శ్రీ సూక్తం (ఋగ్వేద) Sri suktam with Telugu lyrics
శ్రీసూక్తం (ఋగ్వేద) ॥
ఓం ॥ హిరణ్యవర్ణాం హరిణీం సువర్ణరజతస్రజామ్ ।
చన్ద్రాం హిరణ్మయీం లక్ష్మీం జాతవేదో మ ఆవహ ॥ ౧॥
తాం మ ఆవహ జాతవేదో లక్ష్మీమనపగామినీమ్ ।
యస్యాం హిరణ్యం విన్దేయం గామశ్వం పురుషానహమ్ ॥ ౨॥
అశ్వపూర్వాం రథమధ్యాం హస్తినాదప్రబోధినీమ్ ।
శ్రియం దేవీముపహ్వయే శ్రీర్మాదేవీర్జుషతామ్ ॥ ౩॥
కాం సోస్మితాం హిరణ్యప్రాకారామార్ద్రాం జ్వలన్తీం తృప్తాం తర్పయన్తీమ్ ।
పద్మే స్థితాం పద్మవర్ణాం తామిహోపహ్వయే శ్రియమ్ ॥ ౪॥
చన్ద్రాం ప్రభాసాం యశసా జ్వలన్తీం శ్రియం లోకే దేవజుష్టాముదారామ్ ।
తాం పద్మినీమీం శరణమహం ప్రపద్యేఽలక్ష్మీర్మే నశ్యతాం త్వాం వృణే ॥ ౫॥
ఆదిత్యవర్ణే తపసోఽధిజాతో వనస్పతిస్తవ వృక్షోఽథ బిల్వః ।
తస్య ఫలాని తపసా నుదన్తు మాయాన్తరాయాశ్చ బాహ్యా అలక్ష్మీః ॥ ౬॥
ఉపైతు మాం దేవసఖః కీర్తిశ్చ మణినా సహ ।
ప్రాదుర్భూతోఽస్మి రాష్ట్రేఽస్మిన్ కీర్తిమృద్ధిం దదాతు మే ॥ ౭॥
క్షుత్పిపాసామలాం జ్యేష్ఠామలక్ష్మీం నాశయామ్యహమ్ ।
అభూతిమసమృద్ధిం చ సర్వాం నిర్ణుద మే గృహాత్ ॥ ౮॥
గంధద్వారాం దురాధర్షాం నిత్యపుష్టాం కరీషిణీమ్ ।
ఈశ్వరీꣳ సర్వభూతానాం తామిహోపహ్వయే శ్రియమ్ ॥ ౯॥
మనసః కామమాకూతిం వాచః సత్యమశీమహి ।
పశూనాం రూపమన్నస్య మయి శ్రీః శ్రయతాం యశః ॥ ౧౦॥
కర్దమేన ప్రజాభూతా మయి సమ్భవ కర్దమ ।
శ్రియం వాసయ మే కులే మాతరం పద్మమాలినీమ్ ॥ ౧౧॥
ఆపః సృజన్తు స్నిగ్ధాని చిక్లీత వస మే గృహే ।
ని చ దేవీం మాతరం శ్రియం వాసయ మే కులే ॥ ౧౨॥
ఆర్ద్రాం పుష్కరిణీం పుష్టిం పిఙ్గలాం పద్మమాలినీమ్ ।
చన్ద్రాం హిరణ్మయీం లక్ష్మీం జాతవేదో మ ఆవహ ॥ ౧౩॥
ఆర్ద్రాం యః కరిణీం యష్టిం సువర్ణాం హేమమాలినీమ్ ।
సూర్యాం హిరణ్మయీం లక్ష్మీం జాతవేదో మ ఆవహ ॥ ౧౪॥
తాం మ ఆవహ జాతవేదో లక్ష్మీమనపగామినీమ్ ।
యస్యాం హిరణ్యం ప్రభూతం గావో దాస్యోఽశ్వాన్విన్దేయం పురుషానహమ్ ॥ ౧౫॥
యః శుచిః ప్రయతో భూత్వా జుహుయాదాజ్య మన్వహమ్ ।
శ్రియః పఞ్చదశర్చం చ శ్రీకామః సతతం జపేత్ ॥ ౧౬॥
ఫలశ్రుతి
పద్మాననే పద్మ ఊరూ పద్మాక్షీ పద్మసమ్భవే ।
త్వం మాం భజస్వ పద్మాక్షీ యేన సౌఖ్యం లభామ్యహమ్ ॥
అశ్వదాయీ గోదాయీ ధనదాయీ మహాధనే ।
ధనం మే జుషతాం దేవి సర్వకామాంశ్చ దేహి మే ॥
పుత్రపౌత్ర ధనం ధాన్యం హస్త్యశ్వాదిగవే రథమ్ ।
ప్రజానాం భవసి మాతా ఆయుష్మన్తం కరోతు మామ్ ॥
ధనమగ్నిర్ధనం వాయుర్ధనం సూర్యో ధనం వసుః ।
ధనమిన్ద్రో బృహస్పతిర్వరుణం ధనమశ్ను తే ॥
వైనతేయ సోమం పిబ సోమం పిబతు వృత్రహా ।
సోమం ధనస్య సోమినో మహ్యం దదాతు సోమినః ॥
న క్రోధో న చ మాత్సర్యం న లోభో నాశుభా మతిః ॥
భవన్తి కృతపుణ్యానాం భక్తానాం శ్రీసూక్తం జపేత్సదా ॥
వర్షన్తు తే విభావరి దివో అభ్రస్య విద్యుతః ।
రోహన్తు సర్వబీజాన్యవ బ్రహ్మ ద్విషో జహి ॥
పద్మప్రియే పద్మిని పద్మహస్తే పద్మాలయే పద్మదలాయతాక్షి ।
విశ్వప్రియే విష్ణు మనోఽనుకూలే త్వత్పాదపద్మం మయి సన్నిధత్స్వ ॥
యా సా పద్మాసనస్థా విపులకటితటీ పద్మపత్రాయతాక్షీ ।
గమ్భీరా వర్తనాభిః స్తనభర నమితా శుభ్ర వస్త్రోత్తరీయా ।
లక్ష్మీర్దివ్యైర్గజేన్ద్రైర్మణిగణ ఖచితైస్స్నాపితా హేమకుమ్భైః ।
నిత్యం సా పద్మహస్తా మమ వసతు గృహే సర్వమాఙ్గల్యయుక్తా ॥
లక్ష్మీం క్షీరసముద్ర రాజతనయాం శ్రీరంగధామేశ్వరీమ్ ।
దాసీభూతసమస్త దేవ వనితాం లోకైక దీపాంకురామ్ ।
శ్రీమన్మన్దకటాక్షలబ్ధ విభవ బ్రహ్మేన్ద్రగఙ్గాధరాం ।
త్వాం త్రైలోక్య కుటుమ్బినీం సరసిజాం వన్దే ముకున్దప్రియామ్ ॥
సిద్ధలక్ష్మీర్మోక్షలక్ష్మీర్జయలక్ష్మీస్సరస్వతీ ।
శ్రీలక్ష్మీర్వరలక్ష్మీశ్చ ప్రసన్నా మమ సర్వదా ॥
వరాంకుశౌ పాశమభీతిముద్రాం కరైర్వహన్తీం కమలాసనస్థామ్ ।
బాలార్క కోటి ప్రతిభాం త్రిణేత్రాం భజేహమాద్యాం జగదీశ్వరీం తామ్ ॥
సర్వమఙ్గలమాఙ్గల్యే శివే సర్వార్థ సాధికే ।
శరణ్యే త్ర్యమ్బకే దేవి నారాయణి నమోఽస్తు తే ॥
సరసిజనిలయే సరోజహస్తే ధవలతరాంశుక గన్ధమాల్యశోభే ।
భగవతి హరివల్లభే మనోజ్ఞే త్రిభువనభూతికరిప్రసీద మహ్యమ్ ॥
విష్ణుపత్నీం క్షమాం దేవీం మాధవీం మాధవప్రియామ్ ।
విష్ణోః ప్రియసఖీంమ్ దేవీం నమామ్యచ్యుతవల్లభామ్ ॥
మహాలక్ష్మీ చ విద్మహే విష్ణుపత్నీ చ ధీమహీ ।
తన్నో లక్ష్మీః ప్రచోదయాత్ ॥
(ఆనన్దః కర్దమః శ్రీదశ్చిక్లీత ఇతి విశ్రుతాః ।
ఋషయః శ్రియః పుత్రాశ్చ శ్రీర్దేవీర్దేవతా మతాః (స్వయమ్
శ్రీరేవ దేవతా ॥ )
(చన్ద్రభాం లక్ష్మీమీశానామ్ సుర్యభాం శ్రియమీశ్వరీమ్ ।
చన్ద్ర సూర్యగ్ని సర్వాభామ్ శ్రీమహాలక్ష్మీముపాస్మహే ॥
శ్రీవర్చస్యమాయుష్యమారోగ్యమావిధాత్ పవమానం మహీయతే ।
ధనం ధాన్యం పశుం బహుపుత్రలాభం శతసంవత్సరం దీర్ఘమాయుః ॥
ఋణరోగాదిదారిద్ర్యపాపక్షుదపమృత్యవః ।
భయశోకమనస్తాపా నశ్యన్తు మమ సర్వదా ॥
శ్రియే జాత శ్రియ ఆనిర్యాయ శ్రియం వయో జనితృభ్యో దధాతు ।
శ్రియం వసానా అమృతత్వమాయన్ భజంతి సద్యః సవితా విదధ్యూన్ ॥
శ్రియ ఏవైనం తచ్ఛ్రియామాదధాతి । సన్తతమృచా వషట్కృత్యం
సన్ధత్తం సన్ధీయతే ప్రజయా పశుభిః । య ఏవం వేద ।
ఓం మహాదేవ్యై చ విద్మహే విష్ణుపత్నీ చ ధీమహి ।
తన్నో లక్ష్మీః ప్రచోదయాత్ ॥
॥ ఓం శాన్తిః శాన్తిః శాన్తిః ॥
Comments
Post a Comment