥ ౨౫॥
శ్రీజగన్మఙ్గలన్నామ మహావిద్యౌఘవిగ్రహమ్ ।
త్రైలోక్యాకర్షణం బ్రహ్మన్కవచం మన్ముఖోదితమ్ ॥ ౨౬॥
గురుపూజాఁ విధాయాథ విధివత్ప్రపఠేత్తతః ।
కవచన్త్రిస్సకృద్వాపి యావజ్జీవఞ్చ వా పునః ॥ ౨౭॥
ఏతచ్ఛతార్ద్ధమావృత్య త్రైలోక్యవిజయీ భవేత్ ।
త్రైలోక్యఙ్క్షోభయత్యేవ కవచస్య ప్రసాదతః ॥ ౨౮॥
మహాకవిర్భవేన్మాసం సర్వసిద్ధీశ్వరో భవేత్ ।
పుష్పాఞ్జలీన్కాలికాయై మూలేనైవార్పయేత్ సకృత్ ॥ ౨౯॥
శతవర్షసహస్రాణాం పూజాయాః ఫలమాప్నుయాత్ ।
భూర్జే విలిఖితఞ్చైతత్ స్వర్ణస్థన్ధారయేద్యది ॥ ౩౦॥
విశాఖాయాం దక్షబాహౌ కణ్ఠే వా ధారయేద్యది ।
త్రైలోక్యం మోహయేత్ క్రోధాత్త్రైలోక్యఞ్చూర్ణయేత్క్షణాత్ ॥ ౩౧॥
పుత్రవాన్ధనవాఞ్శ్రీమాన్నానావిద్యానిధిర్భవేత్ ।
బ్రహ్మాస్త్రాదీని శస్త్రాణి తద్గాత్రస్పర్శనాత్తతః ॥ ౩౨॥
నాశమాయాతి యా నారీ వన్ధ్యా వా మృతపుత్రినీ ।
బహ్వపత్యా జీవతోకా భవత్యేవ న సంశయః ॥ ౩౩॥
న దేయమ్పరశిష్యేభ్యో హ్యభక్తేభ్యో విశేషతః ।
శిష్యేభ్యో భక్తియుక్తేభ్యో హ్యన్యథా మృత్యుమాప్నుయాత్ ॥ ౩౪॥
స్పర్ద్ధాముద్ధూయ కమలా వాగ్దేవీ మన్దిరే సుఖే ।
పౌత్రాన్తం స్థైర్యమాస్థాయ నివసత్యేవ నిశ్చితమ్ ॥ ౩౫॥
ఇదం కవచమజ్ఞాత్వా యో భజేద్(కాలి)ఘోరదక్షిణామ్ ॥
శతలక్షమ్ప్రజప్త్వాపి తస్య విద్యా న సిద్‍ధ్యతి ॥
సహస్రఘాతమాప్నోతి సోఽచిరాన్మృత్యుమాప్నుయాత్ ॥ ౩౬॥
ఇతి కాలీకవచం అథవా జగన్మఙ్గలకవచమ్ అథవా శ్యామాకవచమ్ సమ్పూర్ణమ్
Comments
Post a Comment