Srilakshmi stotram లక్ష్మీ స్తోత్రం (అగస్త్య కృతం)
లక్ష్మీ స్తోత్రం (అగస్త్య కృతం)
జయ పద్మపలాశాక్షి జయ త్వం శ్రీపతిప్రియే ।
జయ మాతర్మహాలక్ష్మి సంసారార్ణవతారిణి ॥
మహాలక్ష్మి నమస్తుభ్యం నమస్తుభ్యం సురేశ్వరి ।
హరిప్రియే నమస్తుభ్యం నమస్తుభ్యం దయానిధే ॥
పద్మాలయే నమస్తుభ్యం నమస్తుభ్యం చ సర్వదే ।
సర్వభూతహితార్థాయ వసువృష్టిం సదా కురు ॥
జగన్మాతర్నమస్తుభ్యం నమస్తుభ్యం దయానిధే ।
దయావతి నమస్తుభ్యం విశ్వేశ్వరి నమోఽస్తు తే ॥
నమః క్షీరార్ణవసుతే నమస్త్రైలోక్యధారిణి ।
వసువృష్టే నమస్తుభ్యం రక్ష మాం శరణాగతం ॥
రక్ష త్వం దేవదేవేశి దేవదేవస్య వల్లభే ।
దరిద్రాత్త్రాహి మాం లక్ష్మి కృపాం కురు మమోపరి ॥
నమస్త్రైలోక్యజనని నమస్త్రైలోక్యపావని ।
బ్రహ్మాదయో నమస్తే త్వాం జగదానన్దదాయిని ॥
విష్ణుప్రియే నమస్తుభ్యం నమస్తుభ్యం జగద్ధితే ।
ఆర్తహన్త్రి నమస్తుభ్యం సమృద్ధిం కురు మే సదా ॥
అబ్జవాసే నమస్తుభ్యం చపలాయై నమో నమః ।
చంచలాయై నమస్తుభ్యం లలితాయై నమో నమః ॥
నమః ప్రద్యుమ్నజనని మాతుస్తుభ్యం నమో నమః ।
పరిపాలయ భో మాతర్మాం తుభ్యం శరణాగతం ॥
శరణ్యే త్వాం ప్రపన్నోఽస్మి కమలే కమలాలయే ।
త్రాహి త్రాహి మహాలక్ష్మి పరిత్రాణపరాయణే ॥
పాణ్డిత్యం శోభతే నైవ న శోభన్తి గుణా నరే ।
శీలత్వం నైవ శోభేత మహాలక్ష్మి త్వయా వినా ॥
తావద్విరాజతే రూపం తావచ్ఛీలం విరాజతే ।
తావద్గుణా నరాణాం చ యావల్లక్ష్మీః ప్రసీదతి ॥
లక్ష్మిత్వయాలంకృతమానవా యే పాపైర్విముక్తా నృపలోకమాన్యాః ।
గుణైర్విహీనా గుణినో భవన్తి దుశీలినః శీలవతాం వరిష్ఠాః ॥
లక్ష్మీర్భూషయతే రూపం లక్ష్మీర్భూషయతే కులం ।
లక్ష్మీర్భూషయతే విద్యాం సర్వాల్లక్ష్మీర్విశిష్యతే ॥
లక్ష్మి త్వద్గుణకీర్తనేన కమలాభూర్యాత్యలం జిహ్మతాం ।
రుద్రాద్యా రవిచన్ద్రదేవపతయో వక్తుం చ నైవ క్షమాః ॥
అస్మాభిస్తవ రూపలక్షణగుణాన్వక్తుం కథం శక్యతే ।
మాతర్మాం పరిపాహి విశ్వజనని కృత్వా మమేష్టం ధ్రువం ॥
దీనార్తిభీతం భవతాపపీడితం ధనైర్విహీనం తవ పార్శ్వమాగతం ।
కృపానిధిత్వాన్మమ లక్ష్మి సత్వరం ధనప్రదానాద్ధన్నాయకం కురు ॥
మాం విలోక్య జనని హరిప్రియే । నిర్ధనం త్వత్సమీపమాగతం ॥
దేహి మే ఝటితి లక్ష్మి । కరాగ్రం వస్త్రకాంచనవరాన్నమద్భుతం ॥
త్వమేవ జననీ లక్ష్మి పితా లక్ష్మి త్వమేవ చ ॥
త్రాహి త్రాహి మహాలక్ష్మి త్రాహి త్రాహి సురేశ్వరి ।
త్రాహి త్రాహి జగన్మాతర్దరిద్రాత్త్రాహి వేగతః ॥
నమస్తుభ్యం జగద్ధాత్రి నమస్తుభ్యం నమో నమః ।
ధర్మాధారే నమస్తుభ్యం నమః సమ్పత్తిదాయినీ ॥
దరిద్రార్ణవమగ్నోఽహం నిమగ్నోఽహం రసాతలే ।
మజ్జన్తం మాం కరే ధృత్వా సూద్ధర త్వం రమే ద్రుతం ॥
కిం లక్ష్మి బహునోక్తేన జల్పితేన పునః పునః ।
అన్యన్మే శరణం నాస్తి సత్యం సత్యం హరిప్రియే ॥
ఏతచ్శ్రుత్వాఽగస్తివాక్యం హృష్యమాణ హరిప్రియా ।
ఉవాచ మధురాం వాణీం తుష్టాహం తవ సర్వదా ॥
లక్ష్మీరువాచ
యత్త్వయోక్తమిదం స్తోత్రం యః పఠిష్యతి మానవః ।
శృణోతి చ మహాభాగస్తస్యాహం వశవర్తినీ ॥
నిత్యం పఠతి యో భక్త్యా త్వలక్ష్మీస్తస్య నశ్యతి ।
రణశ్చ నశ్యతే తీవ్రం వియోగం నైవ పశ్యతి ॥
యః పఠేత్ప్రాతరుత్థాయ శ్రద్ధా-భక్తిసమన్వితః ।
గృహే తస్య సదా స్థాస్యే నిత్యం శ్రీపతినా సహ ॥
సుఖసౌభాగ్యసమ్పన్నో మనస్వీ బుద్ధిమాన్ భవేత్ ।
పుత్రవాన్ గుణవాన్ శ్రేష్ఠో భోగభోక్తా చ మానవః ॥
ఇదం స్తోత్రం మహాపుణ్యం లక్ష్మ్యగస్తిప్రకీర్తితం ।
విష్ణుప్రసాదజననం చతుర్వర్గఫలప్రదం ॥
రాజద్వారే జయశ్చైవ శత్రోశ్చైవ పరాజయః ।
భూతప్రేతపిశాచానాం వ్యాఘ్రాణాం న భయం తథా ॥
న శస్త్రానలతోయౌఘాద్భయం తస్య ప్రజాయతే ।
దుర్వృత్తానాం చ పాపానాం బహుహానికరం పరం ॥
మన్దురాకరిశాలాసు గవాం గోష్ఠే సమాహితః ।
పఠేత్తద్దోషశాన్త్యర్థం మహాపాతకనాశనం ॥
సర్వసౌఖ్యకరం నృణామాయురారోగ్యదం తథా ।
అగస్రిఆమునినా ప్రోక్తం ప్రజానాం హితకామ్యయా ॥
॥ ఇత్యగస్తివిరచితం లక్ష్మీస్తోత్రం సమ్పూర్ణం ॥
All copyrights reserved 2012 digital media act
Comments
Post a Comment