Srilakshmi hayagreeva pancharatnam శ్రీలక్ష్మీ హయగ్రీవ పంచరత్నం

శ్రీలక్ష్మీ హయగ్రీవ పంచరత్నం

 జ్ఞానానన్దామలాత్మా కలికలుషమహాతూలవాతూలనామా  

సీమాతీతాత్మభూమా మమ హయవదనా దేవతా ధావితారిః । 

యాతా శ్వేతాబ్జమధ్యం ప్రవిమలకమలస్రగ్ధరాదుగ్ధరాశిః

స్మేరా సా రాజరాజప్రభృతినుతిపదం సమ్పదం సంవిధత్తామ్ ॥ ౧॥

తారాతారాధినాథస్ఫటికమణిసుధాహీరహారాభిరామా 

రామా రత్నాబ్ధికన్యాకుచలికుచపరీరమ్భసంరమ్భధన్యా ।

మాన్యాఽనన్యార్హదాస్యప్రణతతతిపరిత్రాణసత్నాత్తదీక్షా 

దక్షా సాక్షాత్కృతైషా సపది హయముఖీ దేవతా సాఽవతాన్నః ॥ ౨॥

అన్తర్ధ్వాన్తస్య కల్యం నిగమహృదసురధ్వంసనైకాన్తకల్యం 

కల్యాణానాం గుణానాం జలధిమభినమద్బాన్ధవం సైన్ధవాస్యమ్ । 

శుభ్రాంశు భ్రాజమానం దధతమరిదరౌ పుస్తకం హస్తకఞ్జైః 

భద్రాం వ్యాఖ్యానముద్రామపి హృది శరణం యామ్యుదారం సదారమ్ ॥ ౩॥ 

వన్దే తం దేవమాద్యం నమదమరమహారత్నకోటీరకోటీ-

వాటీనియత్ననిర్యద్ఘృణిగణమసృణీభూతపాదాంశుజాతమ్।

శ్రీమద్రామానుజార్యశ్రుతిశిఖరగురుబ్రహ్మతన్త్రస్వతన్త్రైః 

పూజ్యం ప్రాజ్యం సభాజ్యం కలిరిపుగురుభిశ్శశ్వదశ్వోత్తమాఙ్గమ్ ॥ ౪॥

విద్యా హృద్యాఽనవద్యా యదనఘకరుణాసారసారప్రసారాత్ 

ధీరాధారాధరాయామజని జనిమతాం తాపనిర్వాపయిత్రీ ।

శ్రీకృష్ణ బ్రహ్మతన్త్రాదిమపదకలిజిత్సంయమీన్ద్రార్చితం తత్ 

శ్రీమద్ధామాతిభూమ ప్రథయతు కుశలం శ్రీహయగ్రీవనామ ॥ ౫॥

ఇతి శ్రీకృష్ణబ్రహ్మతన్త్రపరకాలమహాదేశికకృతిషు 

శ్రీలక్ష్మీహయగ్రీవపఞ్చరత్నం నామ స్తోత్రం సమాప్తమ్ 

All copyrights reserved 2012 digital media act