శ్రీ హనుమాన్ స్వర మాలా స్తోత్రం sri hanuman swara mala stotram Telugu

శ్రీ హనుమాన్ స్వర మాలా స్తోత్రం

అఞ్జనాగర్భసమ్భూతం అగ్నిమిత్రస్య పుత్రకమ్ ।
నమామి రామదూతం తం సర్వకార్యార్థసిద్ధయే ॥ ౧॥

ఆదిత్యసదృశం బాలం అరుణోదయసమ్భవమ్ ।
నమామి రామదూతం తం సర్వకార్యార్థసిద్ధయే ॥ ౨॥

ఇఙ్గితజ్ఞస్య రామస్య దూతకార్యపరాయణమ్ ।
నమామి రామదూతం తం సర్వకార్యార్థసిద్ధయే ॥ ౩॥

ఈశ్వరస్యాంశసమ్భూతం ఈషణారహితం హరిమ్ ।
నమామి రామదూతం తం సర్వకార్యార్థసిద్ధయే ॥ ౪॥

ఉదధిక్రమణం వీరం ఉదారచరితం విభుమ్ ।
నమామి రామదూతం తం సర్వకార్యార్థసిద్ధయే ॥ ౫॥

ఊరువేగోత్థితా వృక్షా ముహూర్తం కపిమన్వయుః ।
నమామి రామదూతం తం సర్వకార్యార్థసిద్ధయే ॥ ౬॥

ఋక్శాఖాధ్యాయినం శాన్తం మృగ్యమాణపదార్చితమ్ ।
నమామి రామదూతం తం సర్వకార్యార్థసిద్ధయే ॥ ౭॥

ౠకారాద్యక్షరోత్పత్తి జ్ఞానపూరితమానసమ్ ।
నమామి రామదూతం తం సర్వకార్యార్థసిద్ధయే ॥ ౮॥

ఋఌ ఇత్యాదివర్ణానాం ఉచ్చారణవిధాయకమ్ । ఌౡ
నమామి రామదూతం తం సర్వకార్యార్థసిద్ధయే ॥ ౯॥

ఏధమానశరీరం తం రాజమానముఖాకృతిమ్ ।
నమామి రామదూతం తం సర్వకార్యార్థసిద్ధయే ॥ ౧౦॥

ఐక్ష్వాకుకులవీరస్య రామస్య ప్రియపాత్రకమ్ ।
నమామి రామదూతం తం సర్వకార్యార్థసిద్ధయే ॥ ౧౧॥

ఓషధాద్రిసమానీతదివ్యౌషధిసమన్వితమ్ ।
నమామి రామదూతం తం సర్వకార్యార్థసిద్ధయే ॥ ౧౨॥

ఔత్సుక్యమాత్రకాలేన శత్రుక్షయకరం విభుమ్ ।
నమామి రామదూతం తం సర్వకార్యార్థసిద్ధయే ॥ ౧౩॥

ఇతి శ్రీ హనుమాన్ స్వర మాలా స్తోత్రం సంపూర్ణం


All copyrights reserved 2012 digital media act