శ్రీఆంజనేయ సుప్రభాతం sri anjaneya Suprabhatam telugu

శ్రీఆంజనేయ సుప్రభాతం

శ్రీసీతారామాభ్యాం నమః । శ్రీమదాఞ్జనేయాయ నమః ।

అమలకనకవర్ణం ప్రజ్వలత్పావకాక్షం సరసిజనిభవక్త్రం సర్వదా సుప్రసన్నమ్

రణరచనసుగాత్రం కుణ్డలాలఙ్కృతాఙ్గం పరజయకరవాలం రామదూతం నమామి ॥

శ్రీరామచన్ద్రచరణామ్బుజమత్తభృఙ్గ శ్రీరామమన్త్రజపశీల భవాబ్ధిపోత

।

శ్రీజానకీహృదయతాపనివారమూర్తే శ్రీవీర ధీర హనుమన్ తవ సుప్రభాతమ్ ॥ ౧॥

శ్రీరామదివ్యచరితామృతాస్వాదలోల శ్రీరామకిఙ్కర గుణాకర దీనబన్ధో ।

శ్రీరామభక్త జగదేకమహోగ్రశౌర్య శ్రీవీర ధీర హనుమన్ తవ సుప్రభాతమ్ ॥ ౨॥

సుగ్రీవమిత్ర కపిశేఖర పుణ్యమూర్తే సుగ్రీవరాఘవసమాగమదివ్యకీర్తే ।

సుగ్రీవమన్త్రివర శూరకులాగ్రగణ్య శ్రీవీర ధీర హనుమన్ తవ సుప్రభాతమ్ ॥ ౩॥

భక్తార్తిభఞ్జన దయాకర యోగివన్ద్య శ్రీకేసరీప్రియతనూజ సువర్ణదేహ ।

శ్రీభాస్కరాత్మజమనోఽమ్బుజచఞ్చరీక శ్రీవీర ధీర హనుమన్ తవ సుప్రభాతమ్॥ ౪॥

శ్రీమారుతప్రియతనూజ మహాబలాఢ్య మైనాకవన్దితపదామ్బుజ దణ్డితారిన్ ।

శ్రీ ఉష్ట్రవాహన సులక్షణలక్షితాఙ్గ శ్రీవీర ధీర హనుమన్ తవ సుప్రభాతమ్॥ ౫॥

పఞ్చాననస్య భవభీతిహరస్య రామపాదాబ్జసేవనపరస్య పరాత్పరస్య ।

శ్రీ అఞ్జనాప్రియసుతస్య సువిగ్రహస్య శ్రీవీర ధీర హనుమన్ తవ సుప్రభాతమ్॥ ౬॥

గన్ధర్వయక్షభుజగాధిపకిన్నరాశ్చ ఆదిత్యవిశ్వవసురుద్రసురర్షిసఙ్ఘాః ।

సఙ్కీర్తయన్తి తవ దివ్యసునామపఙ్క్తిం శ్రీవీర ధీర హనుమన్ తవ సుప్రభాతమ్ ॥ ౭॥

శ్రీగౌతమచ్యవనతుమ్బురునారదాత్రిమైత్రేయవ్యాసజనకాదిమహర్షిసఙ్ఘాః ।

గాయన్తి హర్షభరితాస్తవ దివ్యకీర్తిం శ్రీవీర ధీర హనుమన్ తవ సుప్రభాతమ్ ॥ ౮॥

భృఙ్గావలీ చ మకరన్దరసం పిబేద్యం కూజన్త్యుదారమధురం చరణాయుధాశ్చ ।

దేవాలయే ఘనగభీరసుశఙ్ఖఘోషః శ్రీవీర ధీర హనుమన్ తవ సుప్రభాతమ్ ॥ ౯॥

పమ్పాసరోవరసుపుణ్యపవిత్రతీర్థమాదాయ హేమకలశైశ్చ మహర్షిసఙ్ఘాః ।

తిష్ఠన్తి త్వచ్చరణపఙ్కజసేవనార్థం శ్రీవీర ధీర హనుమన్ తవ సుప్రభాతమ్ ॥ ౧౦॥

శ్రీసూర్యపుత్రప్రియ నాథ మనోజ్ఞమూర్తే వాతాత్మజాత కపివీర సుపిఙ్గలాక్ష ।

సఞ్జీవనాయ రఘువీరసుభక్తవర్య శ్రీవీర ధీర హనుమన్ తవ సుప్రభాతమ్ ॥ ౧౧॥

All copyrights reserved 2012 digital media ac